home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ចេះ​ទម្លាប់​ថែ​ស្បែក​​ទាំង​នេះ ជួយ​ឲ្យ​កាន់​​តែ​ស្អាត​មួយ​កម្រិត​ទៀត

ចេះ​ទម្លាប់​ថែ​ស្បែក​​ទាំង​នេះ ជួយ​ឲ្យ​កាន់​​តែ​ស្អាត​មួយ​កម្រិត​ទៀត

សម័យ​នេះ​ហើយ បើ​ស្បែក​នៅ​តែ​ខ្មៅ គ្រើម​ម៉េច​ស្ទាវ! ស្រីៗ​គ្នា​យើង​នឹង​ឯង សុខ​ចិត្ត​ស៊ី​អត់​ស៊ី​ឃ្លាន ទុក​លុយ​ថែ​ស្បែក​ឲ្យ​ស្អាត ប៉ុន្តែ​ទោះ​បច្ចុប្បន្ន​មាន​ផលិត​ផល​ថែ​រក្សា​ស្បែក​ល្អៗ​ច្រើន​ក៏​ដោយ បើ​មិន​ដឹង​វិធី​ប្រើ និង​មាន​ទម្លាប់​ថែ​ទាំស្បែក​ត្រឹម​ត្រូវ ច្បាស់​មិន​ស្អាតពេញ​ដង​ខ្លួនទេ ប្រយ័ត្ន​ស្បែក​ស ក​ខ្មៅ គន្លាក់​ជើង​ដៃ សុទ្ធ​តែ​ស្នាម​ទៅ។ “Hello គ្រូពេទ្យ” នឹង​ណែនាំ​វិធី​ថែ​ស្បែក ត្រឹម​ត្រូវ​តាម​កន្លែង​ផ្សេងៗ​​ក្រៅ​ពី​​ដង​ខ្លួន​ឲ្យ​គ្នា​យើង​បាន​ដឹង។

ស្បែក មាន​នាទី​ជា​ខ្សែ​ការពារ​ជួរ​មុខ ប្រឆាំង​ជំងឺ និង​ការ​ឆ្លង​មេរោគ​ផ្សេងៗ ដូច្នេះ​គ្នា​យើង គួរ​ចេះ​ថែរក្សា​ស្បែក​ឲ្យ​មាន​សុខភាព និង​ដំណើរការ​ល្អ ហើយ​ទម្លាប់​ និង​វិធី​ថែរក្សា​ស្បែក​ខាង​ក្រោម អាច​ជួយ​ឲ្យ​មួយ​តួ​ខ្លួន​មើល​ទៅ​ស្រស់​ស្អាត និង​មាន​សុខភាព​ល្អ​ទៀត។

១- ក និង​ដើមទ្រូង

មាន​ការ​ណែនាំ​ឲ្យ​ប្រើ​ផលិតផល​ថែរក្សា​មុខ​ត្រង់ នៅ​តំបន់​ក និង​ទ្រូង តែ​គ្នា​យើង​ក៏​គួរ​មាន​ទម្លាប់​លាង​សម្អាត និង​ផ្ដល់​សំណើម​ដល់ ក​និង​ដើម​ទ្រូង​ផង។ ចាំ​ថា​ ស្បែក​ក​ងាយ​នឹង​ចាស់ ព្រោះ​វា​ស្ដើង​ជាង​ស្បែក​មុខ។ យើង​អាច​សាក​ក្រែម​ប្រឆាំង​ភាព​ចាស់​នៅ​ត្រង់​ក ដើម្បី​ការពារ​ភាព​ជ្រីវ​ជ្រួញ ធ្វើ​ឲ្យ​ផ្ទៃមុខ និង​ក​ស្រស់​ស្អាត​ស៊ី​គ្នា។

២- ដៃ

ដៃ ជា​សញ្ញា​មួយ​ប្រាប់​ពី​ភាព​ចាស់​ បើ​យើង​មាន​សម្លាក​នៅ​លើ​ដៃ​ អាច​សាក​ល្បង​ប្រើ​ផលិតផល​មួយ មាន​ឈ្មោះ​អាស៊ីដ​ហៃដ្រូស៊ី​អាល់ហ្វា (Alpha Hydroxy Acid) និង​ត្រូវ​ប្រើ​ក្រែម​ការពារ​កម្ដៅ​ថ្ងៃ​លើ​ដៃ​ផង ដោយ​អាច​រក​ទិញ​ក្រែម​ការពារ​ដៃ មាន​ភ្ជាប់​ជាមួយ​ផលិតផល​ SPF ។

៣- កែង​ដៃ

កែង​ដៃ ងាយ​ស្ងួត​ណាស់ បើ​មិន​ថែទាំ​ផ្ដល់​សំណើម​ឲ្យ​បាន​ទៀងទាត់។ យើង​គួរ​ដុស​កែងដៃ​​ដោយ​ប្រើ​អេប៉ុង​ ឬ​សាញ​ននោង​រាល់​ពេល​កំពុង​ងូត​ទឹក។ បន្ទាប់មក​ប្រើ​កន្សែង​ពោះ​គោ ដើម្បី​សម្ងួត​ខ្លួន រួច​ម៉ាស្សា​ជាមួយ​ប្រេង​មាន​សំណើម ដូចជា ប្រេង​អាល់ម៉ុន ឬ​ប្រេង​អូលីវ។

ទម្លាប់​ថែ​ស្បែក Hello គ្រូពេទ្យ

អត្ថបទ​ពាក់ព័ន្ធ៖

៤- ផ្នែក​ខាង​ក្រោយ​ដៃ

គ្នា​យើង​ភាគ​ច្រើន​មាន​ស្នាម​ដុំ​ពក​តូចៗ​នៅ​ខាង​ក្រោយ​ដៃ ហើយ​ត្រូវ​គេ​ហៅថា​រោគ​ស្បែក​ក្រិន (Keratosis Polaris) ប៉ុន្តែ​អាច​ធូរស្រាល​ដោយ​ប្រើ​ឡេ​លាប​ស្បែក​ម្យ៉ាង មាន​ផ្ទុក​លាក់ទិច​អាស៊ីដ( lactic acid)។ សូម​ប្រើ​ឲ្យ​បាន​រាល់ថ្ងៃ​ដើម្បី​កុំ​ឲ្យ​វា​កើត​សារ​ឡើង​វិញ។

៥- ជើង

ស្បែក​ត្រង់​ជើង​យើង អាច​មាន​សភាព​ស្អាត​រលោង ដោយ​គ្រាន់​តែសម្អាត​ដោយ​ទឹក​ក្ដៅ និង​សាប៊ូ ពេល​យើង​កំពុង​ងូតទឹក។ បន្ទាប់មក​ដុស​សម្អាត​ជើង​ជាមួយ​អេប៉ុង​ ជូត​ជើង​ឲ្យ​ស្ងួត និង​ព្យាយាម​ផ្ដល់​សំណើម​បើ​ស្បែក​ក្បាល​ជង្គង់​ផង បើ​មាន​អារម្មណ៍​ថា ​ស្បែក​ត្រង់​នោះ​គ្រើមៗ។

៦- ប្រអប់​ជើង

ប្រអប់​ជើង ជា​ផ្នែក​សំខាន់​មួយ​នៃ​រាងកាយ អាច​ធ្វើ​ឲ្យ​យើង​មាន​អារម្មណ៍​ថា សុខភាព​ល្អ មើល​ទៅ​ស្រស់​ស្អាត បើ​យើង​ប្រើ​ផលិតផល​ថែរក្សា​ស្បែក​ត្រឹម​ត្រូវ ដូចជា​ផលិតផល​អាល់ហ្វា​អ៊ីដ្រូស៊ី​អាស៊ីដ (Alpha Hydroxy Acid ) ឬ​ផលិត​ផល​មាន​អាស៊ីដ​លាក់ទិច​ជាដើម។ ជាមួយ​គ្នា​នេះ​ អាច​សាកល្បង​លាប​ទឹកដោះគោ​សម្បូរ​សំណើម​លើ​ជើងយើង ហើយ​ពាក់​ស្រោម​ជើង​ផលិត​ពី​ជាតិ​អំបោះ ទាំង​ពេល​គេង​លើ​គ្រែ​ដើម្បី​ឲ្យ​ជើង​មាន​ស្បែក​ម៉ត់​រលោង និង​ទន់​ស្អាត។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ ​និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិន​ចេញ​វេជ្ជ​បញ្ជា​ មិន​ធ្វើ​រោគ​វិនិច្ឆ័យ​ ឬ​ព្យា​បាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

The Ultimate Full-Body Skin Care Plan. http://www.totalbeauty.com/content/gallery/skin-care-improvement-plan. Accessed May 6, 2017.

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ CHIN Ven
កែ 23/05/2019
x