សុខភាពស្បែក Archives - Page 15 of 40

គន្លឹះថែទាំស្បែកនារដូវរងា ស្រីៗយើងមិនគួររំលង!

រដូវរងាអាចនាំមកនូវបញ្ហាស្បែកជាច្រើន ដូចជាស្បែកស្ងួត រមាស់ និងប្រេះបែកស្រកាជាដើមដោយសារតែស្បែកយើងមិនអាចរក្សាសំណើមបាន ដែលបណ្តាលមកពីការថយចុះនៃជាតិខ្លាញ់ក្នុងស្រទាប់ផ្នែកខាងលើបំផុតនៃស្បែក។ រីឯជំងឺស្បែកមួយចំនួន រួមមានជំងឺរលាកស្បែករុំារ៉ៃ ឬត្រអកជាឧស្សាហ៍លេចឡើងនៅក្នុងរដូវរងានេះដែរ។ ដូច្នេះហើយ តើយើងគួរធ្វើបែបណាដើម្បីថែទាំស្បែកជៀសឆ្ងាយពីបញ្ហាផ្សេងៗ? ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ១. ផ្តល់សំណើម គ្នាយើងគួរលាបឡេផ្តល់សំណើមជាប្រចាំ មិនថានៅពេលថ្ងៃ ឬមុនពេលចូលគេងនោះទេ។ មួយវិញទៀត ការជ្រើសម៉ាស៊ីនផ្តល់សំំណើមក៏ជាជម្រើសដ៏ល្អ ដើម្បីជួយឱ្យខ្យល់មានសំណើមផងដែរ។ ២. ញ៉ាំទឹក ចូលដល់រដូវរងា អ្នកខ្លះញ៉ាំទឹកតិចជាងរាល់ដង ដែលជាហេតុនាំឱ្យស្បែកស្ងួត និងស្រអាប់។ អ៊ីចឹងហើយ! គ្នាយើងគួរញ៉ាំទឹកឱ្យបានច្រើន មិនមែនជ្រើសរើសយកកាហ្វេ ឬគ្រឿងស្រវឹងមកជំនួសនោះទេ! [embed-health-tool-ovulation] ៣. របបអាហារ ដឹងអត់ថារបបអាហារដែលយើងញ៉ាំរាល់ថ្ងៃ ជះឥទ្ធិពលដល់សម្រស់ខាងក្រៅយើងដូចគ្នា។ ដូច្នេះហើយ ស្រីៗយើងគួរញ៉ាំអាហារដែលសម្បូរជាតិទឹក ដូចជាត្រសក់ ស្ពៃពួយឡេង និងក្រូចថ្លុង ដែលមានជាតិទឹកច្រើន និងល្អចំពោះស្បែក។ ៤. ជម្រុះកោសិកា ការជម្រុះកោសិកាប្រចាំសប្តាហ៍ អាចជួយឲ្យស្បែកភ្លឺថ្លាពីខាងក្នុង ព្រមទាំងជួយឱ្យយើងលាបឡេផ្តល់សំណើមឆាប់ចូលស្បែក។ ៥. ឡេការពារកម្តៅថ្ងៃ ឡេការពារកម្តៅថ្ងៃ ចាំបាច់ត្រូវប្រើជារៀងរាល់ថ្ងៃ មិនថាក្នុងអាកាសធាតុបែបណាក៏ដោយ ព្រោះថាកាំរស្មីUVនៅតែអាចបំផ្លាញស្បែក ដោយអាចធ្វើឱ្យស្បែកឆាប់យារធ្លាក់ ក៏ដូចជាបង្កើនហានិភ័យនៃជំងឺមហារីកស្បែក។ ចំណុចសំខាន់ រដូវរងាអាចនាំមកនូវបញ្ហាស្បែកជាច្រើន ដូចជាស្បែកស្ងួត រមាស់ និងប្រេះបែកស្រកាជាដើមដោយសារតែស្បែកយើងមិនអាចរក្សាសំណើមបាន ដែលបណ្តាលមកពីការថយចុះនៃជាតិខ្លាញ់ក្នុងស្រទាប់ផ្នែកខាងលើបំផុតនៃស្បែក។ រីឯជំងឺស្បែកមួយចំនួន រួមមានជំងឺរលាកស្បែករុំារ៉ៃ ឬត្រអកជាឧស្សាហ៍លេចឡើងនៅក្នុងរដូវរងានេះដែរ។ ដូច្នេះហើយ តើយើងគួរធ្វើបែបណាដើម្បីថែទាំស្បែកជៀងឆ្ងាយពីបញ្ហាផ្សេងៗ? ១. ផ្តល់សំណើម ២. ញ៉ាំទឹក ៣. របបអាហារ ៤. […]

ស្បែក

ស្រីៗពាក់ម៉ាសយូរ មិនចង់ខូចស្បែកមុខកុំរំលងតិចនិក ៤នេះ

បច្ចុប្បន្ននេះ ការពាក់ម៉ាសពិតជាចាំបាច់ណាស់ក្នុងការការពារវីរុសបង្កជំងឺកូវីដ១៩ ប៉ុន្តែម៉ាសក៏អាចធ្វើឲ្យប៉ះពាល់សុខភាពស្បែកមុខផងដែរ។ ពាក់ម៉ាសយូរអាចធ្វើឲ្យមុខឡើងមុន របកស្បែក ឡើងរមាស់ និងកន្ទួលជាដើម។ ដើម្បីដោះស្រាយបញ្ហានេះ អ្នកឯកទេសខាងរោគសើស្បែកបានណែនាំតិចនិកមួយចំនួនដល់ស្រីៗ ដើម្បីការពារស្បែកមុខ។ ១. សម្អាត និងផ្ដល់សំណើមដល់មុខជាប្រចាំ ក្នុងមួយថ្ងៃៗបើយើងធ្វើការ ឬចេញក្រៅផ្ទះច្បាស់ជាត្រូវពាក់ម៉ាសយូរម៉ោងមិនខាន។ ដូចនេះ ស្រីៗយើងគប្បីយកចិត្តទុកដាក់លាងសម្អាតមុខ និងផ្ដល់សំណើមដល់មុខប្រចាំថ្ងៃឲ្យបានទៀងទាត់។ ការថែទាំស្បែកមុខបែបនេះនឹងជួយធ្វើឲ្យផ្ទៃមុខរួចផុតពីបញ្ហាបង្កដោយការពាក់ម៉ាស។ ពេលលាងសម្អាតមុខ ចូរប្រើផលិតផលលាងសម្អាតណាដែលមិនមានក្លិន និងមិនមានជាតិអាល់កុល។ ក្រោយពីលាងសម្អាតមុខហើយ គ្នាយើងមានស្បែកមុខស្ងួត ឬរមាស់គួរប្រើផលិតផលផ្ដល់សំណើមបន្ថែមទៀត។ ការជ្រើសរើសផលិតផលផ្ដល់សំណើម គួរពិនិត្យលើប្រភេទស្បែកមុខ និងគួរប្រើមុន និងក្រោយពាក់ម៉ាស៖ ស្បែកមុខខ្លាញ់ គួរប្រើផលិតផលផ្ដល់សំណើមប្រភេទជែល ស្បែកមុខធម្មតា គួរប្រើផលិតផលឡេផ្ដល់សំណើម ស្បែកមុខស្ងួត គួរប្រើប្រភេទក្រែមផ្ដល់សំណើម ២. ការពារបបូរមាត់ដោយប្រេងចាហួយ ស្បែកស្ងួត និងប្រេះបបូរមាត់ ជាបញ្ហាទូទៅមួយកើតមានលើស្បែកដោយសារការពាក់ម៉ាសយូរម៉ោងក្នុងមួយថ្ងៃៗ។ យើងអាចការពារបញ្ហានេះបានដោយលាបប្រេងចាហួយនៅលើបបូរមាត់ បន្ទាប់ពីលាងសម្អាតមុខរួច មុនពាក់ម៉ាស និងមុនពេលចូលគេង។ ៣. ផ្អាកតុបតែងមុខ បើយើងជាអ្នកធ្វើការងារណាមួយប្រឈមនឹងជំងឺកូវីដ១៩ និងត្រូវពាក់ម៉ាសយូរម៉ោងមួយថ្ងៃៗ គ្នាយើងគួរផ្អាកការតុបតែងមុខ។ ការតុបតែងមុខហើយ ត្រូវពាក់ម៉ាសពីលើមុខអាចនឹងធ្វើឲ្យមានបញ្ហាស្ទះរន្ធរោម នាំឲ្យកើតមុនបាន។ ក្នុងករណីចាំបាច់ត្រូវតែតុបតែងមុខ គ្នាយើងគួរជ្រើសរើសផលិតផលណា មានសរសេរបញ្ជាក់ថាមិនធ្វើឲ្យស្ទះរន្ធរោម។ ៤. ដោះម៉ាសចេញខ្លះ រាល់បួនម៉ោងម្ដង គ្នាយើងគួរដោះម៉ាសចេញឲ្យបាន១៥នាទី។ មានការរកឃើញថា បុគ្គលិកសុខាភិបាលធ្វើការជួរមុខប្រយុទ្ធនឹងជំងឺកូវីដ១៩ អាចកែខៃបញ្ហាស្បែកមុខបានដោយធ្វើរបៀបនេះ។ យ៉ាងណា បើយើងជាមនុស្សប្រឈមនឹងកូវីដ១៩ ខ្លាំង មុននឹងដោះម៉ាសចេញត្រូវប្រាកដថានៅកន្លែងមានសុវត្ថិភាព និងដោះម៉ាសក្រោយលាងសម្អាតដៃរួច។