កុំព្យូទ័រ មានសមត្ថភាពអាចបង្រៀនខ្លួនឯង (បញ្ញាសិប្បនិមិត្ត ឬ AI) អាចព្យាករពីរយៈពេលស្លាប់របស់មនុស្សបានត្រឹមត្រូវ ហើយអាចលើកកម្ពស់ការការពារសុខភាពកាន់តែប្រសើរនៅពេលអនាគត។ នេះបើតាមការសិក្សាថ្មីមួយ ដោយអ្នកជំនាញនៅសាកលវិទ្យាល័យ Nottingham។
កាន់តែទំនើប បញ្ញាសិប្បនិមិត្ត អាចដឹងពីពេលស្លាប់យើងទៀត
ក្រុមអ្នកវិទ្យាសាស្រ្តផ្នែកទិន្នន័យសុខាភិបាល និងវេជ្ជបណ្ឌិត បានធ្វើការបង្កើត និងសាកល្បងប្រព័ន្ធមួយ នៃក្បួនគណនាការសិក្សាម៉ាស៊ីន ដោយកុំព្យុទ័រ ដើម្បីព្យាករភាពប្រឈមនៃការស្លាប់ ដោយជំងឺរ៉ាំរ៉ៃ នៅក្នុងចំនួនប្រជាជនមួយភាគធំ ដែលមានវ័យកណ្ដាល។
ក្រុមអ្នកវិទ្យាសាស្រ្ត និងវេជ្ជបណ្ឌិត បានរកឃើញថា ប្រព័ន្ធបញ្ញាសិប្បនិមិត្ត គឺពិតជាត្រឹមត្រូវណាស់ ក្នុងការព្យាករទាំងនោះ និងធ្វើការបានប្រសើរស្ដង់ដារបច្ចុប្បន្ន ដើម្បីព្យាករការវិវឌ្ឍរបស់មនុស្ស។ ការសិក្សារនេះ ចេញផ្សាយដោយគេហទំព័រ Science Daily។
ក្រុមអ្នកស្រាវជ្រាវ បានប្រើប្រាស់ទិន្នន័យសុខភាពមនុស្ស ជាង កន្លះលាននាក់ អាយុពី ៤០-៦៩ឆ្នាំ ជ្រើសរើសពីប្រភពទិន្នន័យសុខាភិបាល Biobank របស់អង់គ្លេស រវាងឆ្នាំ២០០៦-២០១០ និងបានតាមដានរហូតដល់ឆ្នាំ២០១៦។
លោកបណ្ឌិត Stephen Weng សាស្រ្ដាចារ្យផ្នែករោគរាតត្បាត និងវិទ្យាសាស្រ្តទិន្នន័យ បានលើកឡើងថា ការការពារសុខភាព ជាអាទិភាពមួយដែលមានការកើនឡើង នៅក្នុងការប្រយុទ្ធប្រឆាំងជំងឺធ្ងន់ធ្ងរនានា ដូច្នេះយើងបានកំពុងធ្វើការអស់រយៈពេលជាច្រើនឆ្នាំ ដើម្បីលើកកម្ពស់ភាពត្រឹមត្រូវនៃការវាយតម្លៃហានិភ័យសុខភាពដោយកុំព្យូទ័រ នៅក្នុងចំណោមប្រជាជនទូទៅ។ កម្មវិធីភាគច្រើន ផ្ដោតលើជំងឺតែមួយមុខ ប៉ុន្ដែការព្យាករ អាស្រ័យលើលទ្ធផលជំងឺផ្សេងៗជាច្រើន ដែលមានភាពស្មុគស្មាញខ្លាំង ជាពិសេសលើកត្ដាបរិស្ថាន និងបុគ្គល ដែលប្រហែលប៉ះពាល់ពួកគេ។
លោកបណ្ឌិត Stephen Weng បន្ដថា “យើងបានបោះជំហានដ៏ធំមួយក្នុងវិស័យនេះ ដោយការបង្កើតវិធីសាស្រ្តរួម និងតែមួយគត់ ដើម្បីព្យាករភាពប្រឈមនៃរយៈពេលស្លាប់របស់មនុស្សម្នាក់ ដោយការសិក្សារបស់ម៉ាស៊ីន។ នេះជាការប្រើប្រាស់កុំព្យុទ័រ ដើម្បីបង្កើតគំរូថ្មីសម្រាប់ការព្យាករភាពប្រឈម ដែលចូលរួមដោយទំហំយ៉ាងធំ នៃកត្ដាប្រជាសាស្រ្ត ជីវមាត្រ ការពិនិត្យព្យាបាល និងរបៀបរបបរស់នៅ សម្រាប់ការវាយតម្លៃបុគ្គលម្នាក់ៗ សូម្បីតែការប្រើប្រាស់របបអាហារផ្លែឈើ បន្លែ និងសាច់ ក្នុង ១ថ្ងៃ“។
“យើងបានផ្គូរផ្គងការព្យាករដែលកំពុងមានលទ្ធផល ទៅនឹងទិន្នន័យការស្លាប់ពីអង្គភាព ដោយប្រើប្រាស់កំណត់ត្រាការស្លាប់របស់ការិយាល័យស្ថិតិជាតិ ការចុះបញ្ជីមហារីក និងស្ថិតិសម្រាកព្យាបាលនៅមន្ទីរពេទ្យ។ យើងបានរកឃើញថា ក្បួនគណនាសិក្សាដោយម៉ាស៊ីន ពិតជាត្រឹមត្រូវ ក្នុងការព្យាករការស្លាប់ ជាជាងគំរូស្ដង់ដាព្យាករ ដែលបង្កើតដោយអ្នកជំនាញ“។ លោកបណ្ឌិត Stephen Weng បញ្ជាក់បន្ថែម។
អ្នកស្រាវជ្រាវនៅសាកលវិទ្យាល័យ Nottingham បានព្យាករថា បញ្ញាសិប្បនិមិត្ត នឹងដើរតួនាទីសំខាន់ក្នុងការបង្កើតឧបករណ៍នានា នៅពេលអនាគត ដែលមានសមត្ថភាពបង្កើតថ្នាំផ្ទាល់ខ្លួន រចនាការគ្រប់គ្រងហានិភ័យទៅនឹងស្ថានភាពអ្នកជំងឺម្នាក់ៗ។ ជាងនេះទៅទៀត ការស្រាវជ្រាវ តម្រូវការផ្ទៀងផ្ទាត់ និងសុពលភាពក្បួនគណនារបស់បញ្ញាសិប្បនិមិត្ត ក្នុងចំណោមក្រុមប្រជាជនផ្សេងទៀត និងស្វែងរកមធ្យោបាយនានា ដើម្បីអនុវត្តប្រព័ន្ធទាំងនេះក្នុងការថែទាំសុខភាពជាទម្លាប់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម