បញ្ហាអសមត្ថភាពផ្លូវភេទបុរសត្រូវបានរាប់បញ្ចូលដូចជា បញ្ហាលិង្គពិបាកឡើងរឹង រួមភេទពិបាកដល់គោលដៅ បាត់បង់ចំណង់ផ្លូវភេទ និង រួមភេទឆាប់ចេញទឹកកាមជាដើម ហើយបញ្ហាទាំងនេះ ភាគច្រើនអាចប្រឈមកើតនៅពេលឈានចូលដល់វ័យចាប់ពី៦៥ឆ្នាំឡើងទៅ។ ប៉ុន្ដែមានករណីមួយចំនួន ដែលបុរសៗក៏អាចប្រឈមបញ្ហានេះ ចាប់ពីវ័យ៣៥ ឆ្នាំឡើងទៅដែរ ព្រោះតែមូលហេតុ ៥យ៉ាងដូចជា៖
មូលហេតុសំខាន់៥យ៉ាងជំរុញឲ្យបុរសៗប្រឈមអសមត្ថភាពផ្លូវភេទ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.ថយចុះអ័រម៉ូនតេស្ដូស្ដេរ៉ូន
តេស្ដូស្ដេរ៉ូនជាអ័រម៉ូនភេទរបស់បុរស ដែលមានឥទ្ធពលខ្លាំងលើបម្រែបម្រួលម៉ាសនៃរាងកាយ និងសុខភាពផ្លូវភេទ។ រាងកាយបុរសអាចខ្សោយការផលិតអ័រម៉ូននេះបន្ដិចម្ដងៗ ទៅតាមវ័យ នៅពេលអ័រម៉ូនកាន់តែទាប នោះសុខភាពរាងកាយ និង សុខភាពផ្លូវភេទមានការចុះខ្សោយ អាចបាត់បង់ចំណង់ផ្លូវភេទ លិង្គមិនឡើងរឹង ស្រកគីឡូ និង ស្លេកស្លាំងជាដើម។
២.ជំងឺទឹកនោមផ្អែម
បុរសៗដែលមានជំងឺទឹកនោមផ្អែមទាំងពីរប្រភេទ បើមិនបានគ្រប់គ្រងកម្រិតជាតិស្ករក្នុងឈាមបានល្អ ក៏បណ្ដាលឲ្យប៉ះពាល់សុខភាពផ្លូវភេទ។ ការណ៍មិនអាចគ្រប់គ្រងជាតិស្ករបាន រយៈពេលយូនោះនឹងធ្វើឲ្យប៉ះពាល់ដល់ប្រព័ន្ធប្រសាទ សរសៃឈាមបេះដូង និង វិវត្ដប៉ះពាល់សុខភាពផ្លូវភេទតែម្ដង។
៣.មានជំងឺបេះដូង
បុរសៗដែលរស់នៅជាមួយនឹងជំងឺបេះដូង ដូចជា ជំងឺខ្សោយបេះដូង គាំងបេះដូង មិនបានព្យាបាលបានល្អ ក៏អាចបង្កប៉ះពាល់សុខភាពផ្លូវភេទបានដែរ។ បេះដូងគឺជាសរីរាង្គសំខាន់ក្នុងដំណើរគ្រប់គ្រងចរន្ដសរសៃឈាមទាំងអស់ក្នុងរាងកាយ បូករួមទាំងចរន្ដឈាមក្នុងប្រព័ន្ធបន្ដពូជ ដូច្នេះប្រសិនអ្នកមានជំងឺបេះដូង ហើយមិនបានគ្រងបានល្អទេនោះ ក៏អាចបង្កឲ្យប៉ះពាល់ដល់សុខភាពផ្លូវភេទដូចគ្នា។
៤.មានជំងឺលើសម្ពាធឈាមរ៉ាំរៃ
អ្នកជំងឺលើសសម្ពាធឈាម ក៏ស្រដៀងគ្នានឹងអ្នកជំងឺបេះដូងដែរ សុទ្ធសឹងប្រឈមនឹងបញ្ហាសុខភាពផ្លូវភេទ។ ចរន្ដឈាមមានមុខងារដឹកនាំអុកស៊ីសែន និងសារធាតុចិញ្ចឹមទៅកាន់សរីរាង្គ និង កោសិកាទាំងអស់ក្នុងរាងកាយ ហើយប្រសិនបើការលើសសម្ពាធឈាម មិនអាចគ្រប់គ្រងបានល្អទេ នោះនឹងប៉ះពាល់ដល់សុខភាពផ្លូវភេទ។ ការសិក្សាបានបង្ហាញថា អ្នកមាន ជំងឺលើសសម្ពាធឈាមរ៉ាំរ៉ៃ អាចប្រឈមបញ្ហាអសមត្ថភាពផ្លូវភេទ ៥០% បើធៀបអ្នកអត់មានបញ្ហាលើសសម្ពាធឈាម។
៥.សកម្មភាពរស់នៅប្រចាំថ្ងៃ
សកម្មភាពរស់នៅប្រចាំថ្ងៃក៏ជះឥទ្ធិពលអាក្រក់ដល់សុខភាពផ្លូវភេទបុរសផងដែរ ដូចជា ការប្រើប្រាស់សារធាតុញៀនខុសច្បាប់ ការប្រើប្រាស់គ្រឿងស្រវឹងលើសកម្រិត ការកើតស្រ្ដេសរ៉ាំរៃ បញ្ហាមិត្ដភាពដៃគូ និង ជក់បារីជាដើម។
អត្ថបទគួរអាន៖
- ចំណង់ផ្លូវភេទស្រីៗឡើងខ្ពស់ អាចមកពីមូលហេតុទាំងនេះ
- តើការរួមភេទអាចដុតកាឡូរីបានច្រើនដូចការហាត់ប្រាណដែរ ឬអត់?
- “រួមភេទតាមមាត់” មានគុណវិបត្តិ ក៏មានគុណសម្បត្តិដែរ
- អាថ៌កំបាំងទាំង ៦ ជួយជីវិតផ្លូវភេទកាន់តែប្រសើរ
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- កត្តាទាំង៣ បញ្ជាក់ថាគេងគ្រប់គ្រាន់ជួយជំរុញបង្កើនផ្លូវភេទ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម