មានផ្ទៃពោះ ប្រើគ្រឿងសម្អាងទាំងនេះ អាចប៉ះពាល់កូនក្នុងផ្ទៃ

    មានផ្ទៃពោះ ប្រើគ្រឿងសម្អាងទាំងនេះ អាចប៉ះពាល់កូនក្នុងផ្ទៃ

    ស្អាត ស្រីៗ​ណា​មិន​ចង់? គ្រាន់​តែ​ថា ពេល​គ្នា​យើង​មាន​ផ្ទៃ​ពោះ ការ​លាប​ក្រែម​ថែម​ម្សៅ ប្រើ​ផលិតផល​មួយ​ចំនួន អាច​ប៉ះពាល់​កូន​បាន។ តើមាន​អ្វីខ្លះ? ប៉ះពាល់កម្រិតណា?​

    ការឡើងទម្ងន់ស្ត្រីអំឡុងពពោះ នៅទីនេះ

    ១- ផលិតផលធ្មេញស

    សារធាតុ​ផ្សំ​ក្នុង​ផលិត​ផល​ធ្វើ​ឲ្យ​ធ្មេញ​ស គឺ Peroxide ដែល​មាន​សុវត្ថិភាព​សម្រាប់​មនុស្ស​ពេញ​វ័យ បើទោះ​លេ​បវា​ចូល​ក្នុង​ពោះ​​ក៏​ដោយ។ ប៉ុន្តែ​សារធាតុ​មួយ​ចំនួន​ក្នុង​ផលិតផល​ធ្វើ​ឱ្យ​ធ្មេញ​ស​នោះ អាច​ប៉ះពាល់​ដល់​កូន​ក្នុង​ផ្ទៃ។ ជំនួស​ឲ្យ​ការ​ប្រើ​ផលិតផល​ធ្វើ​ឲ្យ​ធ្មេញស ផ្ដេសផ្ដាស​ផ្សេងៗ យក​ល្អ ស្ត្រី​មាន​ផ្ទៃពោះ គួរ​ប្រើ​ប្រភេទ​ថ្នាំដុស​ធ្មេញ​ជួយ​ឲ្យ​ធ្មេញស ហើយ​ឧស្សាហ៍​ទៅ​ពេទ្យ​សម្អាត​ធ្មេញ

    គណនាថ្ងៃសម្រាលកូន នៅទីនេះ

    ២- ស្ព្រាយបាញ់សក់ និងថ្នាំក្រចក

    សារធាតុ Phthalate គេ​រក​ឃើញ​ក្នុង​ស្ព្រាយ​បាញ់​សក់ និង​ថ្នាំ​លាប​ក្រចក។ វា​អាច​មាន​ហានិភ័យ​ធ្វើ​ឲ្យកូន​ក្នុង​ផ្ទៃ​អត់​គ្រប់​លក្ខណៈ និង​ការ​អភិវឌ្ឍ​ផ្លូវភេទ​បុរស​មិន​ប្រក្រតី។ ដើម្បី​សុវត្ថិភាព គួរ​ប្រើ​ផលិតផល​គ្មាន​សារធាតុ Phthalate។ យើង​អាច​ប្រើហ្វូម​លាប​សក់ ឬ​ចាហួយ​លាប​សក់ ជំនួស​ការ​ប្រើ​ស្ព្រាយ។

    លាបថ្នាំក្រចក

    ៣- ក្រែមលាបមាត់

    សារ​ធាតុសំណ ត្រូវ​គេ​ប្រទះ​ឃើញ​ក្នុង​ក្រែម​លាប​មាត់ ដើម្បី​ជួយ​រក្សា​ពណ៌​លើ​មាត់។ ជិត ៦១% នៃ​ក្រែម​ល្បីៗ សុទ្ធ​តែ​ផ្សំ​ពី​សារធាតុ​នេះ។ ដើម្បី​សុវត្ថិភាព គួរ​ជ្រើស​យក​ធម្មជាតិ​ទៅ ឬ​ប្រើ​ផលិតផល​ដែល​គ្មាន​ជាតិ​សំណ និង​ពិគ្រោះ​ជាមួយ​ពេទ្យ​មុន​ប្រើ។

    ៤- ក្រែម ឬឡេ

    ក្រែម​ភាគ​ច្រើន (ឡេការពារ​កម្ដៅថ្ងៃ ក្រែម​បំបាត់​ជ្រួញ និង​ក្រែម​មួយ​ចំនួន​ទៀត​ផ្សេងៗ​ទៀត) មាន​ផ្ទុក​សារធាតុ​ដែល​អាច​ប៉ះពាល់​ដល់​ទារក​ក្នុង​ផ្ទៃ។ មុន​នឹង​ប្រើ គួរ​ពិគ្រោះ​ជាមួយ​គ្រូ​ពេទ្យជាមុន។

    ៥- ចាក់ថ្នាំបំបាត់ជ្រួញ (Botox)

    ទម្រាំ​តែ​កូន​ម៉ាក់​កើត​មក គួរផ្អាក​កែ​សម្ផស្ស​ទៅ ព្រោះ​ការ​ចាក់ថ្នាំ​នេះ​បង្ក​គ្រោះថ្នាក់​ណាស់។ មិនមាន​ភស្តុតាង​អ្វី​ដែល​ធានា​ថា ការ​ចាក់ថ្នាំ​បំបាត់​ជ្រួញ មាន​សុវត្ថិភាព​ចំពោះ​អ្នក​មាន​ផ្ទៃពោះ​ឡើយ។

    ៦- ថ្នាំលាបសក់

    ពេទ្យ​មួយ​ចំនួន​បាន​ផ្តល់​យោបល់​ថា ស្ត្រី​មាន​ផ្ទៃពោះ​គួរ​នៅ​ឱ្យ​ឆ្ងាយ​ពីថ្នាំ​លាប​សក់ ឯ​ពេទ្យ​ខ្លះ​ថា​មិន​អីទេ បើ​ប្រើ​វា​ល្មមៗ។ សារ​ធាតុគីមី​ក្នុង​ផលិត​ផល​ទាំង​នេះ អាច​ជ្រាប​ចូល​ស្បែក​ម៉ាក់​បាន ហើយ​ភាគច្រើន​មាន​សារធាតុ​ពុល។ បន្ទាប់​ពី​ពិនិត្យ​ឃើញ​មាន​ផ្ទៃពោះ​ហើយ វិធី​ប្រសើរ​បំផុត គួរ​ពិភាក្សា​ជាមួយ​ពេទ្យ ឬ​យក​ល្អ កុំ​ប្រើ​តែម្ដង។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Pregnancy-Safe Skin Care Guide: Ingredients to Avoid

    https://www.whattoexpect.com/pregnancy/looking-good/everything-need-know-pregnancy-proof-beauty-routine/

    Pregnancy-Proofing Your Beauty Regimen

    https://www.webmd.com/baby/features/revamp-your-pregnancy-beauty-regimen#1

    Pregnancy-Safe Skincare: What You Need To Know When Choosing Beauty Products, According to a Doctor

    https://hypebae.com/2021/3/pregnancy-safe-skincare-products-breastfeeding-mothers-stretch-marks-cream-dark-spots-serum

     

    រូបថត​របស់​អ្នក​និពន្ធbadge
    ដោយ Khlaut Rithy កែសម្រួល​ចុងក្រោយ 01/12/2021
    ត្រួតពិនិត្យដោយ វេជ្ជ. ចាន់ ស៊ីណេត