នៅថៃកុនកជាងយើងទៀត ក្រៅពីផ្សែងពុល ឥឡូវកម្តៅឡើងខ្ពស់ជាង ៤០អង្សារសេ ដោយអាជ្ញាធរចេញព្រមាន ក្រុមមនុស្សជាច្រើន ពាក់ព័ន្ធបញ្ហាសុខភាព ដែលនឹងផលប៉ះពាល់ដោយសាររលកកម្តៅសែនក្តៅនៅពេលនេះ ក៏ដូចជាការព្រមានហានិភ័យផ្សេងៗ ដែលអាចកើតឡើងដោយសារគ្រឿងអេឡិចត្រូនិកផងដែរ។
ថៃកុនកជាងខ្មែរទៀត កម្តៅនឹងឡើងដល់ ៤៣ អង្សារសេ
ការព្រមានធ្វើឡើងដោយអាជ្ញាធរ ក៏ដូចជានាយកដ្ឋានគ្រប់គ្រងជំងឺប្រទេសនេះ ក្រោយម្ចាស់គណនីហ្វេសប៊ុកឈ្មោះ Ying Yupa Anan បង្ហោះសារលើបណ្តាញសង្គម ជាមួយស្ទីកគ័របង្ហាញអារម្មណ៍យំ អមជាមួយសំណេរ មានរូបភាពឡានច្រើនសន្លឹក បែកកញ្ចក់ខាងមុខ ១ដុំ ដោយសារផ្ទុះទូរសព្ទ ហើយត្រូវអ្នកលេងហ្វេសបុកចែករំលែកតគ្នា ជាង ១៤.០០០ ដងឯណោះ។
នាយកដ្ឋានគ្រប់គ្រងជំងឺ និងអាជ្ញាធរថៃ ធ្លាប់បានព្រមានពលរដ្ឋខ្លួន មហានិភ័យអាចកើតឡើងដោយគ្រឿងអេឡិចត្រូនិក អំឡុងអាកាសធាតុក្តៅខ្លាំងបែបនេះ ពិសេសទូរសព្ទ អាជ្ញាធរព្រមាន មិនឲ្យទុកនៅក្រោមកម្ដៅព្រះអាទិត្យ ព្រោះអាចធ្វើឲ្យផ្ទុះគ្រប់ពេល។ ក្រៅពីទូរសព្ទ ឧបករណ៍ផ្សេងទៀត ដូចជា Power Banks ថ្មគ្រឿងអេឡិចត្រនិកប្រភេទ L-Ion និងបំពង់ស្ព្រាយនានា។
នាយកដ្ឋានដដែលនេះ ក៏ព្រមានចំពោះ ក្រុមមនុស្សងាយរងគ្រោះ មួយចំនួនមានដូចជា ក្មេងក្រោម ៥ឆ្នាំ មនុស្សចាស់ អ្នកជំងឺរ៉ាំរ៉ៃ អ្នកជំងឺធាត់ និងអ្នកសម្រាកមិនគ្រាប់គ្រាន់ ផឹកស្រាច្រើន និងធ្វើការក្រោមកម្ដៅព្រះអាទិត្យរយៈពេលយូរ ដែលងាយរងផលប៉ះពាល់ខ្លាំង ខណៈរោគសញ្ញាជំងឺបណ្ដាលមកពីកម្ដៅ មានដូចជា អស់កម្លាំង មិនឃ្លានអាហារ ក្អួត ឈឺក្បាល សម្ពាធឈាមទាប និងសន្លប់។ បើគ្មានការជួយទាន់ពេលទេ បញ្ហានឹងកាន់តែធ្ងន់ធ្ងរ។
អត្ថបទពាក់ព័ន្ធ៖
- ខែក្តៅខ្លាំងបែបនេះ បើពពោះ កុំឲ្យខ្វះជាតិទឹកឲ្យសោះ ព្រោះប៉ះពាល់គភ៌
- ផឹកទឹកសុទ្ធដាក់ក្នុងឡានត្រូវកម្តៅថ្ងៃ ប្រឈមជំងឺច្រើនមុខ
នាយកដ្ឋានធនធានទឹកថៃ បញ្ជាក់ថា ពេញមួយសប្ដាហ៍នេះ អាកាសធាតុនៅពេលថ្ងៃ ស្ថិតនៅចន្លោះពី ៣៩-៤៣ អង្សារសេ នៅភាគខាងជើង ៣៥-៤២ អង្សាសេ នៅតំបន់កណ្ដាល ៣៤-៤០ អង្សារសេ នៅភាគខាងកើត និងចាប់ពី ៣៧-៤០ អង្សារសេ នៅក្រុងបាងកក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម