ដាក់ឲ្យប្រើហើយ ថ្នាំព្យាបាលមហារីកខួរឆ្អឹងខ្នង ១មុខថ្មី

    ដាក់ឲ្យប្រើហើយ ថ្នាំព្យាបាលមហារីកខួរឆ្អឹងខ្នង ១មុខថ្មី

    យើងដឹងហើយ មហារីក ជា​ជំងឺ​សាហាវ ហើយ​ការព្យាបាល ក៏មិន​ប្រាកដ​ថា នឹង​ជាសះស្បើយ​នោះ​ដែរ ព្រោះ​មេរោគ​មហារីកនេះ តែងតែ​វិវត្ត​ខ្លួន ដែល​ធ្វើ​ឲ្យ​ស៊ាំ​នឹង​ថ្នាំ ឬ​មធ្យោបាយ​ព្យាបាល​ផ្សេងៗ​ទៀត។ សប្ដាហ៍មុន អាមេរិក​បាន​ឯកភាព​ឲ្យ​ប្រើប្រាស់​ថ្នាំ​មហារីក ១​មុខ​ថ្មី​ទៀត​ហើយ សម្រាប់​ព្យាបាល​មហារីក​ខួរឆ្អឹងខ្នង។

    ថ្នាំ ១​មុខ​ថ្មីនេះ មាន​ឈ្មោះថា Inrebic ជា​របស់​ក្រុមហ៊ុន Celgene Corp ផលិតឡើង​សម្រាប់​ព្យាបាល​ជំងឺមហារីក​ខួរឆ្អឹង​ខ្នង ប្រភេទ​កម្រ Myelofibrosis។ ថ្នាំ Inrebic ស្ថិតនៅ​ក្នុង​ប្រភេទ​ក្រុមថ្នាំ JAK inhibitors ដែល​មាន​មុខងារ​រារាំង​អង់ហ្ស៊ីម​បង្ក​ការ​រលាក Janus kinases។ ការអនុញ្ញាត​ឲ្យ​ប្រើថ្នាំនេះ គឺក្រោយ​ការសាកល្បង​លើ​អ្នកជំងឺ​មហារីក​ឆ្អឹងខ្នង ចំនួន ២៨៩​នាក់។

    ប៉ុន្ដែ​ជាមួយ​នឹង​ការអនុញ្ញាត​នេះ ក៏រួមមាន​ដែរ​នូវ​ការ​ព្រមាន​ពី​អ្នកគ្រប់គ្រង​ឱសថ អំពី​កង្វល់​នានា ដូចជា ការ​ប៉ះពាល់​ខួរក្បាល​ជាដើម។

    អត្ថបទពាក់ព័ន្ធ៖ មកដឹងពីរោគសញ្ញាមហារីកពោះវៀនធំ និងវិធីបង្ការមានប្រសិទ្ធភាពបំផុត

    គួរបញ្ជាក់​ថា នៅ​ឆ្នាំ​២០១១ អាមេរិក បាន​ឯកភាព​ឲ្យ​ប្រើប្រាស់​ថ្នាំ​ព្យាបាល​មហារីក​ឆ្អឹងខ្នង ១​មុខ​មុនគេ គឺ Jakafi ជា​របស់​ក្រុមហ៊ុន Incyte Corp។ ថ្នាំ Jakafi នេះ បាន​រកចំណូល ១,៤​ប៊ីលាន​ដុល្លារ ឲ្យ​ក្រុមហ៊ុន នៅ​ឆ្នាំ២០១៨។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 19/08/2019
    ត្រួតពិនិត្យដោយ វេជ្ជ. ចាន់ ស៊ីណេត