ពេទ្យថៃ មានប្រព័ន្ធរហ័ស ជួយសង្គ្រោះអ្នកជំងឺដាច់សរសៃឈាមខួរក្បាល

    ពេទ្យថៃ មានប្រព័ន្ធរហ័ស ជួយសង្គ្រោះអ្នកជំងឺដាច់សរសៃឈាមខួរក្បាល

    ជំងឺដាច់សរសៃ​ឈាមខួរក្បាល បើកើត​ហើយ ត្រូវការ​ការព្យាបាល​ភ្លាមៗ ដោយសារការពន្យារ​យូរ អ្នកជំងឺ​អាច​ប្រឈម​ខ្ពស់​នឹង​ការស្លាប់ ឬពិការ​រាងកាយ។ ដូច្នេះ​ហើយ មន្ទីរពេទ្យ Khon Kaen នៅភាគ​ឦសាន​ប្រទេស​ថៃ បាន​ដាក់ឲ្យ​ដំណើរការ “ប្រព័ន្ធ​រហ័ស​ជួយ​សង្គ្រោះ​ជីវិត​អ្នកជំងឺ​ដាច់សរសៃ​ឈាម​ខួរក្បាល”។

    ក្រោយ​ដាក់​ឲ្យ​ដំណើរការ ១​ឆ្នាំ ប្រព័ន្ធ​រហ័ស​នេះ បាន​ជួយ​សង្គ្រោះ​ជីវិត​អ្នកជំងឺ​ចំនួន ២៨​នាក់ ខណៈ ១​ឆ្នាំ ជំងឺ​ដាច់សរសៃឈាម​ខួរក្បាល បាន​ឆក់យក​ជីវិត​មនុស្ស ៥​ម៉ឺន​នាក់។ ប្រព័ន្ធ​រហ័ស​នេះ ត្រូវបាន​បំពាក់​នៅ​ក្នុង​ឡាន​សង្គ្រោះ​បន្ទាន់ ដោយ​មាន​វីដេអូ ជួយ​ឲ្យ​ពេទ្យ​នៅ​ឯ​មន្ទីរពេទ្យ អាចទាក់ទង និង​ពិនិត្យ​ស្ថានភាព​អ្នក​ជំងឺ តាំង​ពីនៅ​ក្នុង​ឡាន​ឯណោះ។

    ដូច្នេះ ពេទ្យ​អាច​រៀបចំ​ឧបករណ៍​សម្រាប់​ព្យាបាល​ទុកមុន ទម្រាំ​អ្នកជំងឺ​មកដល់​មន្ទីរពេទ្យ ដែល​នេះ ជួយ​កាត់បន្ថយ​ពេលវេលាយ​បាន​យ៉ាងច្រើន។ ជាក់ស្ដែង អ្នកជំងឺដាច់សរសៃឈាមខួរក្បាល ចាំបាច់​ត្រូវ​ពិនិត្យ​ខួរក្បាល ដោយ CT Scans ដែលពីមុន​ត្រូវការ​ពេល​រងចាំ ៣៩​នាទី ប៉ុន្ដែ​បច្ចុប្បន្ន ត្រូវការ​ពេលតែ ១៥​នាទី។ ចំណែក​ថ្នាំ ក៏ចេញ​លឿនជាងមុន ២០​នាទី​ផងដែរ។

    អត្ថបទពាក់ព័ន្ធ៖

    វេជ្ជបណ្ឌិត Weerasak Phongphuttha ប្រធាន​ផ្នែក​សង្គ្រោះបន្ទាន់ នៅ​មន្ទីរពេទ្យ Khon Kaen បញ្ជាក់​ថា ប្រព័ន្ធ​រហ័ស​នេះ បង្កើតឡើង ដើម្បី​កាត់បន្ថយ​ពេល​ចុះឈ្មោះ និង​បំពេញព័ត៌មាន​សុខភាព​របស់​របស់​អ្នកជំងឺ នៅ​តាម​ច្រកចូល​មន្ទីរពេទ្យ។ ទោះយ៉ាងណា មនុស្ស​មួយ​ចំនួន ដោយសារ​តែបារម្ភ​ពី​ពេល​រងចាំ​យូរ នៅតែ​ស្វែងរក​មធ្យោបាយ​ផ្សេងៗ​ទៀត ដើម្បី​បញ្ជូន​អ្នក​ជំងឺ ទៅ​កាន់​បន្ទប់​សង្រ្គោះ​បន្ទាន់។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 06/08/2019
    ត្រួតពិនិត្យដោយ វេជ្ជ. ចាន់ ស៊ីណេត