home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

មកដឹងពីជំងឺមហារីទាំង ៥ ឧស្សាហ៍កើតឡើងបំផុតលើមនុស្សស្រី

មកដឹងពីជំងឺមហារីទាំង ៥ ឧស្សាហ៍កើតឡើងបំផុតលើមនុស្សស្រី

មហារីក​ជាជំងឺកាចសាហាវ គួរ​ណាស់​តែ​គ្នា​យើង​ស្រីៗ​ស្វែង​យល់​ព័ត៌មាន​ពី​ជំងឺ និង​រោគ​សញ្ញា​ឲ្យ​បាន​ច្បាស់ ព្រោះ​មហារីក ជា​ជំងឺ​កាច​សាហាវ កើត​ឡើង​នៅ​លើ​រាងកាយ​យើង​ស្ងាត់​ៗ ទម្រាំ​តែ​ដឹង អាច​ហួស​ពេល​ព្យាបាល។

ជំងឺ​មហារីក​លើ​មនុស្ស​ស្រី​ទាំង ៥មុខ

១. ជំងឺ​មហារីក​សុដន់៖ ជំងឺ​មហារីក​សុដន់ អាច​កើត​ឡើង​លើ​មនុស្ស​ស្រី​គ្រប់​វ័យ ប៉ុន្តែ​បើ​អាយុ​កាន់​តែ​ខ្ពស់ ហានិភ័យ​កើត​មហារីក​សុដន់​ក៏​កាន់​តែ​ខ្ពស់​ដូច​គ្នា។ ហានិភ័យ​ប្រឈម​កើត​មហារីក​សុដន់​មាន​ច្រើន​ដូច​ជា ភេទ​ស្រី អាយុ ប្រវត្តិ​គ្រួសារ កត្តា​ហ្សែន ធាត់​លើស​ទម្ងន់ អស់​រដូវ ឬ​មិន​ធ្លាប់​មាន​រដូវ។ រោគសញ្ញា​ស្រី​គ្នា​យើង​គួរ​កត់​សម្គាល់​រួមមាន៖

  • ឈឺ​ក្នុង​ក្លៀក ឬ​សុដន់ មិនមែន​បណ្ដាល​ពី​ការ​មក​វដ្ត​រដូវ
  • មាន​ទ្រុឌ ឬ​ស្បែក​សុដន់​ឡើង​ក្រហម ដូច​ផ្លែ​ក្រូច
  • រមាស់​ចុង​សុដន់​ម្ខាង
  • មាន​ខ្ទុះ​ចេញ​ពី​ចុង​សុដន់ អាច​មាន​ទាំង​ឈាម​មក​ជា​មួយ
  • ចុង​សុដន់​លិប​ចូល​ក្នុង
  • សុដន់​ម្ខាង​ធំ​ជាង​ម្ខាង​ទៀត
  • ឡើង​ប្រេះ​ស្រកា ឬ​របក​ស្បែក​សុដន់ ស្បែក​ចុង​សុដន់។

២. ជំងឺ​មហារីក​មាត់​ស្បូន៖ ជំងឺ​មហារីក​មាត់ស្បូន ឧស្សាហ៍​ជួប​ប្រទះ​បំផុត​លើ​ស្រ្ដី​ពាសពេញ​ពិភពលោក។ មហារីក​មាត់ស្បូន បង្ក​ឡើង​នៅ​ក្នុង​មាត់​ស្បូន ស្ថិត​នៅ​ផ្នែក​ក្រោមស្បូន ចាប់​ផ្តើម​រីក​លូតលាស់​មិន​អាច​គ្រប់គ្រងបាន។ កោសិកា​ថ្មី កកើត​ឡើង​ឆាប់​រហ័ស បង្កើត​ជា​ដុំសាច់​នៅ​ក្នុង​ក​ស្បូន។ កត្តា​ប្រឈម​នៃ​ជំងឺ​មហារីក​ស្បូន​មាន ឆ្លង​មេរោគ HPV ជក់​បារី ប្រព័ន្ធ​ភាព​ស៊ាំ​ធ្លាក់​ចុះ ឆ្លង​មេរោគ​ប្រមេះ ញ៉ាំ​ផ្លែ​ឈើ បន្លែ​តិចតួច និង ធាត់​លើស​ទម្ងន់។ ស្រីៗ​គួរ​តាម​ដាន​មើល​រោគ​សញ្ញា​ដូច​ជា៖

  • ឈឺ​ចាប់​ពេល​រួមភេទ
  • ឈឺ​ពោះ​ផ្នែក​ខាង​ក្រោម ឬ​ឈឺ​ត្រគាក
  • ធ្លាក់​ស​ខុស​ប្រក្រតី ​មាន​ឈាម​លាយ​ឡំ​ជាមួយ
  • ធ្លាក់​ឈាម​តាម​ទ្វារមាស មាន​លក្ខណៈ​មិន​ប្រក្រតី ធ្លាក់​ឈាម​ចន្លោះ​ពេល​មាន​រដូវ មក​រដូវ​មាន​រយៈពេល​យូរ
  • មាន​ឈាម​ក្រោយ​ពេល​រួមភេទ អំឡុង​ពេល​រួមភេទ ឬក្រោយ​ពេល​អស់​រដូវ មានឈាម​បន្ទាប់​ពី​បន្ទោបង់ និង​ក្រោយ​ពិនិត្យ​អាង​ត្រគាក។

៣. ជំងឺ​មហារីក​ពោះវៀន​ធំ៖ មហារីក​ពោះវៀន​ធំ​គឺ​ជា​មហារីក​កើត​ឡើង​លើ​សរីរាង្គ​ពោះវៀន​ធំ​ដែល​ជា​ផ្នែក​ចុង​ក្រោយ​នៃ​ផ្លូវ​រំលាយ​អាហារ​របស់​មនុស្ស​។ កត្តា​ប្រឈម​កើត​ជំងឺ​មហារីក​ពោះវៀន​ធំ​មាន អាយុ​ច្រើន មាន​សាច់​ដក់​ក្នុង​ប្រហោង​ពោះ​វៀន មាន​របប​អាហារ​មាន​ជាតិ​សរសៃ​តិច ជក់​បារី និង​ផឹក​ស្រា​ច្រើន អង្គុយ​ធ្វើ​ការច្រើន​មិន​សូវ​បញ្ចេញ​កម្លាំង​កាយ។ រោគ​សញ្ញា​គួរ​តាម​ដាន​មាន៖

  • ចលនា​ពោះវៀន​ធំ​មាន​ការ​ប្រែ​ប្រួល​ដូចជា​ទល់​លាមក​ ឬ​រាកខុស​ប្រក្រតី​ជា​ច្រើន​សប្ដាហ៍
  • មាន​ការ​ហូរ​ឈាម​តាម​រន្ធ​គូថ
  • ឈឺ​ពោះ​ចុក និង​ឆ្អល់​ណែន​ជា​ប្រចាំ
  • មាន​អារម្មណ៍​ថា​ពោះវៀន​មាន​ស្ទះ​អ្វី​មួយ​
  • នឿយ​ហត់ និង​អស់​កម្លាំង
  • ស្រក​ទម្ងន់​ជា​ដើម

៤. ជំងឺ​មហារីក​ស្រទាប់​ស្បូន៖ មហារីក​ស្រទាប់​ស្បូន ជា​​មហារីក​ដែល​កើត​ដំបូង​នៅ​ក្នុង​ស្បូន។ ជំងឺ​នេះ​ចាប់​ផ្ដើម​ដំបូង​នៅ​ក្នុង​ស្រទាប់​កោសិកា​របស់​ស្រទាប់​ស្បូន​ ពេល​ខ្លះ​គេ​ក៏​អាច​ហៅ​វា​ថា​មហារីក​ស្បូន​ផង​ដែរ។ កត្ដា​ប្រឈម​ធ្វើ​ឲ្យ​កើត​ជំងឺ​មហារីក​ស្រទាប់​ស្បូន​​​មាន​ដូច​ជា អាយុ ចំណី​អាហារ និង​លំហាត់​ប្រាណ ជំងឺ​ទឹក​នោម​ផ្អែម ប្រវត្តិ​គ្រួសារ​ដូច​ជា​មាន​សាច់​ញាតិ​កើត​មហារីក​ស្រទាប់​ស្បូន ​ឬ​មហារីក​ពោះ​វៀន​ធំ​ជាដើម។ រោគសញ្ញា​ទូទៅ​របស់​មហារីក​ស្រទាប់​ស្បូន​​​មាន​៖

  • ហូរ​ឈាម​តាម​ទ្វារមាស​ក្រោយ​​អស់​រដូវ
  • មាន​ធ្លាក់​ឈាម​ចន្លោះ​វដ្ត​រដូវ
  • ធ្លាក់​ស ឬ​ឈាម​ខុស​ធម្មតា​តាម​ទ្វារ​មាស
  • ឈឺ​ត្រគាក

៥. ជំងឺ​មហារីក​ក្រពេញ​អូវែ៖ មហារីក្រពេញ​អូវែ ជា​ដុំ​មហារីក​វិវត្ត​នៅ​ក្នុង​ក្រពេញអូវែ ដែល​ជា​កន្លែង​ផលិត​​ស៊ុត (មេជីវិតញី) ​និង​អ័រម៉ូន​ស្រ្តី ​ដូចជា អ័រម៉ូន​អឺស្រ្តូសែន និង​ប្រ្តូហ្គេសេ្តរ៉ូន។ មហារីកក្រពេញ​អូវែ ភាគ​ច្រើន​កើត​ចំពោះ​ស្រីៗ​វ័យ​កណ្តាល ខណៈ​ករណី​ស្រីៗ​ស្លាប់​ដោយ​សារ​​កើត​មហារីក​ក្រពេញអូវែ ​ភាគ​ច្រើនលើ​ស្រីៗ​​មាន​វ័យ​លើស​ពី ៥៥ ឆ្នាំ។ កត្តា​ប្រឈម​ជំងឺ​មហារីក​ក្រពេញ​អូវែ​មាន មាន​ជំងឺ​មហារីក​សុដន់ មាន​កូន​តិច ប្រើ​ប្រាស់​ថ្នាំ​អ័រម៉ូន​យូរ​ឆ្នាំ និង​កត្តាអាយុ។ រោគ​សញ្ញា​យើង​គួរ​តាម​ដាន​មាន​ដូច​ជា៖

  • ហើមពោះ ​និង​យា​រប៉ោង
  • ឆាប់​​ឆ្អែត​ពេលញ៉ាំ​អាហារ
  • ស្រក​ទម្ងន់​
  • មាន​អារម្មណ៍​មិន​ស្រួល​នៅ​តំបន់​អាង​ត្រគាក
  • ផ្លាស់​ប្តូរ​ការ​បន្ទោបង់
  • បត់​ជើង​តូច​ញឹក​ញាប់
  • ​រដូវ​មិន​ទៀង
  • ចង្អោរ ក្អួត មិន​រំលាយ​អាហារ មិន​ចង់​ញុំ​​អាហារ ហើម​ពោះ
  • ឈឺ​ឆ្អឹង​ខ្នង​ដោយ​គ្មាន​មូល​ហេតុ៕

ជំងឺមហារីកលើមនុស្សស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.everydayhealth.com/womens-health/cancers-affecting-women-today.aspx

https://www.cancer.org/healthy/cancer-facts/cancer-facts-for-women.html

https://www.kucancercenter.org/news-room/blog/2020/08/most-common-cancers-women-how-to-detect-them-early?reloadts=1625727024687

រូបថត​របស់​អ្នក​និពន្ធbadge
ដោយ នាង សុខុមដាលីញ៉ា កែសម្រួល​ចុងក្រោយ 3 weeks ago
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x