ស្ដ្រេសគឺជាស្ថានភាពនៃភាពតានតឹងនៃអារម្មណ៍ ដែលបង្កផលប៉ះពាល់ទៅដល់ទំនាក់ទំនងខួរក្បាល ថយចុះសន្ទុះនៃការគិត និង បញ្ហាសុខភាពរាងកាយជាច្រើនផ្សេងៗ។ មានកត្ដាមួយចំនួន អាចបង្កឡើងដូចជា ការខឹង ការភ័យខ្លាច ការកើនឡើងជំងឺថប់បារម្ភ និង បញ្ហាសុខភាពរាងកាយ។ ផ្នែកវេជ្ជសាស្ដ្រក៏បានបន្ថែមថា ការកើតជំងឺស្រ្ដេស ក៏ព្រោះតែការកើនឡើង អ័រម៉ូនមួយប្រភេទ គឺ Cortisol។
របបអាហារសំខាន់ៗទាំងនេះរួមចំណែក ជួយកាត់បន្ថយស្រ្ដេស
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
Cortisol គឺជាអ័រម៉ូនមួយប្រភេទកើតឡើងក្នុងរយៈពេលខ្លី ហើយដើរតួយ៉ាងសំខាន់ដូចជា គ្រប់គ្រងវដ្តនៃការគេង កាត់បន្ថយការរលាក ការកើនឡើងជាតិស្ករក្នុងឈាម គ្រប់គ្រងរបៀបនៃការប្រើប្រាស់កាបូអ៊ីដ្រាត ខ្លាញ់ និងប្រូតេអ៊ីនក្នុងរាងកាយ និង ការគ្រប់គ្រងសម្ពាធឈាមផងដែរ។
ភាគច្រើនអ្នកដែលមានបញ្ហាស្ដ្រេស តែងជ្រើសរើសវិធីកាត់បន្ថយផ្សេងៗដូចជា ការហាត់ប្រាណ ការស្រូបខ្យល់អាកាសបរិសុទ្ធ និងបង្កើតបរិយាកាសសប្បាយៗ ប៉ុន្ដែគេមិនសូវនឹកឃើញវិធីនៃការញ៉ាំអាហារនោះទេ។ នេះបើយោងតាម អ្នកស្រីវេជ្ជបណ្ឌិត Courtney Barth ផ្នែកអាហារូបត្ថម្ភ នៅមន្ទីរពេទ្យ Cleveland សហរដ្ឋអាមេរិក។
ការជ្រើសរើសវិធីញ៉ាំអាហារ ក៏ជាផ្នែកមួយនៃការកាត់បន្ថយជំងឺស្ដ្រេសបានដែរ។ ភាគច្រើនរបបអាហារសំខាន់ៗទាំងនោះផ្ដោតទៅលើក្រុមអាហារដែល អាចកាត់បន្ថយការរលាក ជំនួយដល់ខួរក្បាល បេះដូង ពង្រឹងទៅលើប្រព័ន្ធរំលាយអាហារ និងអាចសម្រួលទៅដល់ការគេង។
ពពួកអាហារវីតាមីន B12 មានដូចជា សាច់គោ សាច់មាន់ ស៊ុត គ្រឿងក្នុងសត្វ និង គ្រាប់ធញ្ញជាតិ មានគុណប្រយោជន៍ ជួយរក្សាឈាម និង កោសិកាសរសៃប្រសាទរបស់យើងមានសុខភាពល្អ និងបង្កើត DNA ដែលជាសារធាតុហ្សែននៅក្នុងកោសិកាទាំងអស់ក្នុងរាងកាយ។
ពពួកអាហារខ្លាញ់អូមេហ្គា ៣ មាន ផ្លែបឺរ ប្រេងអូលីវ អយស្ទ័រ ត្រីសាម៉ុន ត្រីសាឌីន ត្រីធូណា គ្រាប់ Walnut ជាអាហារមានគុណប្រយោជន៍ចំពោះខួរក្បាល និង បេះដូង និងកាត់បន្ថយការរលាកដែលប្រសិទ្ធភាពបំផុត ទប់ស្កាត់ការកើនឡើងកម្រិតអ័រម៉ូន Cortisol។
ពពួកអាហារសម្បូរសារធាតុ ម៉ាញ៉េស្យូម មានដូចជា ផ្លែបឺរ ចេក ប្រូខូលី សូកូឡាខ្មៅ គ្រាប់ល្ពៅ ក៏ជាអាហារមានប្រសិទ្ធខ្ពស់សម្រាប់សុខភាពរាងកាយ ជួយព្យាបាលការរលាកផ្សេងៗ។ ចុងក្រោយ ប្រភេទអាហារសម្បូរប្រូតេអ៊ីន ដែលមានច្រើនប្រភេទ យើងអាចញ៉ាំបាន ព្រោះវាបានផ្ដល់អត្ថប្រយោជន៍ច្រើនយ៉ាងដល់សុខភាពរាងកាយទាំងមូល។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
អ្នកស្រីបន្ថែមទៀតថា របបអាហារសុខភាពទាំងនេះ ថ្វីដ្បិតវាបានរួមចំណែកយ៉ាងសំខាន់ ក្នុងការកាត់បន្ថយស្ដ្រេស ប៉ុន្ដែយើងក៏មិនត្រូវពឹងផ្អែកលើវាទាំងស្រុងនោះដែរ។ កត្ដាមួយចំនួននៃជំងឺស្ដ្រេស ក៏ត្រូវទាមទារយ៉ាងចំបាច់ ខ្លួនយើង ដូចជាការគ្រប់គ្រងពេលវេលាគេងឲ្យបានគ្រប់គ្រាន់ ការរក្សាទម្ងន់ ជំងឺរាំរ៉ៃ ជំងឺទឹកនោមផ្អែមកម្រិត២ ជំងឺបេះដូង និងជំងឺថ្លើមជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម