ជំងឺសរសៃឈាមបេះដូងស្រួចស្រាល់ ជាជំងឺមួយដែលអាចកើតឡើងភ្លាមៗ ដែលបណ្ដាលមកពីលំហូរឈាមទៅចិញ្ចឹមបេះដូងមិនគ្រប់គ្រាន់។ ជាទូទៅ ជំងឺនេះបង្កជាអាការៈចុកទ្រូងធ្ងន់ធ្ងរ ឬមិនស្រួលនៅក្នុងទ្រូង ដែលតម្រូវឲ្យយើងចាំបាច់ត្រូវទទួលការព្យាបាលភ្លាមៗ។
រោគសញ្ញា និងវិធីបង្ការជំងឺសរសៃឈាមបេះដូងស្រួចស្រាល់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
រោគសញ្ញា
សញ្ញា និងរោគសញ្ញានៃជំងឺសរសៃឈាមបេះដូងស្រួចស្រាល់ ជាធម្មតាកើតឡើងភ្លាមៗ ដែលរួមមាន៖
- ចុកទ្រូង ឬមិនស្រួលក្នុងទ្រូង
- ការឈឺចាប់រាលដាលពីទ្រូងទៅស្មា ដៃ ពោះផ្នែកខាងលើ ខ្នង ក ឬថ្គាម
- ចង្អោរ ឬក្អួត
- ពិបាករំលាយអាហារ
- ហត់
- បែកញើសខ្លាំង
- ធេងធោង វិលមុខ ឬដួលសន្លប់
- អស់កម្លាំងខុសប្រក្រតី
- ថប់បារម្ភ
ការឈឺចាប់ ឬមិនស្រួលក្នុងទ្រូង ជាសញ្ញាទូទៅបំផុត។ ប៉ុន្តែ រោគសញ្ញាអាចមានការប្រែប្រួល អាស្រ័យលើកត្តាអាយុ ភេទ និងលក្ខខណ្ឌសុខភាពផ្សេងទៀត។ ចំពោះស្ត្រី មនុស្សពេញវ័យ ឬអ្នកមានជំងឺទឹកនោមផ្អែម កម្រនឹងមានរោគសញ្ញាឈឺចាប់ ឬមិនស្រួលក្នុងទ្រូងណាស់។
មូលហេតុបង្ក
ជំងឺសរសៃឈាមបេះដូងស្រួចស្រាល់ តែងកើតឡើងពីការប្រមូលផ្ដុំកំណកខ្លាញ់នៅក្នុង និងនៅលើជញ្ជាំងនៃសរសៃឈាមបេះដូង ដែលមានតួនាទីផ្ដល់អុកស៊ីសែន និងសារធាតុចិញ្ចឹមទៅកាន់សាច់ដុំបេះដូង។ នៅពេលដែលការផ្គត់ផ្គង់អុកស៊ីសែនដល់កោសិកាមានកម្រិតទាបពេក កោសិកាសាច់ដុំបេះដូងអាចស្លាប់ និងបណ្ដាលឲ្យខូចខាតដល់ជាលិកាសាច់ដុំ ជាហេតុនាំឲ្យយើងកើតមានអាការៈគាំងបេះដូង។
កត្តាហានិភ័យ
កត្តាហានិភ័យនៃជំងឺសរសៃឈាមបេះដូងស្រួចស្រាល់ មានលក្ខណៈដូចគ្នាទៅនឹងជំងឺបេះដូងប្រភេទផ្សេងទៀតដែរ ដែលរួមមាន៖
- វ័យចំណាស់
- សម្ពាធឈាម ឬកូលេស្តេរ៉ូលខ្ពស់
- ជក់បារី
- មិនហាត់ប្រាណ
- របបអាហារមិនល្អ
- ធាត់ជ្រុល ឬលើសទម្ងន់
- ជំងឺទឹកនោមផ្អែម
- មានប្រវត្តិគ្រួសារធ្លាប់កើតជំងឺបេះដូង ឬគ្រោះថ្នាក់សរសៃឈាមខួរក្បាល
- កើតទឹកនោមផ្អែមពេលពពោះ មានសម្ពាធឈាមខ្ពស់ ឬជំងឺបម្រុងក្រឡាភ្លើង
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
គន្លឹះបង្ការ
- ញ៉ាំរបបអាហារជំនួយដល់សុខភាពបេះដូង ដូចជាញ៉ាំបន្លែ ផ្លែឈើ គ្រាប់ធញ្ញជាតិ និងសាច់គ្មានខ្លាញ់។ កាត់បន្ថយការញ៉ាំអាហារដែលមានជាតិកូលេស្តេរ៉ូលខ្ពស់ និងខ្លាញ់ឆ្អែត ដោយសារតែសារធាតុទាំងនេះ អាចធ្វើឲ្យស្ទះសរសៃឈាម
- ធ្វើលំហាត់ប្រាណឲ្យបានយ៉ាងតិច ៣០នាទីក្នុងមួយថ្ងៃ
- គ្រប់គ្រងទម្ងន់ខ្លួន
- ឈប់ជក់បារី
- គ្រប់គ្រងបញ្ហាសុខភាពផ្សេងទៀត ដូចជាជំងឺទឹកនោមផ្អែម សម្ពាធឈាមខ្ពស់ និងលើសជាតិខ្លាញ់ខ្ពស់ក្នុងសរសៃឈាម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម