ថ្នាំពន្យារ​កំណើត អាចកាត់បន្ថយហានិភ័យ​មហារីក

    ថ្នាំពន្យារ​កំណើត អាចកាត់បន្ថយហានិភ័យ​មហារីក

    គ្រាប់ថ្នាំពន្យារកំណើត មិនត្រឹមតែមាន​ប្រសិទ្ធភាព​សម្រាប់​ការពន្យារ​កំណើត​នោះទេ ប៉ុន្ដែវាថែមទាំង​ជួយ​បញ្ហា​សុខភាព​ជា​ច្រើន​ទៀត​ ដូចជា កាត់បន្ថយ​ការ​កើតមុន និង​រមួលក្រពើ ជាដើម។ ខណៈការ​សិក្សា​ថ្មី​មួយ​រក​ឃើញ​ថា ក្រៅ​ពី​ជួយ​លើ​បញ្ហា​មុខមុន កន្ត្រាក់​សាច់​ដុំ គឺអាច​ជួយ​កាត់​បន្ថយ​ហានិភ័យ​មហារីក​ទៀត​ផង។

    ការសិក្សាធ្វើឡើង​ដោយ​សាកលវិទ្យាល័យ Buffalo និង​មជ្ឈមណ្ឌល​មហារីក Rosewell Park នៅ​អាមេរិក ផ្ដោតជា​ពិសេស​លើទម្រង់​សាហាវនៃ​មហារីក​ក្រពេញ​អូវែ។ អ្នកស្រាវជ្រាវរកឃើញ​ថា អ្នក​ជំងឺ​ធ្លាប់ផឹកថ្នាំ​ពន្យារ​កំណើត ពាក់ព័ន្ធ​ជាមួយ​ការ​ថយ​ចុះ​អត្រា​ប្រឈមស្លាប់​ដោយ​ជំងឺ​មហារីក​ក្រពេញអូវែ ដល់​ទៅ ៤៦% ត្រឹមរយៈពេល ១២ ខែ ក្រោយ​ធ្វើរោគវិនិច្ឆ័យ​ឃើញ​មាន​មហារីក​ក្រពេញ​អូវែ។

    អ្នកស្រាវជ្រាវបានអង្កេតការ​ប្រើប្រាស់​ថ្នាំ​ពន្យារ​កំណើត​រយៈពេល ៥​ ឆ្នាំ ដោយ​រកឃើញ​ថា មាន​អត្រាធ្លាក់ចុះ ៣២% ដែល​​ឈាន​ទៅ​រក​​មហារីក​ក្រពេញអូវែ។

    យើងបានដឹង​ជាយូរ​មកហើយ ស្រីៗ​ពន្យារ​កំណើត​ដោយ​​ផឹកថ្នាំ មានភាព​ប្រឈម​ទាប កើត​មហារីក​ក្រពេញអូវែ​។ ប៉ុន្តែ​អ្វី​យើង​ពុំទាន់ដឹងពាក់ព័ន្ធ​សំណួរថាតើ​ផលប៉ះពាល់​ថ្នាំ​នេះ អាច​បង្ក​ជា​​ជំងឺកាច​សាហាវ​ខ្លាំង ​ឬយ៉ាង​ណា​នៅឡើយ“។ នេះបើតាម​លោកស្រី​បណ្ឌិត Kirsten Moysich សាស្រ្តាចារ្យនៃ​មជ្ឈមណ្ឌល​មហារីក Roswell Park

    ថ្នាំពន្យារកំណើត

    អត្ថបទពាក់ព័ន្ធ៖

    មហារីក​ក្រពេញអូវែ ជាមហារីក​នាំមុខលំដាប់​ទី ៥ សម្លាប់​ស្រីៗ​ច្រើន​ជាង​គេ​នៅ​អាមេរិក។ នេះបើយោងតាមវិទ្យាស្ថាន​ជំងឺ​មហារីក​អាមេរិក American Cancer Society។ តាម​ការ​ព្យាករ ក្នុងឆ្នាំ ​២០១៩ នេះ ពលរដ្ឋ​អាមេរិក ​ប្រមាណ ២២.៥៣០​នាក់ នឹង​ទទួល​បាន​ការធ្វើរោគវិនិច្ឆ័យ​​មហារីក​ក្រពេញអូវែ ហើយ​​ប្រមាណ ១៣.៩៨០​នាក់ នឹង​ស្លាប់ដោយ​ជំងឺ​នេះ។

    ទ្រឹស្ដីមួយ ប្រហែល​អាច​ពន្យល់​ហេតុអ្វី​ បាន​ជាថ្នាំ​ពន្យារកំណើត អាច​កាត់បន្ថយ​ភាពប្រឈម​មហារីក​ក្រពេញអូវែ? ការ​ផឹក​ថ្នាំ​ពន្យារ​កំណើត គឺជាការបញ្ឈប់​ការ​បញ្ចេញស៊ុត​ចេញពី​អូវែ។ ២-៣​ ដង ដែល​អ្នក​បញ្ឈប់ការ​បញ្ចេញ​ស៊ុត​ចេញពី​អូវែ នោះមាន​​ផលប៉ះពាល់​តិចតួច ទទួលរង​ពី​អ័រម៉ូន ដែល​ដើរតួនាទី​បង្កើន​មហារីក​ក្រពេញអូវែ។ នេះបើយោងតាម​សាកលវិទ្យាល័យ​មហារីក Texas MD Anderson Cancer

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ គីង ច័ន្ទវាសនា​ · កែ 03/04/2019

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម