តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ទម្លាប់​អាក្រក់៤​ចំណុច ស្រីៗមិន​គួរ​ធ្វើ​អំឡុង​ពេល​មក​រដូវ

ទម្លាប់​អាក្រក់៤​ចំណុច ស្រីៗមិន​គួរ​ធ្វើ​អំឡុង​ពេល​មក​រដូវ

អំឡុង​ពេល​មក​រដូវ​ជា​ពេល​ដែល​ស្រីៗ​យើង​ត្រូវ​សម្អាត​ខ្លួន​ប្រាណ និង​ត្រូវ​ធ្វើ​ឲ្យ​អនាម័យ​ទ្វារមាស​ឲ្យ​បាន​ល្អ នោះ​ទើប​ទ្វារមាស​មិន​ឆ្លង​ពពួក​រោគ​ផ្សិត​ និង​មេរោគ​ផ្សេងៗ។ ការ​ធ្វើ​​អនាម័យ ឬ​ប្រព្រឹត្ត​ខុស​ក្បួន អាច​នាំ​ឲ្យ​មាន​ផល​ប៉ះពាល់​ចំពោះ​សុខភាព ដូច្នេះ​យើង​គួរកែប្រែ​នូវ​ទម្លាប់​អាក្រក់​ទាំង​ប៉ុន្មាន​ខាងក្រោម​នេះ។

១- មិន​ផ្លាស់ប្តូរ​សំឡី​អនាម័យ​ឲ្យ​បាន​ញឹក

អំឡុង​ពេល​មក​រដូវ ត្រឹម ៤-៥ ម៉ោង​យើង​ត្រូវ​ដូរ​សំឡី​អនាម័យ​ម្តង មិនត្រូវផ្អាប់ទុកយូរនោះទេ ព្រោះ​វា​អាច​បង្ក​រោគ​នៅ​ទ្វារមាស។

២- តម​អាហារ ​

ពេល​មក​រដូ​វម្តងៗ​ស្រីៗ​យើង​បាត់បង់​ឈាម​ច្រើន ធ្វើ​ឲ្យ​អស់​កម្លាំង ដូច្នេះ​យើង​ត្រូវ​តែ​ញ៉ាំ​ទឹក និង​អាហារ​ដែល​មាន​ជីវជាតិ ជាពិសេស​អាហារ​មានជាតិ​ដែក​ឲ្យ​ច្រើន មិន​ត្រូវ​តម ឬ​មិន​ញ៉ាំ​អី​នោះ​ទេ ព្រោះ​រឹតតែ​ធ្វើ​ឲ្យ​ស្លេកស្លាំង គ្មាន​កម្លាំង​កំហែង។

មករដូវ

៣- ប្រើ​ផលិតផល​ផ្តល់​ក្លិន

ដើម្បី​សម្អាត និង​បំបាត់​ក្លិន​មិន​ល្អ ស្រីៗ​យើង​មួយ​ចំនួន​តែង​ប្រើ​ផលិត​ដែល​មាន​ក្លិន​ក្រអូបៗ​យក​លាង​សម្អាត ឬបាញ់​ទ្វារមាស ការ​ធ្វើ​បែប​នេះ​អាច​រឹត​តែ​បង្ករោគនៅ​ទ្វារមាស ធ្វើ​ឲ្យរមាស់ ធំុក្លិនមិនល្អ ​ធ្លាក់​ស​​ ក៏​មាន។ យក​ល្អគួរ​តែ​លាង​សម្អាត​ទ្វារមាស​នឹង​ទឹក​ក្តៅ​ឧណ្ហៗ។

អត្ថបទពាក់ព័ន្ធ៖ ទម្លាយ​មូលហេតុ​នាំ​ឲ្យ​ស្រីៗយើង​ឧស្សាហ៍​រមាស់​នៅ​កន្លែង​សម្ងាត់

៤- រួមភេទ​ដោយ​មិន​បាន​ការពារ

គ្នា​យើង​មួយ​ចំនួន​តែងតែ​គិត​ថា ពេល​មក​រដូវ​ជា​ពេល​ដែល​មាន​សុវត្ថិភាព​ក្នុង​ការ​រួមភេទ ការ​គិត​ដូច្នេះ​មិន​ត្រឹមត្រូវ​ទេ រួមភេទ​អំឡុង​ពេល​មក​រដូវ​អាច​មាន​កូន​បាន​ប្រសិន​បើ​រដូវស្រីៗ​មិន​ទៀង។

 

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 29/04/2019
ត្រួតពិនិត្យដោយ វេជ្ជ. ចាន់ ស៊ីណេត