នៅអាមេរិក តួលេខអ្នកស្លាប់ ដោយមហារីក បន្ដធ្លាក់ចុះ ប៉ុន្ដែតួលេខ អ្នកស្លាប់ដោយជំងឺបេះដូង កំពុងកើនឡើងខ្លាំង។
ហេតុផលនេះ ធ្វើឲ្យអ្នកស្លាប់ដោយមហារីកធ្លាក់ចុះ តែស្លាប់ដោយជំងឺបេះដូងកើនឡើង
អ្នកស្រាវជ្រាវនៅមជ្ឈមណ្ឌលជាតិគ្រប់គ្រង និងបង្ការជំងឺ (CDC) របស់អាមេរិក បញ្ជាក់ថា មនុស្សពេញវ័យស្លាប់ដោយជំងឺមហារីក ធ្លាក់ចុះ ១៩% ពីឆ្នាំ១៩៩៩-២០១៧។ ចំណែកមនុស្សពេញវ័យ ស្លាប់ដោយជំងឺបេះដូង ក៏ធ្លាក់ចុះ ២២% ដែរ ពីឆ្នាំ១៩៩៩-២០១១ ប៉ុន្ដែចាប់ពីឆ្នាំ២០១១-២០១៧ អ្នកស្លាប់ដោយជំងឺបេះដូង កើនឡើង ៤% វិញ។
លោកស្រី Mariell Jessup នាយកផ្នែកវេជ្ជសាស្ត្រនៃសមាគមបេះដូងអាមេរិក បញ្ជាក់ថា ជំងឺធាត់ កង្វះការរស់នៅប្រកបដោយសុខភាពល្អ និងការកើតជំងឺលើសឈាមភ្លាមៗ ជាមូលហេតុបង្កឲ្យអ្នកស្លាប់ដោយជំងឺបេះដូង កើនឡើងវិញ។
មជ្ឈមណ្ឌលដដែលបញ្ជាក់ថា មហារីក និងជំងឺបេះដូង ជាមូលហេតុនៃការស្លាប់របស់ពលរដ្ឋអាមេរិកវ័យកណ្ដាល ដោយស្មើប្រមាណពាក់កណ្ដាលនៃពលរដ្ឋអាមេរិកវ័យកណ្ដាលសរុប ដែលបានស្លាប់។
ទោះយ៉ាងណា ជំងឺសរសៃឈាមបេះដូង អាចបង្ការបាន ដោយអ្នកជំងឺចាំបាច់ហាត់ប្រាណឲ្យបានច្រើន កុំជក់បារី រក្សាសម្ពាធឈាមឲ្យស្ថិតក្រោមការគ្រប់គ្រង និងរក្សាទម្ងន់ឲ្យបានល្អ។ ចំណែកជំងឺមហារីកវិញ មានកត្ដាមួយចំនួន បង្កឲ្យកើតជំងឺនេះ ដូចជា កង្វះការហាត់ប្រាណ និងជំងឺធាត់។ លោកស្រី Mariell Jessup បញ្ជាក់ថា ការស្វែងយល់ពីកត្ដាបង្ក និងមធ្យោបាយបង្ការ អាចជួយឲ្យការពារមិនកើតមានជំងឺនេះបាន។
អត្ថបទពាក់ព័ន្ធ៖
- ស្ត្រេសការងារខ្លាំង ប្រយ័ត្នកើតជំងឺបេះដូង ពិបាកតែខ្លួនឯង
- ជំងឺសរសៃឈាមបេះដូងសម្លាប់ពលរដ្ឋខ្មែរច្រើនជាងមហារីកទៀត តើមកពីអ្វី?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម