ស្បែក Archives - Page 12 of 19

គន្លឹះ ៧ យ៉ាងថែទាំស្បែកឲ្យនៅតែមានសុខភាពល្អ អំឡុងពេលធ្វើដំណើរជិតឆ្ងាយ

ពិតណាស់ ការផ្លាស់ប្តូរទម្លាប់ក្នុងការថែទាំស្បែកអំឡុងពេលធ្វើដំណើរជិតឆ្ងាយ និងការប្រែប្រួលអាកាសធាតុអាចប៉ះពាល់ទៅដល់សុខភាពស្បែករបស់យើង ដោយបង្កជាការកើតមុន ឬធ្វើឲ្យស្បែកស្ងួតជាដើម។ អ៊ឹចឹងហើយ ដើម្បីថែទាំស្បែកឲ្យនៅតែមានសុខភាពល្អ អំឡុងពេលធ្វើដំណើរជិតឆ្ងាយក្នុងរដូវបុណ្យទាននេះ គ្នាយើងអាចអនុវត្តតាមតិចនិកងាយៗខាងក្រោមនេះ៖ ១. រក្សាសំណើមនៃស្បែក ស្បែករបស់យើងត្រូវការសំណើមពីខាងក្នុង និងខាងក្រៅ ដូច្នេះ ទើបគ្នាយើងចាំបាច់លាបប្រភេទក្រែមផ្តល់សំណើមដល់ស្បែក និងញ៉ាំទឹកឲ្យបានគ្រប់គ្រាន់។ ស្បែកដែលមានសំណើម នឹងមើលទៅក្មេងជាងវ័យ ព្រមទាំងទន់ម៉ត់រលោង។ ២. លាបក្រែមការពារកម្តៅថ្ងៃ ការលាបក្រែមការពារកម្តៅថ្ងៃ ជាវិធីសាស្រ្តដ៏ល្អបំផុតក្នុងការការពារស្បែកពីការបំផ្លាញ។ កាំរស្មី UV អាចបំផ្លាញកោសិកាស្បែក និងបង្កជាជំងឺមហារីកថែមទៀតផង។ យ៉ាងហោចណាស់ យើងគួរជ្រើសរើសក្រែមការពារកម្តៅថ្ងៃណាដែលមាន SPF30 ឬខ្ពស់ជាងនេះ ព្រមទាំងលាបក្រែមជារៀងរាល់ពីរបីម៉ោងម្តង។ ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៣. ព្យាបាលប្រើផលិតផលដដែល មួយវិញទៀត ស្រីៗយើងគួរជៀសវាងផ្លាស់ប្តូរផលិតផលថែរក្សាស្បែកនៅពេលដែលធ្វើដំណើរទៅណាមកណា ពីព្រោះការផ្លាស់ប្តូរផលិតផលថ្មី រួមមាននឹងអាកាសធាតុថ្មី អាចបណ្តាលឲ្យស្បែកកើតមុនដោយមិនដឹងខ្លួន។ ៤. បិតម៉ាសមុខ ការធ្វើដំណើរទៅទីជិតឆ្ងាយ អាចនាំឲ្យយើងស្រ្តេស និងបង្កជាការកើតមុន ដូច្នេះហើយ គ្នាយើងអាចផ្តល់ការថែទាំដ៏ល្អបំផុតសម្រាប់ស្បែកដោយការបិតម៉ាសមុខ ក៏ដូចជាបាញ់ទឹកផ្តល់សំណើមដល់ផ្ទៃមុខ (Facial mists)។ [embed-health-tool-ovulation] ៥. លាងសម្អាតដៃឲ្យបានញឹកញាប់ និងជៀសវាងយកដៃប៉ះមុខ ម្យ៉ាងវិញទៀត យើងគួរប្រើសាប៊ូលាងសម្អាតដៃឲ្យបានញឹកញាប់ ដើម្បីបញ្ចៀសការរាលដាលនៃបាក់តេរី និងធូលីដីទៅលើផ្ទៃមុខ ដែលអាចបង្កឲ្យកើតមុន ជាពិសេសនៅអំឡុងពេលធ្វើដំណើរនេះតែម្តង។ ចំណុចសំខាន់ ដើម្បីថែទាំស្បែកឲ្យនៅតែមានសុខភាពល្អ អំឡុងពេលធ្វើដំណើរជិតឆ្ងាយក្នុងរដូវបុណ្យទាននេះ គ្នាយើងអាចអនុវត្តន៍តាមតិចនិកងាយៗខាងក្រោមនេះ៖ ១. រក្សាសំណើមនៃស្បែក ២. លាបក្រែមការពារកម្តៅថ្ងៃ ៣. […]

ស្បែក

ថែរក្សាស្បែក មិនមែនតែលើផ្ទៃមុខទេ នៅមានកន្លែងផ្សេងៗច្រើនទៀត

ស្បែកគឺជាសរីរាង្គធំជាងគេបង្អស់នៅក្នុងខ្លួនយើង។ ស្បែកដើរតួជាខ្សែទីមួយនៃការការពារប្រឆាំងនឹងជំងឺ និងការឆ្លងរោគ។ ដូច្នេះយើងត្រូវខិតខំដើម្បីថែរក្សាស្បែកឲ្យមានសុខភាពល្អ និងដំណើរការបានល្អ។ យើងប្រហែលជាមានទម្លាប់ល្អក្នុងការថែរក្សាស្បែកមុខ ប៉ុន្តែស្បែកនៅកន្លែងផ្សេងទៀតនៃរាងកាយគ្នាយើងបានយកចិត្តទុកដាក់កម្រិតណាដែរ? ១- ក និងទ្រូង យើងគួរតែគិតគូរប្រើផលិតផលលើមុខ ប្រើលើ ក និងទ្រូងរផងដែរ។ ការថែរក្សាស្បែកមិនមែនមានន័យថាយើងថែតែស្បែកលើមុខ តែមួយនោះទេ។ ប្រសិនបើយើងមិនមានទម្លាប់សម្អាត និងផ្តល់សំណើមដល់ក និងទ្រូង គ្នាយើងគួរតែចាប់ផ្តើមពីឥឡូវនេះហើយ។ សូមចងចាំថាស្បែក ក របស់យើងងាយនឹងចាស់ដោយសារវាស្តើងជាងស្បែកនៅលើមុខរបស់យើង។ ដូចនេះយើងត្រូវផ្តល់ក្រែមប្រឆាំងភាពចាស់ដើម្បីការពារពីភាពជ្រីវជ្រួញ។ ២- ដៃ ដៃរបស់យើងជាកន្លែងឲ្យសញ្ញាមុនគេពីភាពចាស់នៅលើស្បែករបស់យើង។ ប្រសិនបើយើងមានចំណុចខ្មៅៗនៅលើដៃ យើងអាចសាកល្បងប្រើផលិតផលអាស៊ីដអាល់ហ្វាអុកស៊ីតលាបលើដៃ។ យើងក៏កុំភ្លេចប្រើឡេការពារកម្តៅថ្ងៃលើដៃរបស់យើងដូចគ្នាដែរ។ យើងអាចទិញក្រែមលាបដៃជាមួយនឹងប្រភេទមាន SPF ៣០ ឡើងទៅ។ ៣- កែងដៃ កែងដៃរបស់យើងជាកន្លែងដែលងាយនឹងស្ងួតជាងគេ។ ដូច្នេះសំខាន់ណាស់ក្នុងការផ្តល់សំណើមដល់កែងដៃរបស់យើង។ យើងគួរតែខាត់កែងដៃជាមួយនឹងស្បៃដុះខ្លួន នៅពេលដែលយើងងូតទឹក។ បន្ទាប់មកប្រើកន្សែងរុំឲ្យស្ងួតហើយម៉ាស្សាវាដោយប្រើប្រេងដែលមានសំណើម (ដូចជាប្រេងអាល់ម៉ុង ឬប្រេងអូលីវ)។ ចុងក្រោយលាបសំណើមជាមួយនឹងឡេលាបខ្លួន។ ៤- ផ្នែកខ្នងដៃ គ្នាយើងជាច្រើនមានស្នាមជាំនៅលើខ្នងដៃ។ បញ្ហានេះ អាចធ្វើឲ្យប្រសើរឡើងវិញបានដោយការប្រើប្រាស់ឡេលាបខ្លួនដែលមានផ្ទុកអាស៊ីដឡាក់ទិក ប្រសិនបើយើងឈប់ប្រើផលិតផលទាំងនោះស្នាមជាំនឹងអាចត្រលប់មកវិញ។ ដូច្នេះយើងគួរតែប្រើវាជារៀងរាល់ថ្ងៃ។ ៥- ជើង ការកោររោម គឺអាចបណ្តាលឲ្យស្បែកជើងយើងស្ងួតបាន។ យើងអាចថែរក្សាជើងបានដោយប្រើទឹកក្តៅឧណ្ឌៗ និងលាងជាមួយសាប៊ូដោយលាងពីលើចុះក្រោមនៅពេលកំពុងងូតទឹក។ បន្ទាប់មកធ្វើដូនការរក្សាកែងដៃរបស់យើងដែរ។ ប្រសិនបើស្បែកនៅត្រង់ជង្គង់ឡើងគ្រើម យើងគួរតែផ្តោតលើកន្លែងនោះឲ្យបានច្រើន។ ៦- កំភួនជើង កំភួនជើង គឺជាផ្នែកមួយនៃរាងកាយដែលគ្នាយើងមិនតិចនាក់ទេមិនសូវយកចិត្តទុកដាក់។ យើងគួរថែរក្សាជើងដោយការប្រើឡេដែលមានផ្ទុកនូវសារធាតុល្អៗ ដូចជាអាស៊ីដអាល់ហ្វាអុកស៊ីត […]