អ្នកធ្វើចត្តាឡីស័ក ១៤ ថ្ងៃ ទទួលបានប្រាក់ឧបត្ថម្ភម្នាក់ ២ម៉ឺនរៀល/ថ្ងៃ ពីរដ្ឋាភិបាល

    អ្នកធ្វើចត្តាឡីស័ក ១៤ ថ្ងៃ ទទួលបានប្រាក់ឧបត្ថម្ភម្នាក់ ២ម៉ឺនរៀល/ថ្ងៃ ពីរដ្ឋាភិបាល

    សម្តេច​នាយក​រដ្ឋមន្រ្តី​ ​ហ៊ុន សែន បាន​សម្រេច​ទម្លាក់​ថវិកា​ជាង ១ពាន់​លាន​រៀល ទៅ​កាន់​រាជធានី-ខេត្ត​ទូទាំង​ប្រទេស ព្រម​ទាំង​បាន​កំណត់​ផ្តល់​ថវិកា​ជួយ​ពលរដ្ឋ​ក្រីក្រដែលធ្វើចត្តាឡីស័ក ម្នាក់ ២ម៉ឺនរៀល/ថ្ងៃ ក្នុង​រយៈពេល ១៥ថ្ងៃ ដែលថវិកា​សរុប​ទទួល​បាន ៣០ មុឺនរៀល/គ្រួសារ។

    សម្តេច​នាយក​រដ្ឋមន្ត្រីបាន​បញ្ជាក់​ថា “សូម​កុំ​មាន​ការ​ភាន់​ច្រឡំ​ថា​ខ្ញុំ​តម្រូវ​ឱ្យ​ធ្វើ​ចត្តាឡីសក័ ១៥ថ្ងៃ។ ការ​ធ្វើ​ចត្តាឡីស័ក ត្រឹម​តែ១៤ថ្ងៃ ប៉ុណ្ណោះ តែខ្ញុំ​ផ្តល់​ជូន​ថវិកា​សម្រាប់ ១៥ ថ្ងៃ ក្នុង​បំណង​ជួយ​ដល់​ប្រជាពលរដ្ឋ​ក្រីក្រ​តែ​ប៉ុណ្ណោះ។

    តាម​តារាង​បែង​ចែក​ថវិកា​ទៅ​បណ្តា​រាជធានី និង​ខេត្ត​ទូទាំង​ប្រទេស ដែល​រាជរដ្ឋាភិបាល​ទម្លាក់​ទៅនោះ មាន​ទឹកប្រាក់​សរុប​ចំនួន ១,១១៧,០០០,០០០ រៀល

    ក្រៅ​ពី​ផ្តល់​ថវិកា​ដល់​ពលរដ្ឋ​ក្រីក្រ​ក្នុង​រយៈពេល​នៃ​ការ​ធ្វើ​ចត្តាឡីស័ក ប្រមុខ​រដ្ឋាភិបាល​កម្ពុជា​បាន​អំពាវនាវ​ឲ្យ​បងប្អូន​ប្រជាពល​រដ្ឋ​ណា​ដែល​គិត​ថា​ខ្លួន​បាន​ប៉ះពាល់ ឬ​ពាក់ព័ន្ធ​ជាមួយ​អ្នក​ជំងឺ COVID-19 សូម​មក​ធ្វើ​តេស្ត និង​ធ្វើ​ចត្តាឡីស័ក​ជា​បន្ទាន់ ដើម្បី​ចៀស​វាង​ការ​ចម្លង​ចូល​សហគមន៍ ដោយ​ការ​ធ្វើ​តេស្ត​នោះ​មិន​មាន​បង់​ប្រាក់​នោះ​ទេ។

    ខាងក្រោមជាតារាងបែងចែកថវិកាតាមបណ្តារាជធានី និងខេត្ត៖

    COVID-19

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 30/11/2020
    ត្រួតពិនិត្យដោយ វេជ្ជ. ចាន់ ស៊ីណេត