ហ្វីលីពីន​​បារម្ភ​​ខ្លាំង ក្រោយ​ប្រជាជន​​​ធ្វើ​ការ​ក្រៅ​​​ប្រទេស​ខ្លួន ​​​​តេស្ត​ឃើញ​ផ្ទុក​មេរោគ​​អេដស៍​​កើន​​ឡើង​

    ហ្វីលីពីន​​បារម្ភ​​ខ្លាំង ក្រោយ​ប្រជាជន​​​ធ្វើ​ការ​ក្រៅ​​​ប្រទេស​ខ្លួន ​​​​តេស្ត​ឃើញ​ផ្ទុក​មេរោគ​​អេដស៍​​កើន​​ឡើង​

    មន្ត្រី​ជាន់​ខ្ពស់​ហ្វីលីពីន​ថ្មី​ៗ​នេះ​ បាន​បង្ហាញ​ថា អត្រា​បុគ្គលិក​​ជន​​​ជាតិ​ហ្វីលីពីន​ធ្វើ​​​​ការ​ក្រៅ​ប្រទេស ​ធ្វើ​តេស្ត​ឃើញ​ផ្ទុក​មេរោគ​អេដស៍​ មាន​ដល់​១០​%​​ហើយ នៃ​ចំនួន​សរុប​​អ្នក​ផ្ទុក​មេរោគ​នេះ​នៅ​​ទូ​ទាំង​​ប្រទេស​ហ្វីលីពីន។​​

    តាម​សារព័ត៌មាន​ Rappler ​សមាជិក​​តំណាង​រាស្រ្ត​ហ្វីលីពីន​ លោក Aniceto Bertiz III បាន​បញ្ជាក់​​កាល​ពី​ថ្ងៃ​សៅរ៍​ សប្ដាហ៍មុន ​ថា បុគ្គលិក​ធ្វើ​ការ​​ក្រៅ​ប្រទេស​ចំនួន ​៩១ ​នាក់ បាន​ធ្វើ​តេស្ត​ឃើញ​លទ្ធផល​វិជ្ជមាន​នៃ​មេរោគ​អេដស៍។ ចំនួន​នេះ​បាន​បន្ថែម​នូវ​ចំនួន​អ្នក​ធ្វើ​ការ​ក្រៅ​ប្រទេស​​មាន​ផ្ទុក​មេរោគ​អេដស៍​ប្រមាណ​​ ៦.៥២៤ ​​នាក់ គិត​ចាប់​តាំង​ពី​ឆ្នាំ​១៩៨៤​មក។

    ជា​មួយ​នឹង​បញ្ហា​នេះ មន្ត្រី​​ខាង​លើ​ក៏​បាន​លើក​មតិ​ឲ្យ​មាន​​ការ​អនុវត្ត​យ៉ាង​​​តឹង​រឹង​ចំពោះ​ការ​រាល​ដាល​នៃ​ជំងឺ​​អេដស៍ ស្រប​ទៅ​តាម​ច្បាប់​ស្តី​ពី​ការ​បង្ការ និង​គ្រប់​គ្រង​​ជំងឺ​អេដស៍​ ដែល​ទើប​​​ចូល​ជា​ធរមាន​នា​ដើម​ឆ្នាំ​​២០១៩​ នេះ​។ នៅ​ក្នុង​វិធានការ​នៃ​ច្បាប់​ខាង​លើ ដែល​​បាន​តម្រូវ​ឲ្យ​អ្នក​ធ្វើ​ការ​ជន​ជាតិ​ហ្វីលីពីន​ទាំង​អស់ មុន​នឹង​ចេញ​​ធ្វើ​ការ​ក្រៅ​ប្រទេស​​ មិន​ថា បុគ្គលិក ឬ​មន្ត្រី​រដ្ឋាភិបាល ត្រូវ​ឆ្លង​កាត់​​សិក្ខា​សាលា​អប់​រំ​ស្តី​ពី​ការ​បង្ការ និង​ផល​ប៉ះ​ពាល់​នៃ​ជំងឺ​អេដស៍​ជា​មុន​សិន​។

    ផ្អែក​តាម​ទិន្នន័យ​នៃ​វិទ្យាស្ថាន​ជាតិ​ជំងឺ​អេដស៍​ប្រទេស​ហ្វីលីពីន បាន​​បង្ហាញ​ថា ៨៦​% ​នៃ​​ជន​ជាតិ​ហ្វីលីពីន​ធ្វើ​ការ​ក្រៅ​ប្រទេស​ត្រឹម​រយៈ​ពេល​ ៥ ​ឆ្នាំ ក្នុង​នោះ​គឺ​បុរស​​មាន​អាយុ​​ខ្ទង់ ​៣២​ ឆ្នាំ​ ហើយ​ ៧២​%​ នៃ​​ពួក​គេ​ បាន​ឆ្លង​មេរោគ​​អេដស៍​តាម​ការ​រួម​ភេទ​។

    អត្ថបទពាក់ព័ន្ធ៖

    យោង​តាមរបាយការណ៍​​​អង្គការ​សហប្រជាជាតិ​លើ​កម្មវិធី​គ្រប់​គ្រង​ជំងឺ​អេដស៍​ (UNAIDS) ឆ្នាំ​២០១៧ ហ្វីលីពីន​គឺ​ជា​ប្រទេស​ដែល​មាន​អត្រា​រាល​ដាល​ជំងឺ​អេដស៍​​លឿន​​ជាង​គេនៅ​តំបន់​អាស៊ី​ ហើយ​​ករណី​ចម្លង​ជំងឺ​អេដស៍​​ដោយ​ការ​រួម​ភេទ​​នៅ​តែ​ខ្ពស់​ជាង​គេ​​ទូទាំង​ប្រទេស​នេះ។ ការ​ព្យាករ​​ត្រឹម​ចុង​ឆ្នាំ​២០១៩ នៅ​ហ្វីលីពីន​នឹង​មាន​អ្នក​ផ្ទុក​មេរោគ​អេដស៍ប្រមាណ​ ៩៣.៤០០​នាក់​

    ​​​​​​ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សា​យោបល់ផ្ទាល់​ជាមួយ​គ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

    ​​​​​​​​​​​​​​​​​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ មាន រតនា · កែ 27/05/2019

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម