តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ខ្លាញ់​ត្រី ជួយការពារ​បេះដូង​ពី​ខ្យល់ពុល

ខ្លាញ់​ត្រី ជួយការពារ​បេះដូង​ពី​ខ្យល់ពុល

ខ្លាញ់ត្រី មានផ្ទុក​អាស៊ីត​អូមេហ្គា ៣ ផ្ដល់​ផលប្រយោជន៍ជាច្រើន​ដល់​សុខភាព រួមមាន​កាត់បន្ថយ​សម្ពាធឈាម ជួយភ្នែក និង​ប្រឆាំង​ការបាក់ទឹកចិត្ត​។ អ្វីកាន់តែ​ពិសេស​ គឹ​ថ្នាំ​មាន​ជាតិ​ខ្លាញ់​ត្រី អាច​ការពារ​បេះដូង​មនុស្ស ប្រឆាំង​នឹង​ខ្យល់ពុល​បាន។

ការសិក្សានេះ ធ្វើឡើង​ដោយ​អ្នកស្រាវជ្រាវ​នៅ​សាកលវិទ្យាល័យ Fudan ​ក្រុង​សៀងហៃ ផ្ដោតសំខាន់​លើ​​ខ្លាញ់ត្រី ផ្ដល់​ប្រយោជន៍​ដល់​សរសៃ​ឈាម​បេះដូង ប្រឆាំង​នឹង​ផលប៉ះពាល់​ពី​ខ្យល់ពុល ក្នុង​ចំណោម​មនុស្ស​ពេញវ័យ។ ការសិក្សា​នេះ មាន​រយៈពេល ៤​ខែ និង​មាន​និស្សិត​​សុខភាព​ល្អ ចំនួន ៦៥​នាក់ ចូលរួម ដោយបែងចែក​ជា ២​ក្រុម។ ក្រុមទី១ លេប​ថ្នាំ​មាន​ជាតិ​ខ្លាញ់​ត្រី​សមុទ្រ ២​បំពង់/ថ្ងៃ ចំណែក​ក្រុមទី២ ឲ្យ​លេប​ថ្នាំ​មាន​ជាតិ​ប្រេង​គ្រាប់​ផ្កាឈូករ័ត្ន ២​បំពង់​ដូចគ្នា។

ដើម្បី​ឲ្យ​ដូច​ការពិត អ្នកស្រាវជ្រាវ បង្កើត​បរិស្ថាន​មាន​កម្រិត​ខ្យល់​ពុល PM2.5 នៅលើ​ដំបូល​អគារ កណ្ដាល​សាកលវិទ្យាល័យ។ ក្រោយការសិក្សា អ្នកចូលរួម​ទាំងអស់ ទៅពិនិត្យ​សុខភាព​ទាំង​អស់គ្នា។ អ្នកស្រាវជ្រាវ កំណត់​សម្ពាធ​ឈាម និង​សុចនាករ​ជីវសាសាស្ដ្រ ចំនួន ១៨ ពាក់ព័ន្ធ​ជាមួយ​សុខភាព​បេះដូង ដូច​សុចនាករ​នៃ​ការរលាក កំណក​ឈាម និង​បញ្ហា​មេតាប៉ូលិស។

លទ្ធផល រកឃើញ​ថា សុចនាករ​ជីវសាស្ត្រ​ជាច្រើន ក្នុង​ក្រុម​លេបថ្នាំ​មាន​ជាតិ​ប្រេង​ផ្កាឈូករ័ត្ន រង​ផលប៉ះពាល់​ខ្ពស់​ទៅ​នឹង​ខ្យល់ពុល ខណៈ​ក្រុមលេប​ថ្នាំ​មាន​ជាតិ​ខ្លាញ់ត្រី រង​ផលប៉ះពាល់​តិច​ទៅ​នឹង​ខ្យល់ពុល។

នៅក្នុង​ក្រុមលេបថ្នាំ​មាន​ជាតិ​ប្រេង​ផ្កាឈូករ័ត្ន ខ្យល់ពុល បង្ក​ឲ្យមាន​កំណកឈាម ការរលាក ភាពស៊ាំ​អាំងស៊ុយលីន និង​បញ្ចេញ​អ័រម៉ូន​បង្ក​ស្ដ្រេស ដោយទាំងនេះ ពាក់ព័ន្ធ​ជាមួយ​នឹង​ជំងឺ​សរសៃ​ឈាម​បេះដូង។ ចំណែក​ក្រុម​លេប​ថ្នាំ​មាន​ជាតិ​ខ្លាញ់​ត្រី ពុំមាន​អាការៈដូច្នេះ​លេចឡើង​នោះ​ទេ។ រីឯ​បញ្ហា​សម្ពាធឈាម ពុំពាក់ព័ន្ធ​នឹង​ខ្យល់ពុល សម្រាប់​ទាំង ២ក្រុម។

ខ្លាញ់ត្រី Hello គ្រូពេទ្យ

អត្ថបទពាក់ព័ន្ធ៖

ការសិក្សា​នេះ លើកឡើង​ថា របប​អាហារ​មាន​ជាតិខ្លាញ់ត្រី គឺមាន​ភាពងាយស្រួល និង​ជា​វិធីមាន​ប្រសិទ្ធភាព ជាង​ការប្រើប្រាស់​ម៉ាស់ ឬ​ឧបករណ៍​បន្សុទ្ធ​ខ្យល់ ដើម្បី​ការពារ​សុខភាព​បេះដូង ប្រឆាំង​នឹង​ខ្យល់ពុល។

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ គីង ច័ន្ទវាសនា​ កែសម្រួល​ចុងក្រោយ 27/04/2021
ត្រួតពិនិត្យដោយ វេជ្ជ. ចាន់ ស៊ីណេត