ក្រសួងឲ្យពលរដ្ឋខ្មែរ ប្រយ័ត្នចំពោះជំងឺរលាកសួតមិនស្គាល់អត្តសញ្ញាណ

ដោយ ដេត ធន្នី កែសម្រួលចុងក្រោយ 19/04/2021

ត្រួតពិនិត្យដោយ វេជ្ជ. ចាន់ ស៊ីណេត

ក្រសួងឲ្យពលរដ្ឋខ្មែរ ប្រយ័ត្នចំពោះជំងឺរលាកសួតមិនស្គាល់អត្តសញ្ញាណ

ក្រសួងសុខាភិបាលបានប្រកាសឲ្យពលរដ្ឋខ្មែរ ពិសេសអ្នកដំណើរដែលមានគម្រោងធ្វើដំណើរទៅ ឬត្រលប់មកពីទីក្រុង វូហាន ខេត្តហ៊ុយបេ ប្រទេសចិន ត្រូវប្រយ័ត្នចំពោះករណីជំងឺរលាកសួតមិនស្គាល់អត្តសញ្ញាណ។

ការប្រកាសនេះធ្វើឡើងបន្ទាប់ពីក្រសួងសុខាភិបាលទទួលបានព័ត៌មានពីអង្គការសុខភាពពិភពលោក ប្រចាំនៅកម្ពុជា អំពីករណីរកឃើញជំងឺរលាកសួតមិនស្គាល់អត្តសញ្ញាណ នៅទីក្រុង វូហាន ខេត្ត ហ៊ុយបេ សាធារណៈរដ្ឋប្រជាមានិតចិន កាលពីថ្ងៃទី៣១ ខែធ្នូ ឆ្នាំ២០១៩ កន្លងទៅ។ ក្នុងនោះមានអ្នកជំងឺ ២-៣ នាក់ មានរោគសញ្ញាហត់ ហើយថតកាំរស្មីអ៊ិចបង្ហាញថា មានដំបៅសួតទាំងសងខាង។

ជំងឺរលាកសួតមិនស្គាល់អត្តសញ្ញាណដែលកំពុងតែកើតឡើងនេះ មិនមែនជាជំងឺ SARS ជំងឺផ្តាសាយបក្សី ជំងឺផ្តាសាយបង្កដោយវីរុសអាដេណ្ឌ ជំងឺ MERS ឬជំងឺផ្លូវដង្ហើមដទៃទៀតឡើយ ហើយមន្ទីរពិសោធន៍ប្រទេសចិនកំពុងបន្តធ្វើការងារនេះដើម្បីស្វែងរកអត្តសញ្ញាណនៃជំងឺសួតចម្លែកនេះ។

ក្រសួងសុខាភិបាលក៏បានបញ្ជាក់ថា មិនទាន់មានករណីជំងឺរលាកសួតមិនស្គាល់អត្តសញ្ញាណនៅប្រទេសកម្ពុជាឡើយ ហើយក្រសួងកំពុងតែយកចិត្តទុកដាក់ចំពោះបញ្ហានេះ។

ខាងក្រោមនេះជាសេចក្តីជូនព័ត៌មានរបស់ក្រសួងសុខាភិបាល អំពីវិធានការការពារជំងឺរលាកសួតមិនស្គាល់អត្តសញ្ញាណ៖