ជំងឺភ្លេចភ្លាំង មិនថាអ្នកអាយុតិច ឬច្រើនទេ ជួបដូចតែគ្នាហ្នឹង គ្រាន់តែអ្នកខ្លះភ្លេចតិច ខ្លះទៀតភ្លេចច្រើន។ អង្គការសុខភាពពិភពលោក (WHO) បង្ហាញថា មនុស្សប្រមាណ ៥០លាននាក់ នៅលើពិភពលោក មានជំងឺភ្លេចភ្លាំង ដោយ ៦០% រស់នៅប្រទេសចំណូលទាប និងចំណូលមធ្យមកម្រិតទាប ដូចខ្មែរយើង។
កំពុងភ្លេចភ្លាំងច្រើនមែនទេ? នេះការណែនាំថ្មីរបស់ WHO ដើម្បីកាត់បន្ថយបញ្ហា
ឆ្លើយតបនឹងបញ្ហានេះ អង្គការសុខភាពពិភពលោកសប្ដាហ៍មុន ដាក់ចេញគោលការណ៍ណែនាំថ្មី ផ្ដល់មូលដ្ឋានចំណេះដឹង ដើម្បីជួយការពារជំងឺភ្លេចភ្លាំង។ ខាងក្រោមនេះ ជាគោលការណ៍ណែនាំ ដើម្បីកាត់បន្ថយជំងឺភ្លេចភ្លាំង៖
- ហាត់ប្រាណឲ្យទៀងទាត់
- ចៀសវាងផឹកគ្រឿងស្រវឹង
- កុំជក់បារី
- ញ៉ាំអាហារសុខភាព និងមានតុល្យភាព
- បណ្ដុះបណ្ដាលផ្នែកយល់ដឹង (Cognitive Training) ដល់មនុស្សចាស់
- ចូលរួម និងគាំទ្រសកម្មភាពសង្គម។
ភ្លេចភ្លាំង ជាជំងឺកំណត់ដោយការធ្លាក់ចុះមុខងារយល់ដឹង (Cognitive Function)។ វាប៉ះពាល់ដល់ការចងចាំ ការគិត ការពិចារណា សមត្ថភាពសិក្សា ភាសា និងការវាយតម្លៃ។ ជំងឺភ្លេចភ្លាំងនេះបណ្ដាលមកពីជំងឺ និងរបួសផ្សេងៗ ដែលអាចប៉ះពាល់ដល់ខួរក្បាល។ ជាមួយគ្នានេះ WHO ព្យាករថា ចំនួនមនុស្សកើតជំងឺនេះ នឹងឡើងដល់ ៨២ លាននាក់ នៅឆ្នាំ២០៣០ និង ១៥០លាននាក់ នៅឆ្នាំ ២០៥០។
អត្ថបទពាក់ព័ន្ធ៖
- មូលហេតុឧស្សាហ៍ភ្លេចភ្លាំង ទាំងខ្លួននៅក្មេង មិនទាន់ចាស់
- កំពូលបន្លែផ្លែឈើ ជួយឲ្យខួរក្បាលចងចាំល្អបំផុត
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម