គ្រាន់តែគិតច្រើនបន្តិច គេងមិនលក់ទៅហើយ កុំថាឡើយមានជំងឺប្រចាំកាយ ដូចជា មហារីកទៀតនោះ ច្បាស់ជាកាន់តានតឹងខ្លាំង គេងកាន់តែមិនលក់ មិនអ៊ីចឹងស្រីៗគ្នាយើង? តែឈប់បារម្ភទៅ ទោះកើតមហារីកមាត់ស្បូន ក៏នៅតែអាចគេងលក់ស្រួល គ្រាន់តែសាកល្បងតាមវិធីសាស្រ្តសាមញ្ញទាំងនេះ។
កើតមហារីក ពិបាកគេង សាកវិធីទាំងនេះមើល៍!
១- ញ៉ាំទឹកដោះគោក្តៅឧណ្ហៗ
ទឹកដោះគោ ជាប្រភពអាហារជួយយើងគេចផុតពីបញ្ហាគេងមិនលក់ ព្រោះមានផ្ទុកនូវជាតិកាល់ស្យូម អាចជួយខួរក្បាលបញ្ចេញអ័រម៉ូនមេឡាតូនីន ពិសេសពពួកទឹកដោះគោ មានជាតិអាល់ម៉ុន។ គួរតែផឹកទឹកដោះគោក្ដៅមួយកែវ មុនពេលចូលគេងជារៀងរាល់ថ្ងៃ។ អត្ថប្រយោជន៍ចម្បង ពីទឹកដោះគោក្ដៅឧណ្ហៗ គឺជួយសម្រួលការចងចាំយើងប្រចាំថ្ងៃ ជាហេតុនាំឲ្យគេងបានស្កប់ស្កល់ពេលយប់ផងដែរ។
២- ពន្លឺភ្លើងនិងគ្រឿងអេឡិចត្រូនិក
ពន្លឺភ្លើងពេលយប់ ធ្វើឲ្យយើងពិបាកគេងលក់ឲ្យបានស្ងប់ណាស់ ហេតុនេះបន្ទប់គេងមិនគួរភ្លឺពេកនោះទេ គួរព្យាយាមធ្វើឲ្យវាងងឹតតាមអាចធ្វើទៅបាន ចាំថាពន្លឺភ្លើងពេលរាត្រីអាចធ្វើឲ្យរារាំងការបញ្ចេញអ័រម៉ូនមេឡាតូនីន (អ័រម៉ូនធ្វើឲ្យងងុយគេង) ធ្វើឲ្យយើងមិនសូវងងុយ ទោះបីជាម៉ោងគេងក៏ដោយ។
ក្រៅពីនេះ គួរតែនៅឲ្យឆ្ងាយពីឧបករណ៍អេឡិចត្រូនិកផ្សេងៗ ដូចជា ទូរស័ព្ទដៃ ទូរទស្សន៍ ឬកុំព្យូទ័រជាដើម។ ចៀសវាងនូវទម្លាប់ប្រើឧបករណ៍ទាំងនេះ ព្រោះមិនបាននាំផលល្អដល់ការគេងរបស់យើងទេ ហើយពន្លឺចេញពីឧបករណ៍ទាំងនោះ អាចប៉ះពាល់ទៅដល់ខួរក្បាលទៀតផង។ មួយវិញទៀត គប្បីដាក់ទូរទស្សន៍ក្រៅបន្ទប់គេង ចៀសវាងគេងលើគ្រែមើលទូរទស្សន៍ ព្រោះអាចរំខាននៅពេលយើងចង់គេងមែនទែន។
៣- ហាត់ប្រាណពេលព្រឹក
ហាត់ប្រាណ ជួយឲ្យអ្នកគេងលក់ស្រួលដូចគ្នា តែអាស្រ័យទៅលើកម្រិត និងរយៈពេលហាត់។ ពេលយើងហាត់ប្រាណ កម្តៅក្នុងខ្លួននឹងកើនឡើង ហើយ ៦ ម៉ោងក្រោយទើបវាថយចុះមកធម្មតាវិញ។ គួរមុជទឹក ចាំរាងកាយយើងត្រជាក់ធម្មតាវិញ សឹមចូលគេង ដើម្បីគេងបានស្កប់ស្កល់។
លំហាត់ប្រាណទាំងនោះ ពិតជាអាចជះឥទ្ធិពលទៅលើដំណេកយើងមែន ចំពោះស្រីៗហាត់ប្រាណរយៈពេល ៣០នាទី ជារៀងរាល់ថ្ងៃ អាចមានបញ្ហាគេងមិនលក់ តិចជាងស្រីៗមិនហាត់ប្រាណសោះ ឬហាត់ប្រាណតិចជាងនេះ។ ហេតុនេះ គប្បីហាត់ប្រាណជារៀងរាល់ព្រឹកដើម្បី ងាយគេងលក់ និងស្កប់ស្កល់។
៤- គ្រែគេងត្រូវនៅដាច់ដោយឡែក
ត្រូវទុកឲ្យមានចន្លោះសម្រាប់ដាក់គ្រែគេងសមរម្យ គប្បីរៀបចំគ្រែគេងដាច់ ពីកន្លែងដទៃ ដូចជា កន្លែងញ៉ាំបាយ និងតុធ្វើការជាដើម។ បើយើងភ្ញាក់នៅពេលយប់ ចៀសវាងការបើកកុំព្យូទ័រ ឬទូរទស្សន៍ គួរតែសាកល្បងអានសៀវភៅដោយស្ងៀមស្ងាត់ ឬសមាធិរហូតទាល់តែងុយគេងវិញសឹមចូលបន្ទប់គេង។ ទុកគ្រែគេងដាច់ដោយឡែកពីកន្លែងដទៃ ព្រោះសំខាន់ ពិសេសបើយើងមានបញ្ហាគេងមិនលក់រយៈពេលយូរ។
៥- សាកល្បងព្យាបាលដោយក្លិនក្រអូប
ប្រេងក្រអូបមួយចំនួន ក៏អាចជួយឲ្យគេលក់ស្រួល ពិសេសក្លិនផ្កាឡាវ៉េនដឺ។ នេះជាវិធី អស់លុយតិច ថែមទាំងជួយឲ្យគេងលក់ស្រួល។ ងូតទឹកក្ដៅលាយជាមួយប្រេងផ្កាឡាវ៉េនមុនពេលគេង គឺជាវិធីល្អដើម្បីជួយឲ្យរាងកាយ និងចិត្តយើងស្ងប់។ អាចបាញ់ប្រេងផ្កាឡាវ៉េនដឺលើខ្នើយមុនពេលគេងក៏បាន។
យល់ដឹងពីរបស់រំខានយើងមិនឲ្យគេង ត្រូវការកែប្រែទម្លាប់រស់នៅ ក៏ដូចជាមជ្ឈដ្ឋាន ជុំវិញខ្លួន ដូចជា អាហារ អាហារបំប៉ន និងឱសថ រុក្ខជាតិ អាចជួយអ្នកគេងលក់បានស្ងប់។ វិធីទាំងនេះមិនត្រឹមតែអាចជួយគេងលក់នោះទេ ថែមទាំងអាចជួយធ្វើឲ្យសាច់ដុំយើងសម្រាកបានល្អទៀតផង។
ករណីរូបមន្តធម្មជាតិ ថ្នាំពេទ្យ នៅតែមិនអាចជួយសម្រួលការគេងយើងបាន ត្រូវពិគ្រោះជាមួយគ្រូពេទ្យដើម្បីទទួលបានដំណោះស្រាយសមស្រប។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម