សុខភាពស្បែក Archives - Page 16 of 40

គន្លឹះថែទាំស្បែកនៅរដូវភ្លៀង ជួយឲ្យស្បែកមានសុខភាពល្អ និងក្មេងជាងវ័យ

ចូលដល់ខែភ្លៀង ស្បែករបស់យើងចាប់ផ្តើមស្ងួតគ្រើម បាត់បង់សំណើម ដែលជាហេតុនាំឲ្យស្បែកចាស់ជាងវ័យ អ៊ឹចឹងហើយ ស្រីៗយើងត្រូវយកចិត្តទុកដាក់ជាពិសេសចំពោះការថែទាំស្បែក ដើម្បីជៀសផុតពីបញ្ហាស្បែកផ្សេងៗ។ បញ្ហាស្បែកទូទៅ អំឡុងរដូវភ្លៀង មុនរលាក៖ មុនក្រហម និងហើម អាចលេចឡើងនៅពេលផ្ទៃមុខ ហើយការថែទាំស្បែកកុំឲ្យកើតមុនក៏មានភាពខុសៗគ្នា អាស្រ័យលើប្រភេទស្បែកដែរ។ ដើម្បីបញ្ចៀសការបញ្ចេញជាតិខ្លាញ់ច្រើនជ្រុល គ្នាយើងគួរប្រើសាប៊ូ ឬហ្វូមលាងមុខដែលគ្មានជាតិខ្លាញ់។ ត្រអក៖ រដូវភ្លៀងអាចបណ្តាលឲ្យយើងកើតត្រអកបាន ដោយមានអាការៈរមាស់ កន្ទួល និងក្រហមនៅលើស្បែក។ ស្បែកស្ងួត៖ ចំពោះអ្នកដែលមានស្បែកស្ងួត គឺងាយនឹងឡើងកន្ទួល របក និងរមាស់ស្បែក។ ដូច្នេះហើយ ការប្រើក្រែមផ្តល់សំណើមជាប្រចាំមានសារៈសំខាន់ណាស់។ ជំងឺចៃលើស្បែក (Scabies)៖ ជំងឺមួយប្រភេទនេះ កើតឡើងដោយសារតែពពួកចៃតូចៗ តោងជាប់នៅលើស្បែក ដែលនាំឲ្យស្បែករមាស់ និងក្រហម។ ជំងឺចៃលើស្បែក អាចឆ្លងពីមនុស្សម្នាក់ទៅម្នាក់ទៀតបានដោយការប៉ះពាល់ផ្ទាល់។ គន្លឹះថែទាំស្បែកដ៏ល្អបំផុត សម្រាប់រដូវភ្លៀង ១. ការលាងសម្អាតស្បែក ការលាងសម្អាតស្អាតជាប្រចាំ មានសារៈសំខាន់ណាស់ ក្នុងការកម្ចាត់ជាតិខ្លាញ់ដែលលើស ធូលីដី និងញើស។ ស្រីៗយើងគួរប្រើសាប៊ូ ឬហ្វូមលាងមុខដែលគ្មានជាតិកាត់ និងស័ក្តិសមទៅនឹងប្រភេទស្បែក យ៉ាងហោចណាស់ឲ្យបាន២ដងក្នុងមួយថ្ងៃ ដើម្បីបញ្ចៀសការកកស្ទះរន្ធញើស ក៏ដូចជាការកើតមុនជាដើម។ ២. ជម្រុះកោសិកា ទន្ទឹមនឹងនេះ យើងចាំបាច់ត្រូវជម្រុះកោសិកាចាស់ៗចោល ឲ្យបានម្តង ឬពីរដងក្នុងមួយសប្តាហ៍។ ៣. បំពេញជាតិទឹក បន្ថែមពីនេះ […]

ស្បែក

ស្រីៗមានមុខស្ងួត គួរចៀសវាងទម្លាប់ថែទាំស្បែកទាំងនេះ

ពិតណាស់ ស្បែកស្ងួតអាចជះឥទ្ធិពលអវិជ្ជមានដល់សុខភាពស្បែក ពីព្រោះវាមិនត្រឹមតែធ្វើឲ្យស្បែករបក និងស្រអាប់ប៉ុណ្ណោះទេ វាថែមទាំងបង្កឲ្យលេចឡើងនូវស្នាមជ្រីវជ្រួញមុនវ័យទៀតផង។ យ៉ាងណាមិញ ទោះបីជាយើងមិនអាចផ្លាស់ប្ដូរប្រភេទស្បែកក៏ពិតមែន ប៉ុន្តែយើងគប្បីធានាថាស្បែករបស់យើងមានសំណើមជាប់ជានិច្ច។ ជាក់ស្ដែង មានកត្តាជាច្រើនដែលជំរុញឲ្យស្បែករបស់យើងកាន់តែយ៉ាប់យឺនទ្វេដង ហេតុដូច្នេះហើយ ស្រីៗយើងគួរកម្ចាត់ចោលកត្តាទាំងនេះ ដើម្បីទទួលបានស្បែកស្រស់ស្អាត និងមានសុខភាពល្អ។ ទម្លាប់ថែទាំស្បែកដែលមិនស័ក្ដិសមសម្រាប់ស្បែកស្ងួតមានដូចខាងក្រោម៖ ១. ប្រើប្រាស់ក្រែមផ្ដល់សំណើមប្រភេទស្រាល ការប្រើប្រាស់ក្រែមផ្ដល់សំណើម ជារឿងដែលមិនអាចខ្វះបានឡើយសម្រាប់អ្នកដែលមានស្បែកស្ងួត។ ដូចនេះហើយ គ្នាយើងគប្បីសាកល្បងប្រើក្រែមផ្ដល់សំណើមដែលមានជាតិទឹកស្រាលផ្ដល់សំណើមខ្លាំង ដើម្បីងាយផ្ដល់សំណើមដល់ស្បែកបានយូរ។ ប៉ុន្តែប្រសិនបើយើងប្រើក្រែមផ្ដល់សំណើមប្រភេទស្រាល ឬមានជាតិសំណើមទាប វានឹងមិនអាចជ្រាបចូលទៅក្នុងស្រទាប់ស្បែកបានពេញលេញឡើយ។ ២. ចូលចិត្តប្រើប្រាស់ហ្វូមលាងមុខមានជាតិកាត់ខ្លាំង ជាមួយគ្នានេះដែរ គ្នាយើងគួរជ្រើសរើសហ្វូមលាងមុខដែលត្រូវនឹងប្រភេទស្បែក។ ការប្រើប្រាស់ហ្វូមដែលមានជាតិកាត់ខ្លាំង អាចបណ្ដាលឲ្យស្បែកស្ងួត ក្រហាយ និងរលាក។ មួយវិញទៀត វាក៏អាចបំផ្លាញប្រេងធម្មជាតិនៃស្បែក ដែលធ្វើឲ្យស្បែកកាន់តែស្ងួតផងដែរ។ ដូចនេះ យើងគួរជ្រើសហ្វូមលាងមុខណាដែលមិនសូវមានជាតិកាត់ខ្លាំង។ ៣. មិនលាងជម្រះគ្រឿងសម្អាងចេញ គ្នាយើងខ្លះអាចចូលគេងដោយមិនបានលាងសម្អាតគ្រឿងសម្អាងចេញ ដែលនេះគឺជាកំហុសឆ្គងដ៏ធំមួយ ជាពិសេសសម្រាប់អ្នកដែលមានស្បែកស្ងួត។ ជាទូទៅ គ្រឿងសម្អាងរារាំងស្បែកមិនឲ្យដកដង្ហើម ដែលធ្វើឲ្យស្ទះរន្ធញើស និងបណ្ដាលឲ្យកើតមុន។ ដូចនេះ មុនចូលគេង យើងត្រូវលាងសម្អាតគ្រឿងសម្អាងចេញជាមុនសិន។ ៤. ប្រើប្រាស់ទឹកជូតមុខ (Toner)ដែលមានជាតិអាកុល ទន្ទឹមនឹងនេះ ទឹកជូតមុខដែលមានជាតិអាកុលអាចធ្វើឲ្យស្បែករបស់យើងកាន់តែស្ងួតលើសដើម។ ដោយសារតែទឹកជូតមុខជាច្រើនមានសារធាតុផ្សំដូចជាជាតិអាកុល និងសារធាតុPropylene Glycolដែលអាចធ្វើឲ្យស្បែកមុខស្ងួតខ្លាំង ស្រីៗយើងគប្បីជ្រើសរើសទឹកជូតមុខដែលគ្មានជាតិអាកុល និងប្រើទឹកជូតមុខប្រភេទធម្មជាតិជំនួសវិញ។ ៥. មិនជម្រុះកោសិកាចាស់ បន្ថែមពីនេះ យើងចាំបាច់ត្រូវជម្រុះកោសិកាចាស់ៗនៅលើផ្ទៃមុខ ដើម្បីកម្ចាត់ចោលស្បែករបក និងស្បែកងាប់។ […]