ពិតណាស់ ស្ត្រីស្ទើរតែទាំងអស់អាចប្រឈមនឹងការធ្លាក់ឈាមតិចតួចតាមទ្វារមាស នៅពេលណាមួយជាក់ជាមិនខាន។ ការធ្លាក់ឈាមតិចតួចតាមទ្វារមាស អាចបណ្ដាលមកពីកត្តាជាច្រើន។

១. ធ្វើលំហាត់ប្រាណ

ស្រីៗមួយចំនួនធ្លាប់ធ្លាក់ឈាមតាមទ្វារមាសតិចតួច បន្ទាប់ពីរួមភេទ ឬហាត់ប្រាណខ្លាំងក្លា ដែលនេះអាចបណ្ដាលមកពីការកកិតមាត់ស្បូន និងបង្កជាការរលាក។ ចំណែកឯស្រីៗដែលធ្វើលំហាត់ប្រាណថ្មីៗខ្លាំងក្លា ព្រមទាំងស្រកទម្ងន់យ៉ាងឆាប់រហ័ស ក៏អាចប្រឈមនឹងការធ្លាក់ឈាមតិចតួចពីទ្វារមាស ដោយសារតែការប្រែប្រួលអ័រម៉ូនដែរ។ ពិតណាស់ ការដុតបំផ្លាញកោសិកាខ្លាញ់ និងការស្រកទម្ងន់អាចបញ្ចេញអ័រម៉ូនEstrogens ចូលក្នុងរាងកាយ ហើយប្រសិនបើស្រីៗយើងស្រកទម្ងន់ច្រើនជ្រុល យើងអាចនឹងរាំងរដូវ ព្រមទាំងជួបបញ្ហាធ្លាក់ឈាមតិចតួច។ ក្នុងករណីនេះ យើងគប្បីទៅពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

២. ស្រ្តេស

ជាមួយគ្នានេះដែរ ស្រ្តេសជះឥទ្ធិពលដល់ការធ្លាក់ឈាមតិចតួចតាមទ្វារមាស និងការប្រែប្រួលវដ្ដរដូវ។ ដូច្នេះហើយ ការកើនឡើងកម្រិតអ័រម៉ូនCortisol ក៏អាចប៉ះពាល់ដល់ប្រព័ន្ធបញ្ជូនសញ្ញារបស់រាងកាយ ព្រមទាំងការប្រែប្រួលអ័រម៉ូនផងដែរ។

៣. អតុល្យភាពកម្រិតអ័រម៉ូនProgesterone និងEstrogen

ការធ្លាក់ឈាមក៏អាចជាសញ្ញានៃអតុល្យភាពកម្រិតអ័រម៉ូន ប៉ុន្តែនៅក្នុងករណីទូទៅ វាជារឿងធម្មតាប៉ុណ្ណោះដែលយើងមានធ្លាក់ឈាមតិចតួចនៅអំឡុងពេលការបញ្ចេញអូវុល (នៅអំឡុងពេលពីរសប្ដាហ៍មុនពេលមករដូវ ដោយសារតែការប្រែប្រួលអ័រម៉ូន)។

អត្ថបទគួរអាន៖

ធ្លាក់ឈាម

៤. សាច់ដុះ (Polyps)

សាច់ដុះតូចៗលូតលាស់នៅលើមាត់ស្បូន ដែលអាចធ្វើឲ្យយើងធ្លាក់ឈាមនៅពេលមានការប៉ះពាល់។ សាច់ដុះនេះ ជាសាច់ស្លូតដែលអាចធ្វើការកម្ចាត់ចេញ ប្រសិនបើមានផលរំខាន។

៥. ការប្រើប្រាស់ថ្នាំពន្យារកំណើត

ការធ្លាក់ឈាមមិនទៀងទាត់ ឬការធ្លាក់ឈាមតិចតួច ជារឿងធម្មតាប៉ុណ្ណោះនៅក្នុងរយៈពេលបីទៅ៤ខែដំបូង បន្ទាប់ពីយើងប្រើប្រាស់ថ្នាំពន្យារកំណើត។ ម្យ៉ាងវិញទៀត ស្រីៗយើងក៏អាចប្រឈមនឹងការធ្លាក់ឈាមតិចតួចនៅពេលក្រោយ ប្រសិនបើយើងមិនបានលេបថ្នាំពន្យារកំណើត។

៦. មានផ្ទៃពោះ

ទន្ទឹមនឹងនេះដែរ ស្ត្រីមួយចំនួនអាចប្រឈមនឹងការធ្លាក់ពេលបង្កកំណើតនៅពេលដែលមានផ្ទៃពោះ។ ជាក់ស្ដែង ការមករដូវមិនទៀងទាត់ ឬការធ្លាក់ឈាមអាចជាសញ្ញានៃការមានផ្ទៃពោះ។

ចំណុចសំខាន់

ធ្លាក់ឈាមតិចតួចតាមទ្វារមាស បណ្ដាលមកពីមូលហេតុជាច្រើនដូចជា៖

ធ្វើលំហាត់ប្រាណ
ស្រ្តេស
អតុល្យភាពកម្រិតអ័រម៉ូនProgesterone និង Estrogen
សាច់ដុះតូចៗលូតលាស់នៅលើមាត់ស្បូន (Polyps)
ការប្រើប្រាស់ថ្នាំពន្យារកំណើត
មានផ្ទៃពោះ

១. ធ្វើ​លំហាត់​ប្រាណ​

២. ស្រ្តេស​

៣. ​អតុល្យភាព​កម្រិត​អ័រម៉ូន​Progesterone និង​Estrogen

៤. សាច់​ដុះ​ (Polyps)

៥. ការ​ប្រើប្រាស់​ថ្នាំ​ពន្យារ​កំណើត​

៦. មាន​ផ្ទៃពោះ​