ការទម្លាប់ខ្លួនរបូតអាហារពេលព្រឹក មិនមែនជាទម្លាប់ល្អឡើយ ព្រោះវាអាចបង្កឲ្យប៉ះពាល់ដល់សុខភាពយើងបាន។ ការខកខានញ៉ាំអាហារពេលព្រឹកតាមទម្លាប់ ក៏អាចធ្វើឲ្យឆ្អល់ពោះ ឬឈឺពោះបានដែរ ពិសេសអ្នកធ្លាប់ញ៉ាំរាល់ថ្ងៃ ហើយបែរជាមិនញ៉ាំវិញ។
ប្រាកដហើយថា អ្នកចង់ចាកចេញ?
ការទម្លាប់ខ្លួនរបូតអាហារពេលព្រឹក មិនមែនជាទម្លាប់ល្អឡើយ ព្រោះវាអាចបង្កឲ្យប៉ះពាល់ដល់សុខភាពយើងបាន។ ការខកខានញ៉ាំអាហារពេលព្រឹកតាមទម្លាប់ ក៏អាចធ្វើឲ្យឆ្អល់ពោះ ឬឈឺពោះបានដែរ ពិសេសអ្នកធ្លាប់ញ៉ាំរាល់ថ្ងៃ ហើយបែរជាមិនញ៉ាំវិញ។
ការឈឺពោះដែលបណ្ដាលមកពីការមិនបានញ៉ាំអាហារពេលព្រឹក កើតឡើងដោយសារកាយរបស់យើងធ្លាប់ទទួលបាន ចំណីអាហារពេលព្រឹកទៀងទាត់ ពេលនោះប្រព័ន្ធរំលាយអាហារ ក្រពះ ក៏ត្រូវធ្វើការទៀតទាត់ដូចគ្នា ដោយបញ្ចេញអាស៊ីដរំលាយអាហារទាំងនោះ។ នៅពេលមួយដែលយើងមិនបានញ៉ាំអាហារពេលព្រឹក នោះក្រពះរបស់យើងក៏នៅតែធ្វើការបញ្ចេញជាតិអាស៊ីដដដែល ជាហេតុធ្វើឲ្យប៉ះពាល់ដល់ក្រពះ មានការឈឺចុកចាប់រយៈពេលខ្លី។ បញ្ហានេះអាចបង្កឡើងភាគច្រើនដោយ អ្នកដែលទើបចាប់ផ្ដើមទម្លាប់បង្អត់អាហារពេលព្រឹក ឬក៏ញ៉ាំយឺតពេលជាដើម។
អត្ថបទគួរអាន៖
ការបង្អត់អាហារពេលព្រឹកដែលឈានទៅដល់ការបង្កឲ្យមានការឈឺពោះ គឺជាជំហ៊ានដំបូងដែល សុខភាពប្រព័ន្ធរំលាយអាហារត្រូវទទួលរងផលប៉ះពាល់ដោយបរិមាណអាស៊ីដកើនឡើងក្នុងក្រពះដែលបានបញ្ចេញ ហើយគ្មានអាហារត្រូវរំលាយ។ គ្រោះថ្នាក់ដំបូងចាប់ពី ក្រពះ បន្ទាប់មកដល់ពោះវៀនតូច និង ចុងក្រោយពោះវៀនធំតែម្ដង។
ការសិក្សាបន្ថែមអំពីផលប៉ះពាល់នៃការមិនញ៉ាំអាហារពេលព្រឹកជះឥទ្ធពលដល់ផ្នែកផ្សេងៗទៀត ដូចបញ្ហាសរសៃឈាមខួរក្បាល បេះដូង និងការឈានទៅរកជំងឺទឹកនោមផ្អែមប្រភេទ២បាន។ អ្នកស្រីវេជ្ជបណ្ឌិត Dr. Leah Cahill អ្នកដឹកនាំការសិក្សាស្រាវជ្រាវអំពីជំងឺទឹកនោមផ្អែមប្រភេទ២ នៅសាកលវិទ្យាល័យ Dalhousie University ប្រទេសកាណាដា បានមានប្រសាសន៍ថា ការបង្អត់អាហារពេលព្រឹកខ្លួនឯង ក៏ស្ថិតក្នុងចំណុចបង្កហារនិភ័យកើតជំងឺទឹកនោមផ្អែមប្រភេទ២ និងការកើតជំងឺធាត់បានដែរ ព្រោះថា ភាពធន់នឹងអាំងស៊ុយលីន និងការគ្រប់គ្រងអ័រម៉ូនក្នុងរាងកាយនឹងមានការកើនឡើងដូចគ្នាទៅនឹងហារនិភ័យនៃជំងឺ គាំងបេះដូង និងជំងឺលើសសម្ពាធឈាម។
ចង់គណនា BMR ចុចទីនេះ!
ចង់គណនា BMI ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
សូមកុំយល់ច្រឡំថា ការបង្អត់អាហារពេលព្រឹកអាចជួយកាត់បន្ថយការឡើងគីឡូ ឬអាចជួយសម្រកគីឡូឲ្យសោះ ជាក់ស្ដែងមិនមែនដូចការគិតនោះទេ ផ្ទុយទៅវិញវានឹងបង្កផលប៉ះពាល់ដល់សុខភាពយើងទាំងស្រុង ពីព្រោះថារាងកាយរបស់យើងដែលបានសម្រាករយៈពេលយ៉ាងហោច៨ទៅ១០ម៉ោង នឹងត្រូវចាប់ផ្ដើមដំណើការជាថ្មីនៅថ្ងៃថ្មី ថាមពលថ្មី ដោយការញ៉ាំអាពេលព្រឹកនេះឯង។
ជារួមការបង្អត់អាហារពេលព្រឹកនោះ គឺបង្កផលប៉ះពាល់ទៅដល់ប្រព័ន្ធរំលាយអាហារ ដែលជំហានដំបូងត្រូវបង្ហាញសញ្ញាជាការឈឺពោះ ព្រោះការច្រាលអាស៊ីដក្រពះកើនឡើងខ្លាំងដោយគ្មានអាហាររំលាយ។
ប្រើប្រាស់រង្វាស់សុខភាព - អត្រាដុតកាឡូរី ដើម្បីកំណត់ និងដឹងពីបរិមាណកាឡូរីដុតសមស្របបំផុតទៅតាម កម្ពស់ ទម្ងន់ អាយុ និងសកម្មរាងកាយនានា
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Breakfast https://www.betterhealth.vic.gov.au/health/healthyliving/breakfast
8 Potential Warning Signs of Stomach Cancer https://health.clevelandclinic.org/potential-warning-signs-of-stomach-cancer/
Is Breakfast Important? https://www.ncbi.nlm.nih.gov/pmc/articles/PMC8519231/
Why Skipping Breakfast Might Raise Risk Of Heart Disease https://www.npr.org/sections/thesalt/2013/07/23/204567839/SKIPPING-BREAKFAST-IS-RISKY#:~:text=Cahill%20says%20when%20you%20prolong,can%20lead%20to%20heart%20disease.