របបអាហារ

ចង់ឱ្យក្រពះពោះវៀនមានសុខភាពល្អ កុំរំលងផ្លែឈើ ៤ មុខនេះ

គ្នាយើងដឹងអត់ថា ផ្លែឈើមួយចំនួន មានគុណប្រយោជន៍ច្រើនដល់ប្រព័ន្ធរំលាយអាហារ ពីព្រោះវាមានផ្ទុកទៅដោយជាតិសរសៃ អង់ស៊ីម និងសារធាតុចិញ្ចឹមល្អៗ ដែលរួមចំណែកជួយពង្រឹងដល់ប្រព័ន្ធរំលាយអាហារ ក៏ដូចជាសុខភាពក្រពះពោះវៀន។ ខាងក្រោមនេះ ជាប្រភេទផ្លែឈើល្អៗ ដែលគ្នាយើងមិនគួររំលង។ ១. ផ្លែប៉ោម ផ្លែប៉ោម ជាផ្លែឈើដែលសម្បូរដោយជាតិសរសៃខ្ពស់ ជួយដល់ការបន្ទោរបង់ និងបញ្ចៀសការទល់លាមក។ តាមការសិក្សាមួយបានបង្ហាញថា សមាសភាពប្រឆាំងការរលាកនៃផ្លែប៉ោម អាចជួយកាត់បន្ថយហានិភ័យនៃការច្រាលអាហារ រីឯសារធាតុប្រឆាំងអុកស៊ីតកម្ម និងវីតាមីនល្អៗក៏រួមចំណែកក្នុងការពង្រឹងសុខភាពក្រពះពោះវៀនដូចគ្នា។ ២. ផ្លែចេក ជាមួយគ្នានេះដែរ ផ្លែចេកក៏មានគុណប្រយោជន៍ជួយដល់ការរំលាយអាហារ ជំរុញការលូតលាស់នៃបាក់តេរីល្អក្នុងក្រពះ ព្រមទាំងកាត់បន្ថយជាតិអាស៊ីត។ លើសពីនេះ ផ្លែចេកក៏សម្បូរទៅដោយជាតិសរសៃដែលជួយសម្រួលដល់ការបន្ទោរបង់ និងកាត់បន្ថយការទល់លាមក។ ចង់គណនា BMI ចុចទីនេះ! ចង់គណនារង្វាស់ចង្វាក់បេះដូងលោត ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៣. ផ្លែម្នាស់ ចំណែកផ្លែម្នាស់វិញ ក៏ជាផ្លែឈើដ៏ល្អបំផុតសម្រាប់ការរំលាយអាហារ ពីព្រោះវាមានផ្ទុកអង់ស៊ីមសម្រាប់បំបែកជាតិប្រូតេអ៊ីននៅក្នុងក្រពះ ដោយជួយសម្រួលដល់ការរំលាយអាហារ និងកាត់បន្ថយការទល់លាមក។ [embed-health-tool-pregnancy-weight-gain] ៤. ផ្លែល្ហុង ដូចគ្នានេះដែរ ផ្លែល្ហុង គឺជាផ្លែឈើដ៏ស័ក្តិសមចំពោះការរំលាយអាហារ ដោយសារតែវាផ្ទុកអង់ស៊ីមម្យ៉ាងឈ្មោះថា Papain ដែលរួមចំណែកជួយបំបែកប្រូតេអ៊ីន និងជំរុញដល់ការរំលាយអាហារ។ បន្ថែមពីនេះ ផ្លែល្ហុងក៏សម្បូរទៅដោយជាតិសរសៃ វីតាមីនC និងសារធាតុអុកស៊ីតកម្ម ដែលជួយជំរុញដល់ការរំលាយអាហារ និងគាំទ្រដល់ប្រព័ន្ធភាពស៊ាំ។ ហេតុនេះហើយ ដើម្បីពង្រឹងសុខភាពក្រពះពោះវៀនឱ្យបានល្អ ក៏ដូចជាជំរុញដល់ការរំលាយអាហារ គ្នាយើងគួរបញ្ចូលផ្លែឈើទាំង ៤ មុខនេះទៅក្នុងរបបអាហារជាទៀងទាត់។ ចំណុចសំខាន់ ប្រភេទផ្លែឈើល្អៗ ជួយពង្រឹងដល់ប្រព័ន្ធរំលាយអាហារ […]

អាហារូបត្ថម្ភ

ប្រយោជន៍សុខភាព ៨ យ៉ាង ញ៉ាំទឹកឃ្មុំមុនចូលគេង (វីដេអូ)

យើងគ្រប់គ្នាអាចនឹងដឹងពីអត្ថប្រយោជន៍របស់ទឹកឃ្មុំខ្លះហើយថាទឹកឃ្មុំអាចសម្រួលដល់អាការៈជំងឺផ្ដាសាយ និងផ្តល់សំណើមដល់ស្បែក។ ប៉ុន្តែយើងអាចនឹងមិនដឹងថាអ្នកវិទ្យាសាស្ត្រហៅទឹកឃ្មុំជាកំពូលអាហារ ព្រោះទឹកឃ្មុំមានសារធាតុដែលជួយដល់សុខភាពច្រើនដែលយើងមិនដែលបានដឹង។ យើងតែងយកទឹកឃ្មុំទៅលាយនឹងអាហារផ្សេង តែគ្រាន់តែញ៉ាំទឹកឃ្មុំមួយស្លាបព្រាបាយមុនចូលគេងក៏ផ្តល់ប្រយោជន៍ច្រើនដល់សុខភាព។ ១. គេងលក់ស្រួល ទឹកឃ្មុំផ្ទុកសារធាតុ tryptophan ជាអ័រម៉ូនដែលជួយបន្ធូរអារម្មណ៍ និងផ្តល់សញ្ញាឲ្យរាងកាយថាដល់ពេលចូលគេងហើយ។ ទោះបីជារាងកាយត្រូវការអាស៊ីដអាមីណូនេះ ប៉ុន្តែរាងកាយមិនអាចផលិតអាស៊ីដអាមីណូដោយខ្លួនឯងទេ។ ហេតុនេះហើយយើងត្រូវទទួលពីរបបអាហាររួមមានទឹកឃ្មុំជាដើម។ ពេលខ្លះយើងអាចភ្ញាក់កណ្ដាលយប់ នេះមកពីអំឡុងពេលគេង ខួរក្បាលត្រូវការសារធាតុ glycogen និងបង្កឲ្យក្រពេញ aldrena បញ្ចេញអ័រម៉ូន adrenaline និងcortisol ដែលធ្វើឲ្យយើងមិនអាចគេងបាន។ ដោយទឹកឃ្មុំមានសារធាតុ glycogen ដែលខួរក្បាលត្រូវការ ដូចនេះការញ៉ាំទឹកឃ្មុំមុនគេងអាចជួយឲ្យគេងលក់ស្រួល។ ២. បញ្ចុះសម្ពាធឈាម សម្ពាធឈាមខ្ពស់គឺជាកត្តាមួយនៃហានិភ័យជំងឺបេះដូង។ ហេតុនេះហើយការរក្សាលំនឹងសម្ពាធឈាមគឺជាវិធីដ៏ល្អដើម្បីចៀសវាងជំងឺបេះដូង។ ទឹកឃ្មុំមានសារធាតុប្រឆាំងអុកស៊ីតកម្មដែលអាចបញ្ចុះសម្ពាធឈាម ហើយការញ៉ាំទឹកឃ្មុំមួយស្លាបព្រាបាយពេលយប់ជាវិធីដ៏ល្អដើម្បីបង្ការការលើសសម្ពាធឈាម។ ៣. បញ្ចុះកម្រិតខ្លាញ់អាក្រក់ នៅពេលខ្លាញ់អាក្រក់ (Triglycerides ) មានកម្រិតខ្ពស់នោះហានិភ័យនៃជំងឺបេះដូង និងជំងឺទឹកនោមផ្អែមក៏កើនឡើងដែរ។ ទឹកឃ្មុំគឺអាចបញ្ចុះកម្រិតជាតិខ្លាញ់អាក្រក់នៅក្នុងរាងកាយបានដោយជួយសម្អាតខ្លាញ់ដែលមិនចាំបាច់ចេញពីក្នុងឈាម។ ៤. ពង្រឹងប្រព័ន្ធភាពស៊ាំ ទឹកឃ្មុំសម្បូរដោយសារធាតុប្រឆាំងអុកស៊ីតកម្ម និងបាក់តេរីដែលអាចពង្រឹងប្រព័ន្ធភាពស៊ាំរបស់យើងឲ្យប្រឆាំងនឹងជំងឺផ្សេងៗបង្កដោយបាក់តេរី ផ្សិត និងវីរុសផ្សេងៗ។ បន្ថែមពីនេះទៀត ការញ៉ាំទឹកឃ្មុំរាល់យប់គឺជួយដល់រាងកាយបន្ថែមការការពារបែបធម្មជាតិ ហើយយើងក៏អាចប្រើទឹកឃ្មុំទៅលើរបួសបានដែរ។ ៥. ដុតជាតិខ្លាញ់លឿនជាងមុន ទឹកឃ្មុំបង្កើនការធ្វើមេតាបូលីសដោយបង្កើតសកម្មភាពកម្ដៅនៅក្នុងរាងកាយ។ នេះមានន័យថាទឹកឃ្មុំបង្កើនចលនាឈាមរត់ដែលបង្កើនសីតុណ្ហភាពក្នុងរាងកាយ និងជួយដល់ការដុតជាតិខ្លាញ់។ ៦. បំបាត់អាការៈ ក្អក ទឹកឃ្មុំគឺជាសារធាតុប្រឆាំងការរលាកធម្មជាតិ។ ដូចនេះហើយការញ៉ាំទឹកឃ្មុំមួយស្លាបព្រាបាយលាយជាមួយនឹងទឹកក្ដៅឧណ្ហៗរាល់យប់ យើងអាចបន្ថយការរលាកនៅបំពង់ក និងចៀសវាងអាការៈក្អកបាន។ លើសពីនេះទៀត ទឹកឃ្មុំគឺសារធាតុប្រឆាំងបាក់តេរីដ៏ល្អមួយដែលជួយប្រឆាំងនឹងបាក់តេរីនៅនឹងបំពង់ក។ […]