backup og meta
មាតិកា
ឧបករណ៍សុខភាព
រក្សាទុក

សារធាតុ CMC ក្រៅពីចាក់បង្គាមានក្នុងចំណីអាហារណាទៀត?

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ សុខ វណ្ណ · កែ Nov 20, 2023

សារធាតុ CMC ក្រៅពីចាក់បង្គាមានក្នុងចំណីអាហារណាទៀត?

សារធាតុ CMC ជាសារធាតុដែលឈ្មួញខិលខូចមួយចំនួនប្រើសម្រាប់ចាក់បញ្ចូលក្នុងបង្គាស្រស់ ដើម្បីបង្កើនទម្ងន់បង្គា ក្នុងគោលបំណងលក់ចេញបានកម្រៃច្រើន។ តើសារធាតុ CMC អាចបង្ក​ផលប៉ះពាល់ដល់សុខភាពបែបណាខ្លះ? ក្រៅពីចាក់ក្នុងបង្គា CMC មានក្នុងចំណី​អាហារ​ណា​ខ្លះ?

សារធាតុ CMC (Carboxymethyl cellulose) ជាម្សៅដែលនឹង​ក្លាយ​ជា​សារធាតុ​រាវខាប់ដូចចាហួយ​នៅ​ពេល​​លាយ​ជា​មួយ​ទឹក។ ម្សៅ CMC ​មានតម្លៃ​​១,២ដុល្លារក្នុង១ក្រាម​ ហើយ​ម្សៅ CMC ៣​ក្រាម​អាច​លាយ​ជាមួយទឹក​បានរហូតដល់ទៅ៥០​គីឡូក្រាម ព្រមទាំង​អាច​ចាក់​ចូលបង្គា​បាន​ដល់​ទៅ១​តោន​ឯណោះ។

សារធាតុ CMC មិនអាចរំលាយបានទេ មានន័យថា ក្រពះ និងពោះវៀន​​​យើងមិនអាចបំបែក និងស្រូបយកសារធាតុនេះបានទេ។ ការបរិភោគអាហារមានផ្ទុកសារធាតុ CMC អាចប៉ះពាល់​ដល់​ក្រពះពោះវៀន​​ដូចជា ធ្វើឱ្យយើងមិនស្រួលពោះ ហើមពោះ ចុកពោះ និងរាក។ ជាងនេះ​ទៅ​ទៀត សារធាតុ CMC អាចបំផ្លាញបាក់តេរីល្អៗក្នុងពោះវៀន និងបង្កឱ្យយើងរលាកពោះវៀន។ មិនតែប៉ុណ្ណោះ សារធាតុ CMC អាចបង្កឱ្យមានប្រតិកម្មអាលែកហ្ស៊ី ដែលបណ្តាលឱ្យយើង​ឡើង​កន្ទួល​រមាស់​លើស្បែក ពិបាកដកដង្ហើម និងតឹងណែនបំពង់កជាដើម។

អាលែកហ្ស៊ី

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់គណនារកចង្វាក់បេះដូងលោត ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ក្រៅពីចាក់ក្នុងបង្គារ សារធាតុ CMC អាចមាននៅក្នុងទឹកដោះគោ ទឹកផ្លែឈើកំប៉ុង ការេម ស៊ុប កំប៉ុង ទឹកជ្រលក់ មីកញ្ចប់ ម៉ាសមេឡូ (Marshmallows) នំបុ័ង នំបីស្គីត ពពុះសណ្តែក អាហារ បង្កក និងចំណីអាហារដែលគ្មានសារធាតុ gluten (Gluten-free) ឬមានជាតិខ្លាញ់ទាបជាដើម ព្រោះសារធាតុ CMC អាចជួយធ្វើឱ្យចំណីអាហារទាំងនេះខាប់ និងធ្វើឱ្យធាតុផ្សំក្នុងចំណីអាហារ រលាយចូលគ្នាបានសព្វ ឡើងបានល្អ និងកាត់បន្ថយការប្រើប័រ ប្រេង ឬខ្លាញ់ និងស៊ុតជាដើម។

ដើម្បីចៀសវាងទទួលទានចំណីអាហារដែលមានផ្ទុកសារធាតុ CMC ពេលទិញយើងត្រូវមើល​​សារធាតុផ្សំលើស្លាកចំណីអាហារដោយរកពាក្យ carboxymethylcellulose, sodium carboxymethyl cellulose, carboxymethylcellulose, carboxymethyl cellulose, CMC, sodium CMC, cellulose gum, E466 ឬ E469។

អត្ថបទគួរអាន៖

ចំណុចសំខាន់

  • សារធាតុ CMC អាចធ្វើឱ្យយើងរលាកពោះវៀន និងមានបញ្ហាអាលែកហ្ស៊ី។
  • ក្រៅពីចាក់ក្នុងបង្គារ សារធាតុ CMC អាចមាននៅក្នុងទឹកដោះគោ ទឹកផ្លែឈើកំប៉ុង ការេម ស៊ុប​កំប៉ុង ទឹកជ្រលក់ មីកញ្ចប់ ម៉ាសមេឡូ (Marshmallows) នំបុ័ង នំបីស្គីត ពពុះសណ្តែក អាហារ​បង្កក និងចំណីអាហារដែលគ្មានសារធាតុ gluten (Gluten-free) ឬមានជាតិខ្លាញ់​ទាប​ជាដើម។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ សុខ វណ្ណ · កែ Nov 20, 2023

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម