backup og meta
មាតិកា
ឧបករណ៍សុខភាព
រក្សាទុក

អាការៈឈឺខ្នង អាចជារោគសញ្ញានៃជំងឺមហារីកសួត?​​​​​​​​​​​​​​​​​​​​​​​​​​​​​​​​​​​​​​​​

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នូ សោភ័ណ្ឌ · កែ Oct 02, 2023

អាការៈឈឺខ្នង អាចជារោគសញ្ញានៃជំងឺមហារីកសួត?​​​​​​​​​​​​​​​​​​​​​​​​​​​​​​​​​​​​​​​​

ពិត​ណាស់​ អាការៈ​ឈឺ​ខ្នង​អាច​ជា​រោគសញ្ញា​នៃ​ជំងឺ​មហារីក​សួត។ ប៉ុន្តែ​ រោគសញ្ញា​មួយ​នេះ​​ ​មិន​សូវ​កើត​ឡើង​ញឹកញាប់​ដូចជា​រោគសញ្ញា​ក្អក​ និង​ពិបាក​ដកដង្ហើម​ឡើយ។

ជា​ទូទៅ អាការៈ​ឈឺ​ខ្នង​ដោយ​សារ​តែ​ជំងឺ​មហារីក​សួត អាច​ពាក់ព័ន្ធ​នឹង​ជំងឺ​រាលដាល​ទៅ​ដល់​ឆ្អឹង ឬ​មាន​សម្ពាធ​ពី​ដុំ​សាច់។ ក្នុង​ករណី​ដែល​ដុំ​សាច់​ក្នុង​សួត​រីក​ធំ នោះ​នឹង​សង្កត់​​ខួរ​ឆ្អឹង​ខ្នង ឬ​​រចនា​សម្ព័ន្ធ​ផ្សេង​ទៀត​នៅ​ត្រង់​ខ្នង។

ការ​ឈឺ​ខ្នង​​ដោយ​សារ​ជំងឺ​មហារីក​សួត​មាន​អាការៈ​ដូច​ម្តេច?

ការ​ឈឺ​ខ្នង​ដែល​បណ្តាល​មក​ពី​ជំងឺ​មហារីក​សួត អាច​ស្រដៀង​ទៅ​នឹង​ការ​ឈឺ​ឆ្អឹង​និងសាច់ដុំ ដែល​​បង្ក​ឲ្យ​មាន​ការ​ឈឺចាប់​ ឬ​​ឈឺ​ដូច​គេ​ចាក់​​នៅ​ផ្នែក​ម្ខាង​នៃ​ខ្នង។ នៅ​ពេល​ដែល​មហារីក​រាលដាល​ ការ​ឈឺ​ខ្នង​នេះ ក៏​អាច​កើត​ឡើង​លើ​ខ្នង​​ទាំង​សង​ខាង​ផង​ដែរ។​ គ្នា​យើង​ខ្លះ​ទៀត អាច​មាន​រោគសញ្ញា​មួយ​ចំនួន​ទៀត​ដូចជា​ជើង​គ្មាន​កំលាំង​កំហែង ស្ពឹក​ជើង ឬ​ពិបាក​ទប់​លំនឹង។

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

រោគសញ្ញា​នៃ​ជំងឺ​មហារីក​សួត​ដទៃ​ទៀត​ ដែល​អាច​កើត​ឡើង​រួម​ជាមួយ​នឹង​អាការៈ​ឈឺ​ខ្នង

  • ក្អក​ ឬ​ក្អក​ធ្លាក់​ឈាម
  • ឈឺ​ទ្រូង
  • សំឡេង​ស្អក​
  • ស្រក​ទម្ងន់
  • ដកដង្ហើម​ខ្លី​ៗ ឬ​ហត់​
  • អស់​កម្លាំង ឬ​ខ្សោយ
  • ឆ្លង​មេរោគ​ផ្លូវ​ដង្ហើម​ម្តង​ហើយ​ម្តង​ទៀត ឬ​មិន​ងាយ​ជា​សះស្បើយ។

​​រោគសញ្ញា​មួយ​ចំនួន​ដែល​អាច​កើត​មាន ប្រសិនបើ​ជំងឺ​មហារីក​រាលដាល

  • ឈឺ​ឆ្អឹង រួម​ទាំង​ខ្នង ឬ​ត្រគាក
  • ស្បែក​ ឬ​ភ្នែក​ពណ៌​លឿង​
  • ហើម​កូន​កណ្តុរ។

គន្លឹះ​កាត់បន្ថយ​ហានិភ័យ​​នៃ​ជំងឺ​មហារីក​សួត

វិធីសាស្ត្រ​ដ៏​ល្អ​បំផុត​ក្នុង​ការ​បញ្ចៀស​អាការៈ​ឈឺ​ខ្នង​ដែល​បណ្តាល​មក​ពី​ជំងឺ​មហារីក​សួត គឺ​បញ្ឈប់​ការ​ជក់​បារី មុន​ពេល​ដែល​មហារីក​វិវត្តន៍។ បន្ថែម​ពី​នេះ យើង​​គួរ​នៅ​ឲ្យ​ឆ្ងាយ​ពី​ផ្សែង​បារី ឬ​ផលិតផល​ថ្នាំ​ជក់​គ្រប់​ប្រភេទ គួរញ៉ាំ​​អាហារ​ដែល​សម្បូរ​ទៅ​ដោយ​បន្លែ និង​ផ្លែ​ឈើ ព្រម​ទាំង​ធ្វើ​លំហាត់​ប្រាណ​ជា​ទៀងទាត់។

អត្ថបទគួរអាន៖

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នូ សោភ័ណ្ឌ · កែ Oct 02, 2023

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម