តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ព្រួយកូនកើតមកអន់ប្រាជ្ញា? ម៉ាក់ៗគួរប៉ូវអាហារទាំងនេះ

    ព្រួយកូនកើតមកអន់ប្រាជ្ញា? ម៉ាក់ៗគួរប៉ូវអាហារទាំងនេះ

    កូន​កើត​មក​រាង​កាយ​រឹងមាំ ឬ​ទន់​ជ្រាយ មាន​បញ្ញា​ឆ្លាត ឬ​អត់ គឺ​អាស្រ័យ​លើ​របប​អាហារ​របស់​ម្តាយ​អំឡុង​ពពោះ​ដែរ។ អ៊ីចឹង​ពេល​ដឹង​ថា​មាន​ផ្ទៃពោះ ឬ​ពេល​ត្រៀម​លក្ខណៈ​យក​កូន ស្រី​ៗត្រូវបំប៉ន​អាហារ​អីខ្លះ​ទើប​រាងកាយ​កូន​រឹងមាំ ឯ​ខួរ​ក្បាល​ក៏​លូត​លាស់​បាន​ល្អ​នោះ?

    ១. អាហារ​សម្បូរ​ជាតិ​កាល់ស្យូម

    កាល់ស្យូម​គឺ​ជា​សារធាតុ​រ៉ែ ដែល​សម្បូរ​ជាង​គេ​នៅ​ក្នុង​ទឹកដោះ​គោ ផលិត​ផល​ធ្វើ​សណ្តែក​សៀង និង​បន្លែ​បៃតង។ ចំពោះ​អត្ថប្រយោជន៍​របស់​កាល់ស្យូម​វិញ គឺ​ជួយ​ឆ្អឹង​ម្តាយ-​កូន​រឹង​មាំ ធ្មេញ​កូន​ក៏​រឹងមាំ​ដូច​គ្នា។ មិន​តែ​ប៉ុណ្ណោះ​កាល់​ស្យូម​ក៏​មាន​នាទី​ជួយ​ឲ្យ​ចលនា​ឈាម​រត់​បាន​ស្រួល សាច់ដុំ​បត់​បែន​បាន​ល្អ និង​ជួយ​ប្រព័ន្ធ​សរសៃ​ប្រសាទ​​ក្នុង​ការ​បញ្ជូន​សារ​ពី​ខួរក្បាល​ទៅ​រាង​កាយ។

    អត្ថបទពាក់ព័ន្ធ៖

    ២. អាហារ​សម្បូរ DHA

    អត្ថ​ប្រយោជន៍​របស់ DHA ជួយ​ដល់​ការ​លូតលាស់​ប្រព័ន្ធ​ប្រសាទ និង​ភ្នែក​ទារក​ក្នុង​ផ្ទៃ មិន​តែ​ប៉ុណ្ណោះ​ថែម​ទាំង​ជួយ​កាត់​បន្ថយ​ជំងឺ​បាក់​ទឹក​ចិត្ត​របស់​ម្តាយ​ក្រោយ​ពេល​សម្រាល​កូន។ អាស៊ីដ​ខ្លាញ់​អូមេហ្កា ៣ ជា​ប្រភព​ផ្តល់​នូវDHA ដែល​វា​សម្បូរ​នៅ​ក្នុង​ត្រី​សមុទ្រ ពិសេស​ត្រីសាលម៉ុន បង្គាធំៗ និង​ទឹកដោះ​ម្សៅ​សម្រាប់​ម្តាយ។ ម៉ាក់ៗ​ត្រូវ​ចាំ​ថា កូនក្នុងផ្ទៃ​ស្រូប​ទាញ​យក DHA តាំង​ពី​នៅ​ក្នុង​ពោះ​ម្តាយ គឺ​ចាប់​ពី​ត្រីមាស​ទី៣ ពេល​កើត និង​រហូត​ដល់​អាយុ ២ឆ្នាំ ដែល​​ចាំបាច់​ត្រូវ​តែ​បំពេញ​ឲ្យ​បាន​គ្រប់​គ្រាន់ ទើប​ខួរ​ក្បាល​កូន​លូតលាស់​បាន​ល្អ កើត​មក​ឆ្លាត។

    dha benefits

    អត្ថបទពាក់ព័ន្ធ៖

    ៣. អាស៊ីដហ្វូលិក

    អាស៊ីដ​ហ្វូលិក​ជួយបង្កើត​កោសិកា​ឈាម​ក្រហម ការពារ​ភាព​ស្លេកស្លាំង អភិវឌ្ឍ​ខួរក្បាល-ខួរឆ្អឹង​ខ្នង​ទារក ជួយ​បង្ការ​ជំងឺ​បេះដូង​ពី​កំណើត​ជា​ដើម។ បើ​តាម​លោក​ស្រី​វេជ្ជបណ្ឌិត ទី សុវណ្ណរដ្ឋ ឯកទេស​ផ្នែក​សម្ភព និង​រោគ​ស្ត្រី នៃ​មន្ទីរ​សម្រាក​ព្យាបាល និង​សម្ភព ​មាតា កាលណា​ស្ត្រី​ពពោះ​ញ៉ាំ​អាស៊ីដ​ហ្វូលិក​មិន​គ្រប់​គ្រាន់​​ទេ គភ៌​អាច​ប្រឈម​នឹង​ជំងឺ​ឆ្អឹង​កង​ខ្នង​របើក អាច​លៀន​ខួរ​ឆ្អឹង​ខ្នង​ចេញ​មក​តាម​ឆ្អឹង​ខ្នង ធ្វើ​ឲ្យ​ខួរ​ក្បាល​លូត​លាស់​មិន​ពេញ​លេញ ទៅ​ជា​តូច​ខុស​ប្រក្រតី ឬ​ទឹក​ដក់​ក្នុង​ខួរក្បាល។ ម៉ាក់​អាច​បំពេញ​អាស៊ីដ​ហ្វូលិក​តាម​រយៈ​ការ​ញ៉ាំ​ទឹក​ដោះ​គោ​ម្សៅ ​វីតាមីន​ណា​ដែល​មាន​សារធាតុ​អាស៊ីដ​ហ្វូលិក ឬ​តាម​រយៈ​របប​អាហារ​ដែល​សម្បូរ​អាស៊ីដ​ហ្វូលិក រួមមាន​បន្លែ​បៃតង​ចាស់ គ្រាប់​សណ្តែក​គ្រប់​មុខ ផ្លែក្រូច ផ្លែល្ហុង ផ្លែប៊ើរ ស៊ុត ជាដើម។

    បន្ថែម​ពី​លើ​របប​អាហារ​សំខាន់​ប៉ុន្មាន​មុខ​ខាងលើ​នេះ ម្តាយ​ក៏​ត្រូវ​បំប៉ន​នូវ​អាហារ​ផ្សេងៗ​ទៀត​ឲ្យ​បាន​គ្រប់​គ្រាន់ សម្រាក​ឲ្យ​បាន​ច្រើន ធ្វើ​លំហាត់​ប្រាណ​ខ្លះៗ កុំ​ធ្វើការ​ធ្ងន់​លើស​កម្លាំង និងត្រូវទៅ​តាម​ដាន​សុខភាព​ឲ្យ​បាន​ទៀង​ទាត់។

    អត្ថបទពាក់ព័ន្ធ៖

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    រយៈពេល​វដ្ដរដូវ

    (ថ្ងៃ)

    28

    វដ្ដរដូវ

    (ថ្ងៃ)

    7

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Eat Healthy During Pregnancy: Quick tips – https://health.gov/myhealthfinder/pregnancy/nutrition-and-physical-activity/eat-healthy-during-pregnancy-quick-tips
    Have a healthy diet in pregnancy – https://www.nhs.uk/pregnancy/keeping-well/have-a-healthy-diet/
    Healthy diet during pregnancy – https://www.pregnancybirthbaby.org.au/healthy-diet-during-pregnancy
    Nutrition During Pregnancy – https://www.hopkinsmedicine.org/health/wellness-and-prevention/nutrition-during-pregnancy

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 5 ថ្ងៃកន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត
    Next article: