home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

មានជនជាតិវៀតណាម ២ នាក់ រត់គេចពីកន្លែងចត្តាឡីស័កព្រៃវែង មកកំពង់ឆ្នាំង

មានជនជាតិវៀតណាម ២ នាក់ រត់គេចពីកន្លែងចត្តាឡីស័កព្រៃវែង មកកំពង់ឆ្នាំង

លោក​ជំទាវ ឱ វណ្ណឌីន រដ្ឋលេខាធិការ និង​ជា​អ្នក​នាំ​ពាក្យ​ក្រសួង​សុខាភិបាល​នៃ​ព្រះរាជា​ណាចក្រ​កម្ពុជា បាន​ឲ្យ​ដឹង​ថា មាន​ករណី​ជនជាតិ​វៀតណាម ២ នាក់ បាន​រត់​គេច​ខ្លួន​ពី​កន្លែង​ធ្វើ​ចត្តាឡីស័ក
នៅ​ក្នុង​មន្ទីរ​ពេទ្យ​បង្អែក​ព្រះ​ស្តេច​មក ខេត្ត​កំពង់​ឆ្នាំង។

ករណី​អ្នក​លួច​រត់​គេច​នោះ​ជា​ស្ត្រី​អាយុ ៣៧ឆ្នាំ និង​កូន​ប្រុស​អាយុ ១៣ ឆ្នាំ បាន​លួច​ចេញ​ពី​ការ​ធ្វើ​ចត្តាឡីស័ក​ពិត​មែន ហើយ​ស្ត្រី​ជនជាតិ​វៀតណាម​រូប​នេះ ជា​អ្នក​រស់នៅ​នៅ​ភូមិ​ប្រាសាទ(ភូមិ​ថ្មី) ឃុំ​សែប ស្រុក​កំពង់ត្រឡាច ខេត្ត​កំពង់ឆ្នាំង បាន​ចាក​ចេញ​ពី​កម្ពុជា​មុន​ពេល​ចូល​ឆ្នាំខ្មែរ ទៅ​រស់នៅ​ទល់ដែន​កម្ពុជា-វៀតណាម ឌិញ​បា(តាមគាត់ប្រាប់) ហើយ​ដោយសារ​មិន​អាច​រកស៊ី​បាន​នៅ​ទីនោះ គាត់​ក៏​បាន​ត្រឡប់​មក​កម្ពុជា​វិញ​នៅ​ថ្ងៃ​ទី ១៥ ខែ​សីហា ឆ្នាំ២០២០។

នៅ​វេលា​ម៉ោង​ប្រហែល ជា ០៥ ព្រឹក ​ពេល​ចូល​ដល់​កម្ពុជា ស្ត្រីជនជាតិវៀតណាម និង​កូន​ ត្រូវ​បាន​ក្រុម​ការងារ​នៅ​មាត់​ច្រក​ព្រំដែន​អន្តរជាតិ​បន្ទាយចក្រី​ធ្វើការ​ត្រួតពិនិត្យ​សុខភាព ដែល​មិន​មាន​រោគ​សញ្ញា ឫ​បញ្ហា​សុខភាព​ណា​មួយ ដែល​គួរឲ្យ​កត់​សម្គាល់​នោះ​ឡើយ ដោយ​អនុវត្ត​វិធាន​ការ​សុខាភិបាល ក្រុម​គ្រូពេទ្យ​បាន​ដឹក​ស្ត្រី និង​កូន​តាម​រថយន្ត​ពេទ្យ មក​ធ្វើ​ចត្តាឡីស័ក​នៅ​ក្នុង​មន្ទីរ​ពេទ្យ​បង្អែក​ព្រះ​ស្តេច​នៃ​ខេត្ត​ព្រៃវែង។ នៅ​ម៉ោង ប្រហែលជា ០០: ៣០នាទី ថ្ងៃទី១៦ ខែ សីហា ឆ្នាំ២០២០ ក្រុម​គ្រូ​ពេទ្យ​បាន​ទៅ​ពិនិត្យ​មើល​ស្ថានភាព​អ្នកទាំង២ ឃើញ​មាន​សភាព​ធម្មតា ហើយ​នៅ​ម៉ោង ០៥: ៣០ នាទី​ព្រឹក ក្រុម​គ្រូពេទ្យ​បាន​ទៅ​ពិនិត្យ​ម្តង​ទៀត តែ​មិន​ឃើញ​ស្ត្រី​រូប​នេះ និង​កូន​នៅ​ក្នុង​បន្ទប់​ឡើយ។ ដូច្នេះស្រ្តី​ជនជាតិ​វៀតណាម​រូប​នេះ បាន​សម្រេច​ចិត្ត​នាំ​កូន​ចាកចេញ​ពី​មន្ទីរពេទ្យ​នេះ តាំង​ពី​មុន​ម៉ោង ០៥:៣០ ព្រឹក នៃ​ថ្ងៃ​ទី ១៦ ខែ​សីហា ឆ្នាំ ២០២០ ដោយ​មិន​ប្រាប់​ក្រុម​គ្រូពេទ្យ​យាម​ប្រចាំការ​នៅ​ក្នុង​មន្ទីរពេទ្យ​នេះ​ឡើយ។

បើ​តាម​របាយការណ៍​របស់​មន្ទីរ​សុខាភិបាល​ខេត្ត​កំពង់ឆ្នាំង ដែល​ទទួល​បាន​នៅ​វេលា​ម៉ោង១៨:០០ នាទី ​ថ្ងៃ​ទី ១៨ ខែ​សីហា ឆ្នាំ ២០២០ នេះ​បាន​បង្ហាញ​ថា ស្ត្រី និង​កូន​ប្រុស​ខាង​លើ បាន​ចាក​ចេញពី​មន្ទីរ​ពេទ្យ​ព្រះ​ស្តេច​នៃ​ខេត្ត​ព្រៃវែង នៅ​វេលា​ម៉ោង​ប្រហែល​ជា​ជិត ០៥ ព្រឹក​នៃ​ថ្ងៃ​ទី ១៦ ខែ​សីហា ឆ្នាំ២០២០ រួច​បាន​ឡើង​ឡាន​ក្រុង​មក​រាជធានី​ភ្នំពេញ និង​ប្រហែល​ជា​ម៉ោង​ជាង ០៨ ព្រឹក បាន​បន្ត​ដំណើរ​ដោយ​រថយន្ត​ឈ្នួល​មក​ខេត្ត​កំពង់ឆ្នាំង មក​ដល់​ក្បាល​ថ្នល់​សែប​ម៉ោង​ប្រហែល​ជាង ១០ ព្រឹក​ថ្ងៃ​ដដែល និង​បាន​បន្ត​ទៅ​ភូមិ​ប្រាសាទ ដែល​ជាទី​កន្លែង​ដែល​ស្ត្រីរូបនោះ​រស់​នៅ​ដោយ​ម៉ូតូ​ឌុប។

ស្ត្រី​រូប​នេះ​ក៏​បាន​អះអាង​ផង​ដែរ​ថា នៅ​ផ្ទះ​របស់ខ្្លួន​មិន​បាន​ជួប​ជា​មួយ​បងប្អូន​ទេ ដោយ​អ្នកទាំង២​ត្រូវ​បាន​រថយន្ត​មន្ទីរពេទ្យ​បង្អែក​កំពង់​ត្រឡាច​ ខេត្ត​កំពង់ឆ្នាំង ដឹក​មក​ដល់​មណ្ឌល​ចត្តាឡីស័ក​កម្រិត ២ សាលា​គំរូ​ក្រុង ប្រហែល​ម៉ោង ១៧:៣០នាទី ថ្ងៃ​ដដែល។ ក្រុម​ការងារ​បាន​ពិនិត្យ​កម្ដៅអ្នកទាំង២ ឃើញ​ធម្មតា គ្មាន​សញ្ញា​ក្អក ឈឺ ក ឫ​ហត់ ដែល​គួរឲ្យ​ចាប់​អារម្មណ៍​នោះ​ឡើយ។

ក្រុម​ការងារ​​មន្ទីរ​សុខាភិបាល​ខេត្ត​កំពង់ឆ្នាំង ក៏​បាន​អប់រំ និង​ណែនាំ​ពន្យល់​ស្ត្រី​រូប​នេះ ក្នុង​ការ​អនុវត្ត​ធ្វើ​ចត្តាឡីស័ក​ឲ្យ​គ្រប់​ចំនួន ១៤ ថ្ងៃ ដោយ​រាប់​សារ​ឡើងវិញ និង​ដោយ​មាន​ការ​សន្យា​ថា​មិន​រត់​ទៀត​ទេ។ ក្រុម​ការងារ និង​បន្ត​ការ​អនុវត្ត​ច្បាប់​ដែល​មាន​ជា​ធរមាន​ចំពោះ​បុគ្គល​ដែល​មិន​គោរព​តាម​វិធាន​ការ​ចត្តាឡីស័ក​នេះ។ លោក​ជំទាវ​ក៏​បាន​បញ្ជាក់​ថា លទ្ធផល​តេស្ត​លើក​ទី​១ របស់​អ្នក​ទាំង ២ នៅ​ថ្ងៃ​ទី ១៧ ខែ​សីហា ឆ្នាំ ២០២០ គឺ អវិជ្ជមាន​វីរុស COVID-19 ទាំង​ពីរ​នាក់ តែ​ក្រុម​គ្រូពេទ្យ​នៃ​មន្ទីរ​សុខាភិបាល​ខេត្ត​កំពង់​ឆ្នាំង កំពុង​បន្ត​តាម​ដាន​សុខភាព​គាត់ និង​កូន​ប្រុស ដោយ​យក​ចិត្ត​ទុក​ដាក់​បំផុត។

នេះ​ជា​ករណី​ទី៣ នៃ​ការ​រត់​គេច​ពី​កន្លែង​ធ្វើ​ចត្តាឡីស័ក ដោយ​ករណីទី១ ជា​ស្ត្រី​អាណិកជន​ខ្មែរអាមេរិក រត់​គេច​ពី​ភ្នំពេញ​ទៅ​កំពង់ចាម និង​ករណីទី២ ជា​បុរស​ជន​ជាតិ​ខ្មែរ២នាក់ រត់​គេច​ពី​កន្លែងធ្វើ​ចត្តាឡីស័ក​នៅ​ក្រុង​ព្រៃវែង ទៅ​ផ្ទះ​នៅ​ខេត្ត​ព្រៃវែង​ដែរ។

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Try Ravi កែសម្រួល​ចុងក្រោយ 18/08/2020
ត្រួតពិនិត្យដោយ ដេត ធន្នី