home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

អាជ្ញាធរ​​​បារាំងឲ្យ​ប្រយ័ត្ន​​​ភ្លើង ​​LED ប្រយ័ត្ន​​ខូច​ភ្នែក

អាជ្ញាធរ​​​បារាំងឲ្យ​ប្រយ័ត្ន​​​ភ្លើង ​​LED ប្រយ័ត្ន​​ខូច​ភ្នែក

ពន្លឺ​ភ្លើង​ LED (Light-Emitting Diodes)​​​អាច​ហៅ​ម្យ៉ាង​ទៀត​ឲ្យ​ងាយ​យល់​ថា ពន្លឺ​អគ្គិសនី​ប្រើ​ឌីយ៉ូត​មួយ​ ឬពីរ​ដែល​ទោះ​ជា​ចរន្ត​ខ្សោយ​ក៏​អាច​បំភ្លឺ​បាន​ច្បាស់​ខ្លាំង​ យើង​អាច​ឃើញ​វា​នៅ​​ក្នុង​ជីវភាព​រស់​នៅ​រាល់​ថ្ងៃ​ ដូច​ជា អំពូល​ LED ស្មាត​ហ្វូន កុំ​ព្យូទ័រ​ Laptop ស្តុប​ចង្កៀង​ឡាន ម៉ូតូ​ ជា​ដើម​ ដែល​ជួយ​សម្រួល​ដល់​ការ​រស់​នៅ តែ​យ៉ាង​ណា​មិញ​ថ្មី​ៗ​នេះ​ អាជ្ញាធរ​សុខភាព​របស់​បារាំង​បាន​ចេញ​របាយ​ការណ៍​ព្រមាន​ថា ប្រភព​ពន្លឺ​ទាំង​នោះ​អាច​បង្ក​​ហានិភ័យ​ដល់​ភ្នែក​ទៅ​ថ្ងៃ​មុខ​​​ បើ​មិន​យក​ចិត្ត​ទុក​ដាក់​ទេ​នោះ។

អាជ្ញាធរ​សុខភាព​បារាំង​ហៅ​កាត់​ ANSES បាន​ចេញ​របាយការណ៍​ ​ក្រើន​រម្លឹក​ពី​បញ្ហា​ខាង​លើ បន្ទាប់​ក្រុម​ស្រាវជ្រាវ​​បាន​រក​ឃើញ​ថា ប្រភព​ពន្លឺ​ LED អាច​សម្លាប់​​កោសិកា​រេទីន​ (កោសិកា​ក្នុង​ភ្នែក​) បន្តិច​​ម្តង​ៗ​ ដែល​អាច​ឈាន​​ធ្វើ​ឲ្យ​ភ្នែក​ពិការ​​ទៀត​ផង​។ នេះ​ក៏​ដោយ​សារ​តែ​ពន្លឺ​ម្យ៉ាង​នៃ​ LED ដែល​អ្នក​វិទ្យាសាស្រ្ត​ហៅ​ថា “Blue Light” បំផ្លាញ​ស្រទាប់​រេទីន​របស់​​ភ្នែក​។

បន្ទាប់​ពី​ចេញ​របាយការណ៍​ខាង​លើ​រួច អាជ្ញាធរ​បារាំងក៏​បាន​ជំរុញ​ឲ្យ​មន្ត្រី​ពាក់​ព័ន្ធ​ព្យាយាម​​ចុះ​​សម្រួល​លើ​ផលិត​ផល​ LED ដោយ​កម្រិត​ពន្លឺ Blue Light ក្នុង​បរិមាណ​​ដែល​មិន​ឲ្យ​ប៉ះ​ពាល់​ដល់​ភ្នែក​ធ្ងន់​ធ្ងរ​។

របាយការណ៍​ប្រមាណ​ជាង ​៤០០ ​ទំព័រ​ខាង​លើ​ដដែល ក៏​បាន​​បញ្ជាក់​ដែរ​ថា ពន្លឺ​ភ្លើង ​​LED ដែល​ចេញ​ពី​អេក្រង់​ពន្លឺ​ទូរស័ព្ទ​ Smartphone កុំ​ព្យូរទ័រ Laptop ឬ​ Tablet មិន​បង្ក​ឲ្យ​​​មាន​បញ្ហា​​ខូច​ភ្នែក​ធ្ងន់​ធ្ងរ​នោះ​ទេ ប៉ុន្តែ​ស្តុប​ចង្កៀង​ឡាន​ អាច​បង្ក​បញ្ហា​ដូច​ខាង​លើ​នេះ​បាន​។ ដូច​នេះ​ មន្ត្រី​បារាំង​ក៏​កំពុង​ដុត​ដៃ​ដុត​ជើង​លើ​បញ្ហា​នោះ​ផង​ដែរ​។

អត្ថបទពាក់ព័ន្ធ៖

ទាក់​ទង​នឹង​បញ្ហា​ខាង​លើ​ លោក​វេជ្ជបណ្ឌិត Alejandro Sanchez de Miguel សាស្រ្តាចារ្យ​​ផ្នែក​ស្រាវជ្រាវ​នៃ​សាកលវិទ្យាល័យ Exeter ចក្រភព​អង់គ្លេស​ បាន​ណែ​នាំ​​វិធី​សាស្រ្ត​មួយ​ចំនួន​ដែល​អាច​ការពារ​ភ្នែក​ពី​ប្រភព​ពន្លឺ ​LED ដែល​មាន​ដូច​ជា​៖

  • នៅ​គ្រប់​ Smartphone និង​កុំព្យូរទ័រ​ មាន​កម្មវិធី​ដែល​អាច​ជួយ​បន្ថយ​កម្រិត​ពន្លឺ​អេក្រង់​បាន ដូច​នេះ​ យើង​អាច​បន្ថយ​វា​ក្នុង​កម្រិត​សម​ស្រប​មួយ​។
  • មិន​គួរ​សម្លឹង​មើល​អេក្រង់​ទូរស័ព្ទ​ ឬ​កុំ​ព្យូរទ័រ​នៅ​ទី​ងងឹត​ឡើយ ​ព្រោះ​វា​អាច​បង្ក​ឲ្យ​ប្រស្រី​ភ្នែក​អ្នក​ចាប់​យក​ពន្លឺ​ខ្លាំង ករណី​មិន​អាច​ចៀស​បាន​ គួរ​ប្រើ​ ‘Night Mode’

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕
​​​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ ជីព ចិត្ត
អត្ថបទ​ដោយ មាន រតនា
កែ 18/05/2019
x