បញ្ហាផ្ទៃពោះ Archives - Page 20 of 56

កុំចេះតែញ៉ាំ ការញ៉ាំផ្អែមពេលពពោះ កូនអាចមានបញ្ហាខួរក្បាល

ការញ៉ាំអាហារផ្អែមៗពេកអំឡុងពេលពពោះ អាចផ្តល់គ្រោះថ្នាក់ដល់ទាំងសុខភាពម្តាយ និងកូន ពិសេសប៉ះពាល់ដល់មុខងារខួរក្បាលរបស់កូន។ ពិតណាស់ មានម៉ាក់ៗជាច្រើនយល់ច្រឡំថា ការដែលយើងចូលចិត្តញ៉ាំរបស់ផ្អែមអំឡុងពេលពពោះ គឺមកពីកូនឱ្យឃ្លានផ្អែម ដែលតាមពិតទៅគឺបណ្តាលមកពីអ័រម៉ូនទៅវិញទេ។ បើតាមការសិក្សាថ្មីមួយបានបង្ហាញថា ការញ៉ាំអាហារដែលមានជាតិស្ករខ្លាំងអំឡុងពេលពពោះ អាចប៉ះពាល់ដល់មុខងារយល់ដឹងរបស់កុមារនៅប៉ុន្មានឆ្នាំដំបូង។ ក្រុមអ្នកស្រាវជ្រាវរកឃើញថា ស្រ្តីដែលញ៉ាំរបបអាហារផ្អែមខ្លាំង រួមទាំងញ៉ាំពពួកភេសជ្ជៈផ្អែមអំឡុងពេលពពោះ ទំនងជាបណ្តាលឱ្យកូនមានការយល់ដឹងខ្សោយ ហើយសមត្ថភាពក្នុងការដោះស្រាយបញ្ហា និងការចងចាំក៏មិនល្អនោះដែរ។ ដូចគ្នានេះដែរ ចំពោះកុមារដែលញ៉ាំអាហារមានជាតិស្ករច្រើននៅពេលដែលអាអូននៅវ័យក្មេង ក៏អាចជះឥទ្ធិពលមិនល្អដ៏ការយល់ដឹងរបស់ក្មេងដូចគ្នា។ ចុចទីនេះ ដើម្បីគណនាថ្ងៃមេជីវិតញីទុំធ្លាក់! ចុចទីនេះ ដើម្បីគណនាថ្ងៃសម្រាលកូន! ចុចទីនេះ ដើម្បីគណនាទម្ងន់ស្ត្រីពពោះ! ចុចទីនេះ ដើម្បីគណនាទម្ងន់ធៀបកម្ពស់ (BMI)! ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក! យ៉ាងណាមិញ ប្រសិនបើម៉ាក់ៗញ៉ាំផ្លែឈើដែលមានជាតិស្ករធម្មជាតិអំឡុងពេលពពោះ នោះនឹងអាចជួយដល់គំហើញ ក៏ដូចជាសមត្ថភាពក្នុងការនិយាយរបស់កូនបានផងដែរ។ [embed-health-tool-due-date] តើផ្អែមក្នុងកម្រិតណាទើបសមល្មម? ចំពោះកុមារដែលមានអាយុក្រោម ២ ឆ្នាំ មិនគួរញ៉ាំអាហារដែលមានជាតិស្ករបន្ថែមឡើយ ហើយចំណែកឯក្មេងដែលមានអាយុ ២ ឆ្នាំឡើង គួរញ៉ាំស្ករបន្ថែមមិនឱ្យលើសពី ២៥ ក្រាម។ គួរបញ្ជាក់ផងដែរថា ពពួកស្ករធម្មជាតិដែលមាននៅក្នុងផ្លែឈើ មិនមានផលប៉ះពាល់អវិជ្ជមានដល់មុខងារយល់ដឹងរបស់កុមារឡើយ ផ្ទុយទៅវិញ វាថែមទាំងផ្ទុកវីតាមីន ជាតិរ៉ែ និងជាតិសរសៃដែលជួយពន្យារដល់ការកើនឡើងជាតិស្ករក្នុងឈាមថែមទៀតផង៕ ចំណុចសំខាន់ បើតាមការសិក្សាថ្មីមួយបានបង្ហាញថា ការញ៉ាំអាហារដែលមានជាតិស្ករខ្លាំងអំឡុងពេលពពោះ អាចប៉ះពាល់ដល់មុខងារយល់ដឹងរបស់កុមារនៅប៉ុន្មានឆ្នាំដំបូង។ ក្រុមអ្នកស្រាវជ្រាវរកឃើញថា ស្រ្តីដែលញ៉ាំរបបអាហារផ្អែមខ្លាំង រួមទាំងញ៉ាំពពួកភេសជ្ជៈផ្អែមអំឡុងពេលពពោះ ទំនងជាបណ្តាលឱ្យកូនមានការយល់ដឹងខ្សោយ ហើយសមត្ថភាពក្នុងការដោះស្រាយបញ្ហា និងការចងចាំក៏មិនល្អនោះដែរ។ ដូចគ្នានេះដែរ ចំពោះកុមារដែលញ៉ាំអាហារមានជាតិស្ករច្រើននៅពេលដែលអាអូននៅវ័យក្មេង […]

បញ្ហាផ្ទៃពោះ

អាលែកហ្ស៊ីអំឡុងពេលពពោះប៉ះពាល់ដល់កូនក្នុងផ្ទៃអត់?

ស្រីៗមួយចំនួនអាចនឹងមានបញ្ហាអាលែកហ្សីមុនពេលមានផ្ទៃពោះ និងស្រីៗមួយចំនួនទៀតអាចនឹងចាប់ផ្ដើមមានអាការៈអាលែកហ្សីនេះនៅពេលមានផ្ទៃពោះ។ ម៉្យាងទៀត ពេលខ្លះអាការៈអាលែកហ្សីកាន់តែធ្ងន់ធ្ងរអំឡុងពេលមានផ្ទៃពោះដែលនេះបង្កជាការព្រួយបារម្ភថាតើអាចប៉ះពាល់ដល់កូនក្នុងផ្ទៃឬយ៉ាងណា និងត្រូវធ្វើដូចម្ដេចខ្លះ? តើអាលែកហ្សីប៉ះពាល់ដល់កូនក្នុងផ្ទៃដែរឬទេ? អាលែកហ្សីអាចប៉ះពាល់ដល់កូនក្នុងផ្ទៃ ប៉ុន្តែទារកក្នុងផ្ទៃកម្រនឹងទទួលរងផលប៉ះពាល់ដោយផ្ទាល់ណាស់។ នេះមកពីសុកមាននាទីដូចតម្រងចម្រោះដែលឈាមរបស់ម្ដាយនឹងមិនជ្រាបចូលទៅក្នុងរាងកាយទារកឡើយ។ នេះមានន័យថាទារកក្នុងផ្ទៃនឹងមិនមានអាការៈអាលែកហ្សីដូចម្ដាយទេ ហើយនិងមិនទទួលរងផលប៉ះពាល់ពេលដែលម្ដាយអាលែកហ្សីជាមួយអាហារដែរ ។ ប៉ុន្តែបើនិយាយពីប្រតិកម្មអាលែកហ្សីវិញគឺអាចប៉ះពាល់ដល់ទារក។ ឧទាហរណ៍ ប្រសិនជាម្ដាយមានអាការៈស្ហុកអាណាហ្វីឡាកទិក (anaphylactic shock) ដែលបង្កឲ្យរាងកាយខ្វះអុកស៊ីសែន គឺអាចប៉ះពាល់ទាំងម្ដាយ និងកូនក្នុងផ្ទៃ។ ម៉្យាងទៀត ប្រសិនជាម្ដាយមានអាលែកហ្សីជាមួយនឹងអាហារ បញ្ហាកង្វះជាតិទឹក និងសារធាតុចិញ្ចឹមក៏អាចផ្តល់ផលអាក្រក់ដល់ទារកដែរ។ អត្ថបទពាក់ព័ន្ធ៖ ហេតុអ្វីបានជាយើងអាលែកហ្ស៊ីនឹងអាហារ ឬរបស់អ្វីមួយ? ចំណុចគ្រប់គ្នាគួរដឹង ទាក់ទងនឹងការធ្វើតេស្តអាលែកហ្ស៊ី តើអាលែកហ្សីអាចបង្កជារោគសញ្ញាអ្វីខ្លះ? ស្ត្រីមានផ្ទៃពោះដែលមានបញ្ហាអាលែកហ្សីអាចជួបប្រទះរោគសញ្ញាទាំងនេះ៖ ក្អក កណ្ដាស់ ភ្នែកឡើងក្រហម រមាស់ភ្នែក ស្បែក ឬមាត់ ហៀរសម្បោរ ឬតឹងច្រមុះ ឈឺក្បាល កើតមានអាការៈជំងឺហឺតធ្ងន់ធ្ងរ ឬជំងឺត្រអក (eczema) ។ តើអាចបង្ការអាការៈអាលែកហ្សីបានដោយវិធីណា? អំឡុងពេលមានផ្ទៃពោះការប្រើប្រាស់ថ្នាំពេទ្យមួយចំនួនអាចនឹងបង្កផលប៉ះពាល់ដល់ស្ត្រីជាម្ដាយនិង ទារកក្នុងផ្ទៃ ប៉ុន្តែស្ត្រីមានផ្ទៃពោះអាចនឹងកាត់បន្ថយអាការៈអាលែកហ្ស៊ីនេះបានតាមរយៈ៖ កុំទៅកន្លែងដែលអាចបង្កឲ្យមានប្រតិកម្មអាលែកហ្សី ប្រើសេរ៉ូមប្រៃដើម្បីសម្រាលអាការៈតឹងច្រមុះ ឬស្ទះនៅផ្លូវដង្ហើម នៅឲ្យឆ្ងាយពីសត្វចិញ្ចឹមដែលអាចបង្កឲ្យកើតមានបញ្ហាអាលែកហ្ស៊ី សម្អាតផ្ទះឲ្យបានញឹកញាប់ ប្រសិនជាមានអាលែកហ្សីនឹងលំអងផ្កា គួរងូតទឹកក្រោយពីត្រលប់មកពីក្រៅ កុំជក់បារី និងនៅឲ្យឆ្ងាយពីអ្នកជក់បារី ចៀសវាងរបស់ដែលមានក្លិនខ្លាំង និងផ្សែងពីយានយន្ត។ តើការប្រើថ្នាំអាលែកហ្សីអំឡុងពេលពពោះមានសុវត្ថិភាពឬទេ? ទោះបីជាមានថ្នាំមួយចំនួនមានសុវត្ថិភាពក្នុងការប្រើអំឡុងពេលមានផ្ទៃពោះក៏ដោយ យកល្អគួរទៅពិគ្រោះជាមួយគ្រូពេទ្យ និងតាមដានអាការៈឲ្យបានដិតដល់។ សម្រាប់ស្ត្រីមានផ្ទៃពោះដែលបានចាក់ថ្នាំអាលែកហ្សី (Allergy shots) មុនពេលមានផ្ទៃពោះក៏នៅអាចបន្តចាក់បាន។ ប៉ុន្តែសម្រាប់ការចាប់ផ្ដើមចាក់ថ្នាំអាលែកហ្សី (Allergy shot) អំឡុងពេលមានផ្ទៃពោះគឺគួរចៀសវាងព្រោះអាចបង្កឲ្យកើតមានប្រតិកម្មអាលែកហ្សីខ្លាំងទៅវិញ។