ពិតណាស់ បន្ទាប់ពីឆ្លងកាត់ជំងឺកាចសាហាវរួច ពិសេសមហារីកមាត់ស្បូន ទោះព្យាបាលជាសះស្បើយហើយក្តី ច្បាស់ជានៅតែខ្លាចរអា អាចនឹងលាប់ឡើងវិញនៅថ្ងៃណាមួយ មិនអ៊ីចឹង? ទុកអារម្មណ៍ភ័យខ្លាចនេះមួយឡែកសិនទៅ “Hello គ្រួពេទ្យ” នឹងប្រាប់ពីវិធីសាស្ត្រសាមញ្ញប៉ុន្មានចំណុច អាចជួយបន្ថយអារម្មណ៍តានតឹងទាំងនេះបាន។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ចេះតែខ្លាចមហារីកមាត់ស្បូនកើតវិញក្រោយព្យាបាល សាកវិធីប៉ុន្មានចំណុចនេះមើល៍!
១- ករណីមហារីកមាត់ស្បូនរើឡើងវិញ
មហារីកមាត់ស្បូន កើតវិញនៅកន្លែងដដែល ឬនៅកន្លែងផ្សេងក្នុងរាងកាយ គេហៅថា ការរាលដាលរបស់មហារីក (Metastasis)។ យើងអាចកើតមហារីកថ្មី ឬមហារីកដែលមិនទាន់រកឃើញក្នុងខ្លួន។
ករណីរើឡើងវិញ អាចកើតឡើងដោយសារ ពេលព្យាបាលមិនបានសម្លាប់កោសិកាមហារីកអស់ ហើយកោសិកានៅសល់អាចនឹងធ្វើឲ្យជំងឺរើញ ឬអាចរាលដាលទៅកន្លែងផ្សេង។
មួយទៀត ករណីបារម្ភជ្រុលពេក មិនត្រឹមតែធ្វើឲ្យប៉ះពាល់ដល់ការរស់នៅប៉ុណ្ណោះទេ ថែមទាំងប៉ះពាល់ដល់ការជាសះពីជំងឺទៀតផង។ តាមការសិក្សាបង្ហាញថា ករណីលាប់ឡើងវិញក្រោយព្យាបាលមហារីកមាត់ស្បូន មានត្រឹមតែ ១-៣ ភាគរយប៉ុណ្ណោះ។
២- វិធីដោះស្រាយក្តីបារម្ភ
– ត្រូវដឹងពីហេតុផលចម្បងនាំឲ្យភ័យខ្លាច៖ អាចនឹងមានរឿងច្រើនធ្វើឲ្យយើងចេះតែបារម្ភជំងឺរើឡើងវិញដោយមិនដឹងហេតុផល ដូចជានៅថ្ងៃគម្រប់ខួបព្យាបាលជំងឺជាដើម។ ហេតុនេះរកឲ្យឃើញឫសគល់បណ្ដាលឲ្យមានអារម្មណ៍ភ័យខ្លាចទាំងនោះ អាចជួយយើងកាត់បន្ថយអារម្មណ៍ភ័យខ្លាច ហើយព្យាយាមបំបាត់ភាពភ័យខ្លាចនេះ។ អាចរៀបចំផែនការ សកម្មភាពជីវិតដើម្បីអាចបំភ្លេចជំងឺនេះ ឬកត់ត្រារឿងយើងភ័យខ្លាចទាំងនោះ អាចជួយឲ្យអារម្មណ៍យើងធូរស្រាលជាងនេះ។
– កុំស្រ្តេសពេក៖ បារម្ភខ្លាចមហារីកមាត់ស្បូនកើតវិញ ជារឿងធម្មតា ប៉ុន្តែមិនគួរបណ្ដោយឲ្យវានៅក្នុងខួរក្បាលមួយថ្ងៃពេញទេ ព្រោះអាចធ្វើឲ្យយើងពិបាកក្នុងខ្លួន បារម្ភច្រើនពេកគ្មានចំណេញអីទេ។
– កុំលាក់៖ មានរឿងអីនិយាយចេញ ហើយរកមនុស្សជិតស្និទ្ធស្ដាប់ ឬពិភាក្សាដើម្បីកាត់បន្ថយអារម្មណ៍ទាំងនោះ អាចទទួលបានការគាំទ្រ និងផ្ដល់កម្លាំងចិត្តទៀតផង។
– គិតពីសុខភាព៖ បើសុខភាពល្អ ករណីកើតឡើងវិញរបស់មហារីក ក៏មិនអាចទៅរួចដែរ។ ដូចនេះ ត្រូវចាប់ផ្តើមញ៉ាំអាហារបំប៉នសុខភាព ធ្វើលំហាត់ប្រាណ ព្រោះវាជួយឲ្យគេចផុតករណីកើតមហារីក។
– តាមដានសុខភាពជាប្រចាំ៖ ទៅពេទ្យជាប្រចាំ អាចឲ្យយើងដឹងច្បាស់ពីស្ថានភាពសុខភាពយើង ជួយទប់ស្កាប់អារម្មណ៍ភ័យខ្លាច អាចរកឃើញបញ្ហាផ្សេងបានលឿន ដើម្បីទទួលការព្យាបាលទាន់ពេល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Coping with Fear of Recurrence. http://www.oncolink.org/coping/article.cfm?c=1521&id=7037. Accessed January 10, 2017.
Fear of the cancer coming back. http://www.cancercouncil.com.au/15291/cancer-information/after-treatment/when-treatment-finishes-after-treatment/living-well-after-cancer-fear-of-recurrence/. Accessed January 10, 2017.
Fear of Cancer Recurrence: 7 Ways for AYAs to Cope. https://www.roswellpark.org/cancertalk/201411/fear-cancer-recurrence-7-ways-ayas-cope. Accessed January 10, 2017.
Share