home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ថ្ងៃនេះកម្ពុជារកឃើញអ្នកឆ្លង COVID-19 ដល់ទៅ ២៣ ករណីថែមទៀត

ថ្ងៃនេះកម្ពុជារកឃើញអ្នកឆ្លង COVID-19 ដល់ទៅ ២៣ ករណីថែមទៀត

ក្រសួងសុខាភិបាលចេញសេចក្ដីប្រកាសមុននេះថា បានរកឃើញករណីវិជ្ជមាន COVID-19 ថ្មី ២៣ករណីទៀត ក្នុងនោះមានជនជាតិខ្មែរ ១៩ នាក់ និងឥណ្ឌូណេស៊ី ៤ នាក់ ហើយ​ថ្ងៃ​នេះ​ក៏​មាន​អ្នក​ជា​សះស្បើយ​ថែម ១ នាក់​ទៀត​ផង​ដែរ។

ក្នុង​នោះ​អ្នក​មក​តាម​ជើង​ហោះហើរ AK 538 មាន​ផ្ទុក COVID-19 ៤ នាក់ ស្រី ១ នាក់ ជា​ជនជាតិ​ឥណ្ឌូណេស៊ី ហើយ​អ្នក​ជំងឺ​បុរស​ទាំង ៣ នាក់ ត្រូវ​បាន​ដាក់​ឲ្យ​សម្រាក​ព្យាបាល​នៅ​មណ្ឌល​សុខភាព​ចាក់​អង្រែ​រាជធានី​ភ្នំពេញ និង​ស្រ្តី ១ នាក់​ឲ្យ​សម្រាល​ព្យាបាល​នៅ​មន្ទីរពេទ្យ​មិត្តភាព​ខ្មែរ​សូវៀត ហើយ​អ្នក​ទាំង ៤ គឺជា​អ្នក​ដំណើរ​មកពី​ប្រទេស​ឥណ្ឌូណេស៊ី

ចំណែក​ជើង​ហោះហើរ KR 708 មាន​ករណី​វិជ្ជមាន COVID-19 មាន​ជនជាតិ​ខ្មែរ ៤ នាក់ ស្រី ១ នាក់ ហើយ​អ្នក​ទាំង​នោះ​ក៏​មកពី​ប្រទេស​ឥណ្ឌូណេស៊ី​ដែរ និង​អ្នក​រួម​ដំណើរ ៥៥ នាក់​ដែល​អវិជ្ជមាន​បាន​ដាក់​ឲ្យ​ធ្វើ​ចត្តាឡីស័ក​នៅ​មណ្ឌល​ចត្តាឡីស័ក​កង​ទ័ព​អាកាស រាជធានី​ភ្នំពេញ។

រីឯ​ការ​ធ្វើ​តេស្ត​លើក​ទី​៣​នៃ​អ្នក​ដំណើរ​មកពី​រុស្សី និង​អេហ្សីប​តាម​ជើង​ហោះហើរ​ម៉ាឡេស៊ីដែលមកដល់កាលពីថ្ងៃ ១៩ ខែកក្កដា ឆ្នាំ ២០២០នោះ មាន​ផ្ទុក COVID-19 ១៥ នាក់​ទៀត។

​ចំពោះ​អ្នក​ជាសះស្បើយ​វិញ គឺជាអ្ន​ក​ដំណើរ​មកពី​ប្រទេស​ឥណ្ឌូណេស៊ី រស់នៅ​ភូមិ​ជុំទិច ឃុំ​ជុំទិច ស្រុក​ក្រូចឆ្មារ ខេត្តត្បូងឃ្មុំ និង​បាន​អនុញ្ញាត​ឲ្យ​ចាកចេញ​ពី​មន្ទីរពេទ្យមិត្តភាព​ខ្មែរ​-សូវៀត​ បន្ទាប់ពី​តេស្ត​អវិជ្ជមាន COVID-19 ២ដង។

សរុបតួលេខអ្នកឆ្លង COVID-19 ទូទាំងប្រទេសមានចំនួន ២២៥ មាន​ស្រ្តី ៤៦ និង​បុរស ១៧៩ នាក់​ក្នុង​នោះ​អ្នក​ព្យាបាល​សះស្បើយ​មាន​ចំនួន ១៤៣ នាក់ ហើយកំពុង​សម្រាក​ព្យាបាល​នៅ​មន្ទីរពេទ្យ​រដ្ឋ​ចំនួន ៨០ នាក់ និង​ព្យាបាល​នៅ​បន្ទប់​ដោយ​ឡែក​ក្នុង​ស្ថានទូត​អាមេរិក ចំនួន​២នាក់។

COVID-19 COVID-19 COVID-19

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Try Ravi កែសម្រួល​ចុងក្រោយ 25/07/2020
ត្រួតពិនិត្យដោយ ដេត ធន្នី