តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

មាន​គំនិតវិជ្ជមាន រស់​បាន​កាន់​តែ​យូរ ចុះ​​ធ្វើ​ម៉េច​ទើប​មាន​គំនិតវិជ្ជមាន?

    មាន​គំនិតវិជ្ជមាន រស់​បាន​កាន់​តែ​យូរ ចុះ​​ធ្វើ​ម៉េច​ទើប​មាន​គំនិតវិជ្ជមាន?

    ការ​គិត​វិជ្ជមាន ឬ​គិត​អី​ក្នុង​ផ្លូវ​ល្អ ជា​ការ​ទទួល​ស្គាល់ ទទួល​យក​ការ​គិត និង​បើក​ចិត្ត​ទទួល​លទ្ធផល​វិជ្ជមាន និង​អវិជ្ជមាន​គ្រប់​រឿង។ បើ​យើង​មាន​គំនិត​វិជ្ជមាន បញ្ហា​អ្វី​ក៏អាច​ដោះស្រាយ​បាន​ដែរ។

    ១- ឥទ្ធិពលគំនិតវិជ្ជមាន

    អ្នក​មាន​គំនិត​វិជ្ជមាន អាច​រស់​បាន​យូរ​ជាង​មុន ជា​មធ្យម ៧,៥ឆ្នាំ។ គេ​ជា​មនុស្ស​ពូកែ​មាន​ប្រាជ្ញា​វាងវៃ ហើយ​អាច​ដោះស្រាយ​បញ្ហា​ជុំវិញ​ខ្លួន ច្រើន​ជាង​អ្នក​ដែល​ចាំតែ​លើក​ពី​បញ្ហា ហើយ​ដេក​គិត​ថា​ដោះស្រាយ​មិន​ចេញ។

    សកម្មភាព​ក្នុង​តំបន់​ខួរ​ក្បាល​ជាប់​ពាក់ព័ន្ធ​នឹង​អារម្មណ៍​អវិជ្ជមាន ដូចជា ភ័យ​ខ្លាច សោកសៅ នឹង​ធ្វើ​ឲ្យ​ចុះ​អន់​ថយ​ប្រព័ន្ធ​ភាព​សុំា។ ចំពោះ​អ្នក​គិត​វិជ្ជមាន នឹង​មានប្រព័ន្ធ​ភាព​សុំា​រឹងមាំ​ជាង។ ចំពោះ​អ្នក​មាន​ភាព​រីករាយ សូម្បី​តែ​ផ្តាសាយ និង​បញ្ហា​ខួរក្បាល​ក៏​មិន​មាន​ដែរ។

    និយាយ​ឲ្យ​ចំ អ្នក​គិត​វិជ្ជមាន​ច្រើន​មាន​សុខភាព​ល្អ ចេះ​ថ្លឹង​ថ្លែង និង​បែង​ចែក​ពេល​វេលា និង​របស់​ញ៉ាំ​​ដែល​ល្អ​សម្រាប់​រាង​កាយ។ សុខភាព​ផ្លូវ​ចិត្ត​ក៏​ល្អ និង​កាត់​បន្ថយ​ជំងឺ​ធ្លាក់​ទឹក​ចិត្ត​បាន​ទៀត។

    ២- ធ្វើ​ម៉េច​ឲ្យ​ការ​គិត​កាន់​តែ​ប្រសើរ?

    ត្រូវ​មើល​ទម្លាប់​រស់នៅ និង​របប​អាហារ​ប្រចាំ​ថ្ងៃ ឬ​មនុស្ស​ដែល​ជួប​ទាក់ទង​រាល់​ថ្ងៃ។ ព្យាយាម​មើល​ចំណី​ញ៉ាំ​​ប្រចាំ​ថ្ងៃ ថា​មាន​អី​ខ្លះ​ល្អ អ្វី​ខ្លះ​មិន​ល្អ? មាន​ហាត់​ប្រាណ​ខ្លះទេ? គេង​ម៉ោង​ប៉ុន្មាន​ទើប​ក្រោក? មាន​ស្វែង​យល់អី្វ​ថ្មី​អត់? មិន​ថា​តាម​ដាន​ព័ត៌មាន ឬ​អានសៀវភៅ​ទេ។ អភិវឌ្ឍ​ខ្លួនឯង ប្រមូល​ការ​គិត ថ្លឹងថ្លែង​ពី​បញ្ហា និង​ស្វែង​រកដំណោះ​ស្រាយ។

    ក្រុម​មនុស្ស​ដែល​ប្រាស្រ័យ​ទាក់ទង​រាល់​ថ្ងៃ សំខាន់​ណាស់ ហើយ​គេ​តែង​និយាយ​ថា សេព​គប់​បែប​ណា យើង​នឹង​ទៅ​ជា​បែប​នោះ​ដែរ។ បើ​អ្នក​ជុំវិញ​ខ្លួន​សុទ្ធ​តែ​វិជ្ជមាន គួរ​ស្វែង​យល់​បន្ថែម​ពី​ពួកគេ តែ​បើ​អ្នក​ជុំវិញ​ខ្លួន ជា​មនុស្ស​សុញ ស្មុគ គិត​រឿង​ធំ​មិន​កើត ឬ​ដឹង​តែ​រាប់​បាន​ត្រឹម​បញ្ហា គួរ​កាត់​បន្ថយ​ការ​សេព​គប់ ឬ​កុំ​ប្រើ​ពេល​ច្រើនជាមួយ​មនុស្ស​បែប​នេះ។ មិន​មែន​មាន​ន័យ​ថា មិន​ឲ្យ​រាប់​អាន​មិត្ត​ដែល​ធ្លាប់​រាប់អាន​កន្លង​មក​ទេ។

    “គំនិត​វិជ្ជមាន ជា​ជំនាញ​មួយ​ដែល​គួរ​រៀន និង​អនុវត្ត​តាម ហើយ​វា​មិន​ដែល​យឺត​ពេល​ក្នុង​ការ​ផ្លាស់​ប្តូរ និង​ជ្រើសរើស​យក​ភាព​វិជ្ជមាន​ទេ។ ការ​ផ្លាស់​ប្តូរ​តែង​នៅ​ក្បែរ​យើង​ជានិច្ច និង​ចាប់​ផ្តើម​ពី​ខ្លួន​យើង”។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Abdurachman & Herawati, N. (2018). The role of psychological well-being in boosting immune response: an optimal effort in tackling infection. African Journal of infectious diseases

    Applebaum AJ, et al. Optimism, social support, and mental health outcomes in patients with advanced cancer. Psycho-oncology. 2014;23:299

    Ben-Shaanan, T.L. et. al. (2016) Activation of the reward system boosts innate and adaptive immunity. Nature Medicine vol 22, pages 940–944

    Carnegie, D. (1948). How to stop worrying and start living. Simon and Schuster

    Kraft, T.L & Pressman, S.D (2012). Grin and bear it: the influence of manipulated facial expression on the stress response. Psychological Science. 2012;23(11):1372-8

    Levy BR, et al. Longevity increased by positive self-perceptions of aging. Journal of Personality and Social Psychology. 2002 Aug; 83(2):261-70

    Seaward BL. Reframing: Creating a positive mind-set. In: Essentials of Managing Stress. 4th ed. Burlington, Mass.: Jones & Bartlett Learning; 2017

    Seaward BL. Managing Stress: Principles and Strategies for Health and Well-Being. 8th ed. Burlington, Mass.: Jones & Bartlett Learning; 2015.

    http://www.thelawofattraction.com/why-positive-thinking-boosts-physical-health/

    https://www.pritikin.com/your-health/healthy-living/staying-on-track/1304-be-happy-your-heart-will-thank-you.html

    រូបថត​របស់​អ្នក​និពន្ធbadge
    ដោយ Khlaut Rithy កែសម្រួល​ចុងក្រោយ 24/01/2019
    ត្រួតពិនិត្យដោយ វេជ្ជ. ចាន់ ស៊ីណេត
    Next article: