បញ្ហាគម្រាមរលូតកើតឡើងនៅពេលដែលមានការធ្លាក់ឈាមតាមទ្វារមាស នៅអំឡុងពេលពពោះ៣ខែដំបូង ឬត្រឹម២០សប្តាហ៍។ ការធ្លាក់ឈាមនៅអំឡុងត្រីមាសទី១នេះ កើតឡើងចំពោះស្ត្រីប្រមាណជា២៥% ស្របពេលដែលស្ត្រីចំនួន៥០%ទៀត អាចវិវត្តន៍ទៅរកការរលូតកូន។ យ៉ាងណាមិញ ក្រោយប្រឈមនឹងការគម្រាមរំលូត ស្ត្រីខ្លះអាចសម្រាលកូនដោយជោគជ័យ ស្របពេលដែលអ្នកខ្លះទៀត អាចនឹងបាត់បង់កូនតែម្តង។

មូលហេតុនៃការគម្រាមរលូត

ជំងឺឆ្លង
កូនពង គឺជាដុំសាច់ស្លូតដែលលូតលាស់នៅក្នុងស្បូន
ជំងឺរ៉ាំរ៉ៃ ដូចជាជំងឺទឹកនោមផ្អែម សម្ពាធឈាមខ្ពស់ និងបញ្ហាក្រពេញទីរ៉ូអ៊ីត
ការប្រើប្រាស់គ្រឿងស្រវឹង
បញ្ហាស្បូន
មាត់ស្បូនអសមត្ថភាព
មូលហេតុហ្សែន ដូចជាអំប្រ៊ីយ៉ុងមិនប្រក្រតី

បញ្ហាគភ៌ ដូចជាភាពមិនប្រក្រតីនៃក្រូម៉ូសូម អាចបណ្តាលឲ្យមានការគម្រាមរលូត ឬការរលូតនៅត្រីមាសទីមួយ។ ចំណែកការរលូតនៅត្រីមាសទី២ អាចបណ្តាលមកពីកត្តាម៉ាក់ៗ ដូចជាជំងឺទឹកនោមផ្អែម លើសឈាម និងដុំសាច់ស្បូនខុសប្រក្រតី។

គម្រាមរលូត

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

សញ្ញា និងរោគសញ្ញានៃបញ្ហាគម្រាមរលូត

ធ្លាក់ឈាមពីទ្វារមាសតិចតួច ឬច្រើន។ ស្ត្រីខ្លះ អាចមានអាការៈចុកពោះ អមជាមួយនឹងការធ្លាក់ឈាម។
រយៈពេលនៃការធ្លាក់ឈាម អាចមានភាពខុសគ្នាពីស្ត្រីម្នាក់ទៅម្នាក់ទៀត អាស្រ័យលើកត្តាបង្ក។
អាចមានការឈឺចាប់នៅអាងត្រគាក ឬខ្នងផ្នែកខាងក្រោម។

ពេលណាត្រូវទៅជួបជាមួយនឹងគ្រូពេទ្យចំពោះករណីគម្រាមរលូត?

ម៉ាក់ៗគួរទៅពិគ្រោះជាមួយនឹងគ្រូពេទ្យភ្លាមៗ ប្រសិនបើមានរោគសញ្ញាណាមួយនៃការគម្រាមរលូត។ ការព្យាបាលទាន់ពេលវេលា អាចជួយឲ្យយើងទទួលបានលទ្ធផលល្អប្រសើរ។ មួយវិញទៀត យើងគួរប្រើប្រាស់ថ្នាំទៅតាមវេជ្ជបញ្ជា ក្នុងករណីមានបញ្ហាសុខភាពណាមួយអំឡុងពេលពពោះ។

អត្ថបទគួរអាន៖

មូលហេតុអ្វីខ្លះបានជាស្រ្តីពពោះមួយចំនួនប្រឈមនឹងការគម្រាមរលូត?

មូលហេតុ​នៃ​ការ​គម្រាម​រលូត

សញ្ញា​ និង​រោគសញ្ញា​នៃ​បញ្ហា​គម្រាម​រលូត

ពេល​ណា​ត្រូវ​ទៅ​ជួប​ជាមួយ​នឹង​គ្រូពេទ្យ​ចំពោះ​ករណី​គម្រាម​រលូត?

មូលហេតុនៃការគម្រាមរលូត

សញ្ញា និងរោគសញ្ញានៃបញ្ហាគម្រាមរលូត

ពេលណាត្រូវទៅជួបជាមួយនឹងគ្រូពេទ្យចំពោះករណីគម្រាមរលូត?