សុខភាពផ្លូវភេទ

ម៉េចបានប្រុសៗខ្លះហើមលិង្គក្រោយរួមភេទរួច? ពេលណាគួរជួបគ្រូពេទ្យ?

បើជួបអាការៈហើមលិង្គបន្ទាប់ពីរួភេទរួច នោះអាចជាសញ្ញាព្រមានមួយដែលប្រុសៗយើងមិនគួរធ្វេសប្រហែសឡើយ។ ជាក់ស្តែង ការហើមនេះ អាចកើតឡើងដោយសារតែមូលហេតុជាច្រើន មានពីស្រាលទៅធ្ងន់ធ្ងរ ហើយអាចមានរោគសញ្ញារួមផ្សំ ដូចជាស្នាមក្រហម ឈឺចាប់ ឬរមាស់។ ពិតណាស់ មូលហេតុទូទៅដែលបណ្តាលឲ្យកើតមានអាការៈមួយនេះ គឺដោយសារតែការរលាក ឬរបួសអំឡុងពេលរួមភេទ ដែលអាចនាំឲ្យមានការហើមបណ្តោះអាសន្ន។ យ៉ាងណាមិញ អាការៈមួយនេះក៏អាចបង្ហាញពីការឆ្លងមេរោគ ឬបញ្ហាសុខភាពណាមួយ។ ក្នុងករណីដែលគ្នាយើងជួបបញ្ហាហើមប្រដាប់ភេទមិនបាត់ ព្រមទាំងពិបាកនោមថែមទៀតនោះ គួរពិគ្រោះជាមួយនឹងគ្រូពេទ្យ ទើបជាការប្រសើរ។ ចង់ពិនិត្យជំងឺមហារីកមាត់ស្បូន ចុចទីនេះ! ចង់ពិនិត្យជំងឺមហារីកក្រពេញអូវែ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! រោគសញ្ញា ទាំងនេះជារោគសញ្ញាមួយចំនួន ដែលទាក់ទងនឹងការហើមលិង្គក្រោយរួមភេទរួច៖ ហើមលិង្គទាំងមូល ឬត្រឹមតែក្បាលលិង្គ មានស្នាមក្រហម មានការឈឺចាប់ ធ្លាក់ទឹករម្អិលដែលមានសភាពថ្លា ឬខាប់ ពណ៌ស ឬមានក្លិនមិនល្អ រមាស់ ពងបែក ឬដុំពក ដែលអាចជាសញ្ញានៃការឆ្លងមេរោគ ឬបញ្ហាដទៃទៀត ធ្លាក់ឈាមដែលអាចកើតឡើង ប្រសិនបើយើងមានដំបៅចំហ ឬពកបែក នោមឈឺ ឈឺចាប់នៅពេលបញ្ចេញទឹកកាម។ មូលហេតុទូទៅ និងកត្តាហានិភ័យ កត្តាជាក់លាក់មួយចំនួន ដែលបណ្តាលឲ្យប្រុសៗយើងហើមប្រដាប់ភេទ រួមមាន៖ ការឆ្លងមេរោគ និងជំងឺកាមរោគ របួសបរិវេណបន្តពូជ អំឡុងពេលប្រតិបត្តិការលើគ្រែខ្លាំងក្លាជ្រុល ក៏អាចនាំឲ្យយើងជួបបញ្ហាហើមលិង្គដូចគ្នា អាលែកហ្ស៊ីទៅនឹងជាតិ Latex នៃស្រោមអនាម័យ […]

គន្លឹះសុខភាពផ្លូវភេទ

មនុស្ស ៤ ប្រភេទនេះ ហ៊ានតែប្រើថ្នាំសម្រើបងាយគ្រោះថ្នាក់បំផុត

កន្លងមក Helloគ្រូពេទ្យ ធ្លាប់បានចេញផ្សាយអត្ថបទពីការជួយខ្លួនឯងពេលត្រូវថ្នាំសណ្ដំ ឬថ្នាំសម្រើប តែថ្ងៃនេះវិញយើងសូមបង្ហាញពីក្រុមមនុស្សទាំង ៤ ពេលប្រើពពួកថ្នាំសម្រើបហើយ ងាយគ្រោះថ្នាក់ដល់ជីវិត។ នេះបើតាមការឲ្យដឹងពីឱសថការី គីម កាណែល។ ១- មនុស្សចាស់ ចំពោះមនុស្សចាស់ ប្រព័ន្ធសរសៃឈាមបេះដូងខ្សោយ ហើយមុខងារប្រព័ន្ធតម្រងនោម និងថ្លើមក៏ខ្សោយដូចគ្នាដែរ។ ដូចនេះនៅពេលដែលប្រើថ្នាំសម្រើបទៅ ឥទ្ធិពលរបស់ថ្នាំនឹងកើនឡើង ជាហេតុនាំឲ្យប្រឈមផលរំខានរបស់ថ្នាំខ្លាំងជាងមនុស្សធម្មតា។ ផលរំខានថ្នាំខ្លាំងជាងគេពេលប្រើលើមនុស្សចាស់ គឺធ្វើឲ្យមានសម្ពាធខ្លាំងទៅលើបេះដូង អាចងាយគាំងបេះដូង។ ២- អ្នកជំងឺបេះដូង សម្រាប់អ្នកមានជំងឺបេះដូងវិញ ក៏មិនគួរប្រើដែរ ពីព្រោះថ្នាំជំនួយផ្លូវភេទមានឥទ្ធិពលធ្វើឲ្យបេះដូងច្របាច់ឈាមខ្លាំង ធ្វើឲ្យអ្នកជំងឺប្រឈមមុខនឹងបញ្ហាគាំងបេះដូងក្រោយថ្នាំបញ្ចេញឥទ្ធិពល។ ៣- អ្នកប្រតិកម្មជាមួយថ្នាំ អ្នកដែលធ្លាប់មានបញ្ហាប្រតិកម្មជាមួយថ្នាំ ពុំគួរប្រើថ្នាំសម្រើបឡើយ ព្រោះវាធ្វើឲ្យអ្នកជំងឺប្រឈមមុខនឹងប្រតិកម្មធ្ងន់ធ្ងរ។ ៤- អ្នកមានបញ្ហាប្រព័ន្ធសរសៃឈាម បើអ្នកមានជំងឺលើសឈាមដែលកំពុងប្រើពពួកថ្នាំ Alpha blockers មិនគួរប្រើថ្នាំសម្រើបឡើយ ព្រោះវានឹងធ្វើឲ្យសម្ពាធឈាមកាន់តែធ្លាក់ចុះខ្លាំង ។ ក្រៅពីក្រុមមនុស្ស ៤ ប្រភេទខាងលើនេះ ថ្នាំសម្រើបហាមប្រើដាច់ខាតចំពោះអ្នកមានជំងឺ ដែលកំពុងប្រើថ្នាំពពួកនីត្រាត និងអ្នកជំងឺ PVOD (ជំងឺកម្រដែលបណ្ដាលមកពីស្ទះសរសៃវ៉ែនក្នុងសួត)។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕