គ្នាយើងច្បាស់ណាស់ ប្រាកដជាស្គាល់ទៀបបារាំងមិនខាន ប៉ុន្តែក្រៅពីរសជាតិជូរអែមឆ្ងាញ់ មានដឹងថា ផ្លែឈើប្រភេទនេះលាក់អាថ៌កំបាំងពិសេសអីទៀតអត់? សំណួរនេះភាគច្រើនច្បាស់ជាមិនដឹងមែនហើយ ចាំ “Hello គ្រូពេទ្យ” ប្រាប់តែម៉ងទៅ ទៀបបារាំង ក្រៅពីផ្អែមឆ្ងាញ់ សម្បូរវីតាមីន គឺនៅអាចជួយកែខៃ និងការពារយើងពីជំងឺកាចសាហាវជាច្រើនថែមទៀត។
ទៀបបារាំង លាក់គុណសម្បត្តិពិសេស ការពារមហារីកច្រើនប្រភេទ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ទៀបបារាំងប្រឆាំងការរលាក
បើយើងមានបញ្ហា ឈឺខ្នង ទៀបបារាំង គឺលាក់កំពូលអត្ថប្រយោជន៍ ជួយដោះស្រាយបញ្ហានេះបាន ព្រោះមានផ្ទុកសារធាតុប្រឆាំងការរលាក។ អ្នកវិទ្យាសាស្ត្រជឿថា បើយើងស្ងោរទៀបបារាំងយកមកធ្វើជាថ្នាំលាប អាចព្យាបាលអាការៈរលាកលើខ្លួនប្រាណ និងបង្កើនល្បឿនព្យាបាលកាន់តែមានប្រសិទ្ធិភាព។ សារធាតុក្នុងទៀបបារាំង ក៏ជួយសម្រួលបញ្ហាផ្លូវដង្ហើម ដូចជា ក្អក ឬកកស្ទះផ្នែកណាមួយនៃផ្លូវដង្ហើម ជួយឲ្យមានអារម្មណ៍ធូរស្រាល និងអាចជួយបំបាត់ស្លេស្មផងដែរ។
២- ទៀបបារាំងជួយរក្សាស្បែកមានសុខភាពល្អ
គ្រាប់ទៀបបារាំង អាចផលិតជាសារធាតុមួយប្រភេទ ទប់ស្កាត់ការវិវត្តស្បែក កាត់បន្ថយស្នាមជ្រីវជ្រួញ និងស្នាមជាំលើផ្ទៃមុខយ៉ាងមានប្រសិទ្ធភាព ពិសេសពេលផ្ទៃមុខមានស្នាមជាំ និងអុចខ្មៅ។ បើប្រើសារធាតុនេះញឹកញាប់ ជួយធ្វើឲ្យស្បែកមានសុខភាព ការពារមិនឲ្យឆ្លងមេរោគ ឬបាក់តេរី។ ញ៉ាំទៀបបារាំង ជួយឲ្យស្បែកស្រស់ស្អាត ព្រោះសម្បូរសារធាតុចិញ្ចឹម។
៣- ទៀបបារាំងការពារមហារីក
ដោយសារតែសារធាតុប្រឆាំងអុកស៊ីតកម្មខ្ពស់ ដូចជា Acetogenins Quinolones និងជាតិ Alkaloids ទៀបបារាំង ត្រូវគេជឿថា មានសមត្ថភាពទប់ស្កាត់មហារីក និងកាត់បន្ថយទំហំដុំសាច់មិនប្រក្រតី។
ការស្រាវជ្រាវបង្ហាញថា ទៀបបារាំង ជាជម្រើសមួយដើម្បីព្យាបាលជំងឺមហារីក។ សារធាតុ Acetogenin ក្នុងផ្លែឈើនេះ ជួយកាត់បន្ថយការផ្គត់ផ្គង់ឈាម រារាំងការលូតលាស់នៃកោសិកាមិនប្រក្រតី។ សារធាតុទាំងនេះ កាត់បន្ថយហានិភ័យ មហារីក មហារីកលំពែង មហារីកក្រពេញប្រូស្តាត និង ផ្ដាច់បារី ជួយឲ្យសរីរាង្គទាំងនោះមានលក្ខណៈប្រសើរឡើង។ ចំណែកសារធាតុអុកស៊ីតកម្មក្នុងទៀបបារាំង ជួយបង្កើនសមត្ថភាពប្រព័ន្ធភាពស៊ាំរាងកាយថែមទៀតផង។
៤- កត្តាគួរស្វែងយល់
យ៉ាងណា គ្មានភស្តុតាងគ្រប់គ្រាន់ណាមួយ ណែនាំឲ្យញ៉ាំទៀបបារាំង ឬផលិតផលចម្រាញ់ពីផ្លែឈើប្រភេទនេះនៅឡើយទេ។ ជាទូទៅ ទៀបបារាំង ១ផ្លែ មានផ្ទុកសារធាតុ Aannonacin (សារធាតុគីមីពុលអាចប៉ះពាល់ប្រព័ន្ធប្រសាទ) ប្រហែល ១៥មិល្លីក្រាម ហើយក្នុងផលិតផលចម្រាញ់ចេញពីទៀបបារាំង មួយកំប៉ុង មានផ្ទុកសារធាតុនេះ ៣៦ មិល្លីក្រាម។
មួយទៀត ជាតិ Alkaloids ដ៏ច្រើនក្នុងទៀបបារាំង អាចបណ្ដាលមានរោគសញ្ញាម៉្យាង ស្រដៀងគ្នានឹងជំងឺ Parkinson’s disease (ជំងឺញ័រ) ផងដែរ។
សូមញ៉ាំទៀបបារាំងក្នុងកម្រិតមធ្យមបានហើយ កុំព្យាយាមព្យាបាលបញ្ហាសុខភាពដោយផ្លែទៀបបារាំង ឬទឹកចម្រាញ់ពីទៀបបារាំង ព្រោះមិនអាចព្យាបាលជំងឺគ្រប់មុខនោះទេ ហើយករណីធ្ងន់ធ្ងរអាចបង្កឲ្យមានប្រតិកម្មអាលែកហ្ស៊ី។ ហេតុនេះ ត្រូវសាកសួរវេជ្ជបណ្ឌិតជាមុនសិន ដើម្បីឲ្យដឹងថាតើគួរប្រើបែបណាសមស្របជាមួយស្ថានភាពជំងឺយើង ដើម្បីទទួលបានផលប្រយោជន៍ខ្ពស់។
គួរអាន៖
- មិនដែលដឹងសោះថាអម្ពិលទឹកមានអត្ថប្រយោជន៍ច្រើនម្ល៉ឹង
- អាហារដែលមានកម្រិតអ៊ីស្តាមីន អ្នកឧស្សាហ៍ប្រតិកម្មគួរដឹង
- ទំពាំងបាយជូរខ្មៅផ្ដល់អត្ថប្រយោជន៍ច្រើន មិនគួររំលង
- ញ៉ាំអាហារទាំងនេះ ជួយបង្កើនថាមពលដល់រាងកាយ
- ញ៉ាំភេសជ្ជៈកំប៉ុងរាល់ថ្ងៃ អាចប៉ះពាល់សុខភាពរាងកាយច្រើនយ៉ាង
- ញុំាផ្នែកពណ៌សនៃស៊ុតច្រើនក្នុងមួយថ្ងៃៗ អាចមានផលប៉ះពាល់ ៥ យ៉ាង
- គ្រាប់ល្ពៅ កុំញ៉ាំច្រើនពេកអាចបង្កបញ្ហាសុខភាពមួយចំនួន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម