ម៉ាក់ៗកំពុងពពោះ ប្រហែលជាព្រួយបារម្ភពីហានិភ័យផ្សេងៗដែលអាចនាំឲ្យរលូតកូន។ ប៉ុន្តែ ករណីរលូតភាគច្រើន គឺកើតឡើងហួសពីការគ្រប់គ្រងរបស់យើង។ យ៉ាងណាមិញ ប្រសិនបើយើងដឹងពីមូលហេតុទូទៅនៃការរលូតកូន ម៉ាក់ៗអាចមានអារម្មណ៍ធូរស្រាល ក៏ដូចជាជួយបង្កើនឱកាសនៃការពពោះដែលមានសុខភាពល្អ និងប្រកបដោយជោគជ័យ។
បញ្ហារលូតកូនអាចមកពីកត្តាទាំង៤នេះ ធ្វើម៉េចកាត់បន្ថយហានិភ័យ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុទូទៅនៃការរលូតកូន
១. ក្រូម៉ូសូមមិនប្រក្រតី
ចំនួនក្រូម៉ូសូមមិនប្រក្រតីរបស់ទារក អាចបណ្តាលឲ្យកើតមានបញ្ហារលូតកូនក្នុងរយៈពេល១២សប្តាហ៍ដំបូង ហើយក្រូម៉ូសូមនេះដែរ ជាកត្តាកំណត់លក្ខណៈពិសេសរបស់កូន ដូចជាសក់ និងពណ៌ភ្នែក។ នៅពេលដែលក្រូម៉ូសូមខូច ឬមិនត្រូវចំនួន នោះទារកក៏មិនអាចលូតលាស់បានត្រឹមត្រូវដូចគ្នា។ ជាទូទៅ បញ្ហាក្រូម៉ូសូមកើតលើស្ត្រីពពោះដែលមានអាយុលើសពី៣៥ឆ្នាំ។
២. បញ្ហាសុខភាព
សុខភាពម៉ាក់មានតួនាទីយ៉ាងសំខាន់ ជួយឲ្យកូនក្នុងផ្ទៃមានសុខភាពល្អ និងសម្រាលគ្រប់ខែ។ ជាទូទៅ ការរលូតកូន ច្រើនតែកើតឡើងដោយសារតែបញ្ហាសុខភាពម៉ាក់ៗ រួមទាំងការកើតជំងឺស្អូច ជំងឺcytomegalovirus ជំងឺកាមរោគ ដូចជាជំងឺអេដស៍ ឬស្វាយ ឬជំងឺប្រព័ន្ធភាពស៊ាំ។ ជាងនេះទៅទៀត ជំងឺរ៉ាំរ៉ៃដូចជាជំងឺទឹកនោមផ្អែម និងសម្ពាធឈាមខ្ពស់ ក៏អាចបង្កបញ្ហាផ្សេងៗអំឡុងពេលពពោះផងដែរ ប្រសិនបើយើងគ្រប់គ្រងស្ថានភាពជំងឺមិនបានល្អ។ ក្រៅពីនេះ ទម្លាប់រស់នៅប្រចាំថ្ងៃ ដូចជាការជក់បារី និងញ៉ាំគ្រឿងស្រវឹងច្រើនជ្រុល ក៏អាចបង្កើនហានិភ័យនៃការរលូតកូន។
៣. ការប្រើប្រាស់ថ្នាំ
ទន្ទឹមនឹងនេះដែរ ការប្រើប្រាស់ថ្នាំដែលគ្មានវេជ្ជបញ្ជាក៏អាចបង្កើនឱកាសក្នុងការរលូតកូន តួយ៉ាងដូចជាថ្នាំប្រឆាំងនឹងការរលាក សម្រាប់ព្យាបាលជំងឺរលាកសន្លាក់រ៉ាំរ៉ៃ និងបញ្ហាស្បែកដូចជាជំងឺត្រអក និងជំងឺមុន។
៤. ការពុលអាហារ
ជាមួយគ្នានេះ ការពុលអាហារអំឡុងពេលពពោះ ក៏អាចបង្កើនហានិភ័យនៃការរលូតកូន ឬកូនស្លាប់ក្នុងផ្ទៃ ជាពិសេសនៅពេលដែលម៉ាក់ៗពុលស៊ុតឆៅ ឬសាច់ឆៅដែលមានមេរោគ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
គន្លឹះកាត់បន្ថយហានិភ័យនៃការរលូតកូន
ទោះបីជាយើងមិនអាចបញ្ចៀសការរលូតកូនបានទាំងស្រុងក៏ពិតមែន ប៉ុន្តែម៉ាក់អាចកាត់បន្ថយហានិភ័យបាន ដោយការថែទាំខ្លួនឲ្យបានល្អអំឡុងពេលពពោះ។ វិធីសាស្ត្រមួយចំនួន ដែលយើងគួរអនុវត្តន៍ក្នុងអំឡុងពេលដ៏សំខាន់នេះ គឺពិនិត្យផ្ទៃពោះជាទៀងទាត់ រក្សាទម្ងន់ខ្លួន ញ៉ាំវីតាមីនរក្សាគភ៌ ជៀសវាងជក់បារី និងផឹកគ្រឿងស្រវឹង។ ពិសេសជាងនេះទៅទៀត ម៉ាក់ៗមិនគួររំលងរបបអាហារសុខភាព និងការធ្វើលំហាត់ប្រាណជាទៀងទាត់ឡើយ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម