សុខភាពទូទៅ Archives - Page 10 of 83

គ្រូពេទ្យព្រមាន៖ ចូលចិត្តម៉ាស្សា ក អាចនាំឲ្យពិការ ឬបាត់បង់ជីវិត

អ្នកដែលនិយមម៉ាស្សា ក ដើម្បីកាត់បន្ថយការឈឺសាច់ដុំ ឬឈឺខ្នង អាចមានហានិភ័យធ្ងន់ធ្ងរ ដល់ពិការអវៈយៈ នេះបើយោងតាមសាស្រ្តាចារ្យវេជ្ជបណ្ឌិត Thiravat Hemachudha ទីប្រឹក្សា មហាវិទ្យាល័យវេជ្ជសាស្ត្របូព៌ានៃសាកលវិទ្យាល័យ Rangsit។ ការព្រមាននេះដែរ ជាការឆ្លើយតបទៅនឹងមរណភាពរបស់តារាចម្រៀងថៃម្នាក់ ឈ្មោះ Chayada Praohom ដែលរងគ្រោះថ្នាក់ពិការអវៈយវៈ និងត្រូវគេងលើគ្រែរហូត ក្រោយពីទទួលការម៉ាស្សា ក ចំនួនពីរបីដងរួចមក។ [embed-health-tool-heart-rate] Chayada បានត្អួញត្អែរពីការឈឺស្មា និងក ទើបទៅទទួលការម៉ាស្សានេះ។ មួយសប្តាហ៍បន្ទាប់ពីម៉ាស្សារួច ក៏មានអារម្មណ៍ស្ពឹកនៅត្រង់ជើង រួចក៏ទៅទទួលការម៉ាស្សាម្តងទៀត។ រំលងបានពីរសប្តាហ៍ ការឈឺចាប់ក៏កាន់តែខ្លាំងឡើងធ្វើឲ្យគាត់ពិបាកគេង ហើយក៏ទៅម៉ាស្សាសាជាថ្មី ប៉ុន្តែការឈឺចាប់នេះ ធ្វើឲ្យគាត់រឹតតែពិបាកទ្រាំមានអារម្មណ៍ស្ពឹក ដែលរាលដាលដល់ពោះ ដើមទ្រូង និងជើង។ ជាមួយគ្នានេះដែរ Chayada កាន់តែខ្សោយទៅៗ ហើយមិនអាចលើកដៃ ឬជើងបាន និងលែងអាចកម្រើកបានទៀត។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! គួរបញ្ជាក់ផងដែរថា មានអ្នកជំងឺចំនួន៥៥នាក់ មានអាយុចន្លោះពី២១ ដល់៦០ឆ្នាំ ដែលក្លាយទៅជាមនុស្សពិការ ក្រោយទទួលការព្យាបាល ក នេះបើតាមរបាយការណ៍ដោយអ្នកជំនាញខាងសរសៃប្រសាទជនជាតិអាមេរិក។ អ្នកជំនាញខាងសរសៃប្រសាទរូបនេះបានឲ្យដឹងថា ការម៉ាស្សា […]

ចំណេះដឹងទូទៅ

ចូលចិត្តប្រើម៉ាស៊ីនត្រជាក់ គួរដឹងបញ្ហាសុខភាពប៉ុន្មាននេះ

ពេលដែលមានអាកាសធាតុក្ដៅ ឬហប់ខ្យល់ បើបានត្រូវខ្យល់ម៉ាស៊ីនត្រជាក់ ត្រជាក់ៗដូចមានក្ដីសុខណាស់គ្នាយើងម្នាក់ៗ។ ដោយសារតែប្រទេសយើងក្ដៅផង គ្នាយើងមួយចំនួនមានម៉ាស៊ីនត្រជាក់យ៉ាងតិចមួយដាក់នៅក្នុងផ្ទះ ឬបន្ទប់គេង ប៉ុន្តែមានដឹងអត់ថា ត្បិតវាផ្ដល់ភាពត្រជាក់ស្រួលដល់យើង តែវាក៏អាចប៉ះពាល់ដល់សុខភាពទូទៅយើងដែរ។ ១.ស្ងួតភ្នែក ម៉ាស៊ីនត្រជាក់អាចបណ្ដាលឲ្យភ្នែកស្ងួត ផ្ដល់ផលរំខាន អាចបណ្ដាលឲ្យស្រវាំងភ្នែក រមាស់ និងមានអារម្មណ៍ថាក្រហាយៗភ្នែក នៅពេលដែលយើងនៅក្នុងបន្ទប់មានម៉ាស៊ីនត្រជាក់យូរពេក។ ដូចនេះ បើគ្នាយើងមានបញ្ហាស្ងួតភ្នែកស្រាប់ គួរតែចៀសវាងកុំនៅក្រោមម៉ាស៊ីនត្រជាក់យូរ។ ២.ខ្សោះជាតិទឹក ស្របពេលដែលម៉ាស៊ីនធ្វើឲ្យក្នុងបន្ទប់ត្រជាក់ ជារឿយៗវាបឺតយកជាតិសើមជាងអ្វីដែលវាត្រូវការ។ បើយើងដាក់វានៅសីតុណ្ហភាពទាប ឱកាសដែលនៅក្នុងបន្ទប់មានភាពស្ងួតខ្ពស់។ ក្រៅពីធ្វើបន្ទប់ស្ងួត វាក៏ធ្វើឲ្យយើងខ្សោះខ្លួនដែរ។ ៣. ឈឺក្បាល កម្ដៅនៅបរិយាកាសខាងក្រៅ និងខាងក្នុងបន្ទប់ដែលប្រើម៉ាស៊ីនត្រជាក់មានភាពខុសគ្នាស្រឡះ ហើយនៅពេលដែលយើងចូលកន្លែងត្រជាក់ភ្លាមៗ វាអាចធ្វើឲ្យយើងឈឺក្បាល។ ការឈឺក្បាលនេះក៏អាចកើតឡើងនៅពេលដែលយើងខ្វះជាតិទឹកដែរ។ សម្រាប់គ្នាយើងដែលមានបញ្ហាឈឺក្បាលប្រកាំង បើត្រូវម៉ាស៊ីនត្រជាក់ពេក អាចធ្វើឲ្យអាការៈប្រកាំងធ្វើទុក្ខ។ ៤. បញ្ហាផ្លូវដង្ហើម ការត្រូវម៉ាស៊ីនត្រជាក់ច្រើនពេកអាចប៉ះពាល់ទៅដល់មុខងារធម្មតារបស់ច្រមុះ និងបំពង់ក។ វាអាចបណ្ដាលឲ្យស្ទះផ្លូវដង្ហើម និងរលាក វាក៏អាចប៉ះពាល់ដល់សួតទៀតផង។ ៥.ល្ហិតល្ហៃ គ្នាយើងដែលនៅក្រោមម៉ាស៊ីនត្រជាក់យូរ អាចក្លាយជាខ្ជិល ឬអស់កម្លាំង។ សាកស្រមៃមើលថាវាប៉ះពាល់ដល់ផលិតភាពប៉ុនណា។ ៦.ជំងឺហឺត និងអាល្លែកហ្ស៊ី ម៉ាស៊ីនត្រជាក់អាចធ្វើឲ្យគ្នាយើងមានជំងឺហឺតធ្វើទុក្ខ ប្រសិនបើសម្អាតមិនបានល្អ។ ម៉្យាងទៀត វាក៏អាចប៉ះពាល់គ្នាយើងដែលមានអាល្លែកហ្សីច្រមុះដូចគ្នា។ ៧.បញ្ហាសុខភាពផ្សេងៗ ប្រសិនបើម៉ាស៊ីនត្រជាក់ខូច ឬមានធ្លាយសារធាតុរាវចេញមក វាអាចធ្វើឲ្យមានសារធាតុគីមីផ្សេងៗប៉ះពាល់ដល់សុខភាពយើង ផ្ទាល់តែម្ដង។ នេះជាហេតុមួយបង្កគ្រោះថ្នាក់ដល់សុខភាពយើងខ្លាំង។