ក្រសួងសុខាភិបាលបានប្រកាសថាព្យាបាលអ្នកជំងឺ COVID-19 ជាសះស្បើយ ១ នាក់ទៀតហើយនៅព្រឹកថ្ងៃទី ២៤ ខែមិថុនា ឆ្នាំ ២០២០ នេះ។ អ្នកជាសះស្បើយ គឺជាបុរសអាយុ ២១ ឆ្នាំដែលរស់នៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង និងជាអ្នកទើបវិលមកពីប្រទេសម៉ាឡេស៊ី។ បុរសរូបនោះត្រូវបានអនុញ្ញាតឲ្យចាកចេញពីមន្ទីរពេទ្យមិត្តភាពខ្មែរ-សូវៀត បន្ទាប់ពីធ្វើតេស្តអវិជ្ជមាន COVID-19 ២ ដង។
ថ្ងៃនេះកម្ពុជាមានអ្នកជាសះស្បើយ COVID-19 ថែម ១ នាក់ទៀត
ក្រសួងសុខាភិបាលក៏បានឲ្យដឹងដែរថា ថ្ងៃនេះគ្មានឆ្លងករណី COVID-19 ថ្មីថែមទៀតនោះទេ។ តួលេខអ្នកឆ្លង COVID-19 សរុបមាន ១៣០ នាក់ក្នុងនោះព្យាបាលឲ្យជាសះស្បើយមាន ១២៨ នាក់ និងកំពុងសម្រាកព្យាបាលចំនួន ២ នាក់ជាបុរស។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕