សុខភាពស្បែក

ស្រីៗ​យើង​មិនតិចនាក់ទេ​មានពុកមាត់។ ទោះបីជាវត្តមានរោមពុកមាត់នេះ ពេល​ខ្លះ​បាន​ធ្វើឲ្យស្រីៗ​យើង​មានការអន់ចិត្តមែនប៉ុន្តែវាមិនមានគ្រោះថ្នាក់អ្វីដល់សុខភាពនោះទេ។ ក្នុងករណីភាគច្រើនពុកមាត់គឺបង្កឡើង​ដោយ​កត្តាហ្សែន និងអ័រម៉ូន។ យ៉ាង​ណាមិញ​ការដុះពុកមាត់នេះ ក៏អាចបណ្ដាលមកពីស្ថានភាពជំងឺដែលស្រីៗ​យើង​មិនដឹងខ្លួនថាមានផងដែរ។ ១. ជំងឺដុះរោម ជំងឺដុះរោមគឺជាវិបត្តិនៃការដុះរោមលើចង្ការ និងលើបបូរមាត់ ហើយរោម​ក៏អាចលេចឡើងនៅកន្លែងផ្សេងទៀតនៃរាងកាយផងដែរ។ ជំងឺនេះគឺបង្កដោយការកើនឡើងនូវកម្រិតអ័រម៉ូនតេស្តូស្តេរ៉ូន(អរម៉ូនបុរស)។ ជំងឺដុះរោមនេះមានមកពីតំណរពូជដែលបញ្ជាក់ថាម្នាក់ក្នុងចំណោមសមាជិកគ្រួសារមានវិបត្តិនេះដែលធ្វើឲ្យយើង​ងាយនឹងកើត។ ម្យ៉ាងទៀតគឺស្ត្រីនៅក្នុងតំបន់មេឌីទែរ៉ាណេ មជ្ឈឹមបូព៌ា និងអ្នក​ជំនាន់ក្រោយនៃ​ជនជាតិអាស៊ីគឺ​ងាយនឹងកើតវិបត្តិនេះ។ ២.​ខូចក្រពេញអាដ្រេណាល់ (Adrenal ) ពីកំណើត វិបត្តិមួយ​នេះក៏ជាស្ថានភាពតំណរពូជផងដែរ។ អាការៈនេះ​នាំឲ្យ​មាន​ការបង្កើន​ការផលិតអ័រម៉ូនស្តេរ៉យ (cortisolនិង​androgen)​ដែលចេញពីក្រពេញអាដ្រេណាល់ហើយ​រំញោចដល់ការលូតលាស់រោមលើផ្ទៃមុខ។ អត្ថបទពាក់ព័ន្ធ៖ ចង់ឲ្យសក់មានសុខភាពល្អ កុំរំលងអាហារ ៩ ប្រភេទនេះ ជ្រុះសក់ ប្រើអីក៏មិនត្រូវ អាចសាក​ល្បងវិធីសាស្ត្រ​​នេះ ស្រីៗ​គួរ​ដឹង! របៀប​ត​រោម​ភ្នែក​ឲ្យ​ស្អាត ហើយ​សុវត្ថិភាព តិចនិកជម្រុះរោមបែប​ធម្មជាតិមានប្រសិទ្ធភាព និងសុវត្ថិភាព តែស្រីៗអត់សូវដឹង! តរោមភ្នែកឃើញស្អាត តែលំបាកបែបនេះ អ្នកមិនទាន់សាកអាចលែងចង់ ចង់បានក្រចកស្អាត និងសុខភាពល្អ កុំភ្លេចអនុវត្តវិធីទាំងនេះ ៣. គីសច្រើននៅក្រពេញអូវែ ចំពោះ​ស្រីៗ​​យើង​ដែលមានវិបត្តិគីស​នៅក្រពេញ​អូវែ តែងតែមានរោមមុខខ្មៅដោយសារអតុល្យភាពអ័រម៉ូន។ ក៏មាន​ដែរ​ស្រីៗយើង​ផ្សេង​ទៀត ​ក៏អាចមានគីសច្រើននៅក្រពេញអូវែដែរ ទោះបីជាមិនបង្ករ​ឲ្យដុះពុកមាត់ តែបង្កឲ្យ​មានការឡើងទម្ងន់ខុសធម្មតា​ មានបញ្ហាមិនអាចពរពោះ និងរដូវមកមិនទៀងទាត់​ជាដើម​។ ៤. ជំងឺ Cushing’s syndrome ជំងឺនេះគឺសម្គាល់ដោយការកើនឡើងនូវកម្រិតអ័រម៉ូនករទីសុល(cortisol) ដែលជាអ័រម៉ូនស្តេរ៉យ (steroid) ធ្វើការបញ្ចេញតប​នឹងភាពស្ត្រេស។ ជំងឺនេះបង្កឲ្យមានអតុល្យភាពអ័រម៉ូន និងជំរុញការដុះរោមលើផ្ទៃមុខ។ ស្រីៗ​ដែលប្រើថ្នាំអ័រម៉ូនករទីសុលរយៈពេលយូរអាចនឹងកើតជំងឺcushing’ssyndromeព្រមទាំងដុះពុកមាត់ផងដែរ។ ៥. ដុំពកមហារីក ដុំពកមហារីកលូតលាស់ក្នុងក្រពេញអាដ្រេណាល់ ឬក្រពេញអូវែដែលអាចជំរុញការបញ្ចេញអ័រម៉ូនភេទបុរសនៅលើស្ត្រីដែល​ធ្វើ​ឲ្យ​មាន​ការ​ដុះរោម​លើមុខ​ក្រាស់។ ប្រសិនបើស្រីៗ​យើង​សង្កេតឃើញមានការផ្លាស់ប្ដូររោមលើផ្ទៃមុខ រដូវមកមិនទៀងទាត់ ឬសំឡេង​ឡើងគ្រលរ […]

ដើម្បីថែរក្សាសម្រស់និងសុខភាពស្បែកឲ្យបានស្រស់ស្អាតយូរអង្វែង យើងត្រូវតែបន្ថែមវីតាមីនKទៅក្នុងរបបអាហារប្រចាំថ្ងៃ។វីតាមីនKមានផ្ទុកនៅក្នុង​ស្លឹក​បន្លែ​ពណ៌​បៃតង​ដូចជា​ផ្កា​ខាត់ណា​បៃតង​ ​ស្ពៃក្ដោប ជីនាងវង និង​ភ្លៅកង្កែប ជាដើម។ វីតាមីន K ពិតជាមាន​ប្រសិទ្ធភាពចំពោះសុខភាព​ និង​សម្រស់។ ខាងក្រោមនេះគឺជាការ​ពន្យល់​អំពីវីតាមីននេះឲ្យកាន់ច្បាស់សម្រាប់​គ្នា​យើង​បាន​ដឹង​។ ១. វីតាមីនK ជួយកម្ចាត់ស្នាមខ្មៅក្រោមភ្នែក នៅក្នុងយុគសម័យទំនើប ស្ត្រេសពីកន្លែងធ្វើការ និងជីវិតរស់នៅបង្កឲ្យស្រីៗ​យើង​ជាច្រើនមានភាពតានតឹង និងគេងមិនបានគ្រប់គ្រាន់ជាញឹកញាប់។ ជាលទ្ធផលស្នាមខ្មៅក្រោមភ្នែកបានលេចឡើងដែលធ្វើឲ្យបាក់សម្រស់អស់មួយចំណែក។ ក្នុងករណីនេះប្រសិនបើ​ស្រីៗយើង​មាន​របបអាហារសម្បូរទៅដោយវីតាមីនK ឬប្រើប្រាស់គ្រឿងសម្អាងផ្សេងៗ ស្នាមខ្មៅក្រោមភ្នែកនឹងបាត់ទៅវិញ និងពណ៌ស្បែកត្រលប់មករកដូចដើមវិញ។ បន្ថែមរបបអាហារដែលសម្បូរវីតាមីនKនោះ ស្នាមខ្មៅក្រោមភ្នែកនឹងបាត់ទៅវិញយ៉ាងឆាប់រហ័សហើយយើង​នឹងមានភ្នែកដែលមានសុខភាពល្អ និងស្រស់ថ្លា។ អត្ថបទគួរអាន៖ បង្កើន​ថាមពល​សាច់ដុំ កាន់តែ​ជួយឲ្យ​អាយុវែង ស្វែងយល់អំពីប្រូតេអ៊ីនក្នុងបន្លែ និងសាច់ បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព ២. វីតាមីនK ជួយរក្សាភាពរលាស់របស់ស្បែក អាយុកាន់តែច្រើនគឺជារឿងដែលស្រីៗយើង​ចាប់ផ្ដើម​ខ្វល់ខ្វាយបំផុតជាមួយ​នឹង​សម្រស់។ ស្បែកដែលមានភាពរលាស់តិចគឺជាមូលហេតុនៃការវិវត្តទៅ​រកភាព​ចាស់នៃ​ស្បែក​ ហើយស្នាមជ្រីវជ្រួញគឺជាការបង្ហាញមុនដំបូងលើស្បែកដែលបាត់បង់ភាពរលាស់បន្ដិចម្ដងៗដោយសារកង្វះប្រូតេអ៊ីន។ ដើម្បីកម្ចាត់ចេញនូវរោគសញ្ញាទាំងនេះស្រីៗយើង​អាចទាញគុណសម្បត្តិបានយ៉ាងច្រើនពីវីតាមីនK ដែលមានផ្ទុកក្នុងអាហារ ជាពិសេសបន្លែបៃតងដែលជួយរក្សាសារធាតុចិញ្ចឹមរបស់ប្រូតេអ៊ីនក្នុងស្បែកព្រមទាំងជួយបង្កើនភាពរលាស់ និងជួយឲ្យស្បែកកម្ចាត់ចេញ​នូវ​​សញ្ញានៃភាពចាស់នេះ។ អត្ថបទពាក់ព័ន្ធ៖ ស្វែងយល់អំពីប្រូតេអ៊ីនក្នុងបន្លែ និងសាច់ ៣. វីតាមីនK ជួយកំណកឈាម ស្នាមជាំអាចបង្កដោយការទង្គិចស្បែក និងសរសៃឈាមដែលប៉ះពាល់ដោយសារកំណកឈាម។ ស្នាមជាំ​នឹងបង្កឲ្យស្បែកឡើងស្រអាប់​មួយរយៈពេល។ នៅដំណាក់កាលនេះវីតាមីនKគឺជាថ្នាំដែលល្អបំផុតក្នុងការកម្ចាត់ឈាមកក។ យើង​អាចប្រើវីតាមីន​K​ដោយលាបផ្ទាល់លើស្បែកសម្រាប់បង្កើនពណ៌​ស្បែក​ឬប្រើអាហារដែលមានផ្ទុកទៅដោយវីតាមីនKដើម្បីផ្ដល់នូវសារធាតុចិញ្ចឹមហើយ​នៅ​ពេល​នោះ​ស្នាមជាំឬស្នាមខ្មៅក្រោមភ្នែកនឹងបាត់ទៅវិញដោយខ្លួនឯង។​ ៤. វីតាមីនK ជួយកម្ចាត់បញ្ហាស្បែក គុណសម្បត្តិនៃវីតាមីនK ចំពោះស្បែក​ដែល​យើង​អាច​មើល​ដឹង​គឺ​ជួយ​កម្ចាត់ចេញនូវបញ្ហាស្បែកទូទៅ។ ជាឧទាហរណ៍មានដូចជាស្នាមជាំ ស្នាមផ្លែ និងស្នាមសង្វារ ជាដើម។ ជាពិសេសទៅទៀតការមានអាហារបំប៉នវីតាមីនK គ្រប់គ្រាន់នឹងជួយពន្លឿនរបួសស្នាមឲ្យជាសះលឿន និងជួយ​ស្បែកប្រឆាំងនឹងការរលាក និងឆ្លងផុតការលេចចេញនូវសរសៃវ៉ែនប៉ោងធំលើស្បែក។ ទាំងអស់នេះគឺជាគុណសម្បត្តិនៃវីតាមីនKហេតុនេះត្រូវចេះថែរក្សាស្បែកខ្លួនយើង​ឲ្យបានត្រឹមត្រូវ។

ប៉ុន្មាន​ឆ្នាំមកនេះ​យុវវ័យ​កម្ពុជា​ពេញ​និយម​បក​ស្បែក​ខ្លាំង​ណាស់ ហើយ​រហូត​មក​ទល់​សព្វថ្ងៃ​ក៏​នៅតែ​មាន​អ្នក​មាន​ធ្វើ​បែប​នេះ​ដដែល ព្រោះ​តែ​ចង់​បាន​សម្រស់​ស្បែក​ស​ស្អាត។ វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ​បាន​ឲ្យ​ដឹង​ថា ការ​មិន​គិត​ពី​សុខភាព​របស់​ខ្លួន​ដោយ​ជ្រើសរើស​វិធី​មួយ​នេះ គឺជាបំផ្លាញខ្លួនឯង។ លោក​បន្ត​ទៀត​ថា យុវតី​ដែល​កំពុង​និយម​បក និងចាក់​ថ្នាំ​ឲ្យ​ស្បែក​ស​នោះ អាច​បណ្ដាល​ឲ្យ​កើត​ជំងឺ​សើស្បែក និង​ជំងឺ​មហារីក​ស្បែក​ផង​ដែរ។ វេជ្ជបណ្ឌិត​រូប​នោះ​បាន​បន្ថែម​ទៀត​ថា ពេល​ក្រោយ​បក​ស្បែក​ហើយ​មិន​បាន​ថែរក្សា​វា​ឲ្យ​បាន​ត្រឹមត្រូវ នោះ​ស្បែក​របស់​ពួកគេ​ងាយ​នឹង​រង​រលាក​ពី​កម្ដៅ​ព្រះអាទិត្យ ព្រោះ​ស្បែក​នោះ​ខ្សោយ​ជាង​ស្បែក​ធម្មតា ដែល​ស្បែក​ដើម​មាន​សុខភាព​រឹងមាំ​ជាង។ ម្យ៉ាង​វិញ​ទៀត​ពន្លឺ​ព្រះអាទិត្យ​មាន​កាំ​រស្មី UV ដែល​នាំ​ឲ្យ​កើត​ជំងឺ​មហារីក​ស្បែក​បាន ហើយ​ការ​បក​ស្បែក​នេះ​ទៀតសោត អាច​មិន​បាន​ធ្វើ​តាម​បច្ចេកទេស ព្រោះ​ចេះ​តែ​នឹក​ឃើញ និង​ធ្វើ​ត្រាប់​ត​ៗ​គ្នា​ប៉ុណ្ណោះ។ ចំពោះ​ថ្នាំ​ធ្វើឲ្យ​ស្បែក​ស​ដែល​លក់​លើ​ទីផ្សារ​វិញ នៅ​លើ​សម្បកដប​ថ្នាំ មាន​លាយ​សារធាតុ​មួយ​ចំនួន​គេ​មិន​បាន​ប្រាប់​យើង​ឲ្យ​ដឹង ដែល​ក្នុង​នោះ​អាច​មាន​លាយ​សារធាតុ បារត អាស៊ីដ​ខ្សោយ ថ្នាំ​ប្រឆាំង​ការ​រលាក និង​សារធាតុ​គីមី​កាត់​មួយ​ចំនួន​ទៀត នាំឲ្យ​កើត​ជំងឺ​សើ​ស្បែក និង​មហារីក​ស្បែក ព្រោះ​ថា​ថ្នាំ​ទាំងនោះ​បាន​ធ្វើឲ្យ​ស្បែក​បាត់បង់​ប្រព័ន្ធ​ការពារ។

យើង​អាច​នឹង​ចង់​បាន​ក្រចក​ដែល​ស្រស់​ស្អាត ហើយ​ក៏​ចង់​ឲ្យ​ក្រចក​វែង​លឿន​ដែរ។ ទោះបីជាយើង​មិន​អាច​ធ្វើ​ឲ្យ​ក្រចក​ដុះ​លឿន​ភ្លាមៗ ប៉ុន្តែ​យើង​អាច​ជួយ​ពង្រឹង​សុខភាព​ក្រចក​ដែល​អាច​ជួយ​ឲ្យ​ក្រចក​ដុះ​លឿន​តាម​ដែល​អាច​ធ្វើ​ទៅ​បាន។ ១. ញ៉ាំ​អាហារ​សម្បូរ​ដោយ​វីតាមីន B7 (Biotin) ការ​ញ៉ាំ​អាហារ​សម្បូរ​ដោយ​វីតាមីន B7 ធ្វើ​ឲ្យ​ក្រចក​រឹងមាំ។ អ្នក​ជំនាញ​មួយ​ចំនួន​បាន​លើកឡើង​ថា​ការ​ទទួល​បាន​វីតាមីន B7 ២,៥មិល្លីក្រាម​អាច​ពង្រឹង​ក្រចក​បាន​ក្នុង​រយៈពេល​២ទៅ៣​សប្ដាហ៍។ អាហារ​ដែល​មាន​វីតាមីន B7 មាន​ដូចជា ពោត ស៊ុត​ពណ៌​លឿង ទឹកដោះគោ សណ្ដែកសៀង ផ្លែបឺរ ផ្លែ​ចេក ផ្កាខាត់ណាខៀវ ផ្សិត ឈីស សាច់ត្រី សាច់​មាន់ និង​សាច់​ជ្រូក។ ២. ចៀសវាង​ការ​ត្រូវ​ទឹក និង​សាប៊ូ​ច្រើន យក​ល្អ​កុំ​ឲ្យ​ក្រចក​ត្រូវ​ទឹក​ច្រើន​ពេក​លើកលែង​តែ​ពេល​លាងដៃ និង​ពេល​ងូតទឹក។ នៅ​ពេល​លាង​ចាន ឬ​ធ្វើ​កិច្ចការ​ក្នុង​ផ្ទះ​ផ្សេងៗ យើង​គួរ​ពាក់​ស្រោមដៃ​ដើម្បី​កុំ​ឲ្យ​ក្រចក​ត្រូវ​ទឹក និង​សាប៊ូ​ច្រើន។ ការ​ការពារ​កុំ​ឲ្យ​ក្រចក​ត្រូវ​ទឹក​ ឬ​សាប៊ូច្រើន​អាច​រក្សា​សំណើម និង​បន្ថយ​ហានិភ័យ​នៃ​ការ​បាក់​ក្រចក។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនារកចង្វាក់បេះដូងលោត ចុចទីនេះ! ៣. ឈូស​ក្រចក​ជាប្រចាំ យើង​គួរ​ឈូស​ក្រចក​ឲ្យ​បាន​ម្ដង​ក្នុង​មួយ​សប្តាហ៍ និង​នៅពេល​ក្រចក​រហែក។ ដើម្បី​ឲ្យ​ក្រចក​រឹងមាំ​មិន​ងាយ​បាក់​គួរ​ឈូស​ជា​រាង​មូល​ទ្រវែង។ ក្រៅ​ពី​នេះ​យើង​ត្រូវ​សម្អាត​ក្រចក​ឲ្យ​បាន​ស្អាត និង​ចៀសវាង​កុំ​ខាំ​ក្រចក ឬ​កាត់​ក្រចក​ខ្លី​ពេក។ [embed-health-tool-ovulation] ៤. លាប​ថ្នាំក្រចក​ថ្លា និង​ចៀសវាងការ​ត​ក្រចក ការ​លាប​ថ្នាំ​ក្រចក​ថ្លា​​អាច​ជា​របាំង​ការពារ​ក្រចក និង​ធ្វើ​ឲ្យ​ក្រចក​រឹងមាំ​មិន​ងាយ​បាក់។ យើង​អាច​លាប​ត្រឹម​តែ​មួយ​ជាន់​ក៏​​អាច​ការពារ​ក្រចក​បាន​ដែរ។ ការ​សិក្សា​បាន​រកឃើញ​ថា​ការ​ប្រើ​កាវ​ត​ក្រចក​អាច​ធ្វើ​ឲ្យ​ក្រចក​យើង​ខ្សោយ និង​ងាយ​បាក់ […]

ឡេ​លាយ​ពេញ​និយម​បំផុត​ក្នុង​ចំណោម​យុវតី អ្នក​ខ្លះ​ក៏​លាយ​ខ្លួន​ឯង ឯ​អ្នក​ខ្លះ​ទៀត​ទិញ​ឡេ​គេ​លាយ​ស្រាប់​លក់​តាម​ផ្សារ ឬ​អនឡាញ​​យក​​មក​លាប ​ដើម្បី​ឲ្យ​ស្បែក​សខ្ចី ម៉ដ្ត​រលោង។ ឡេលាយ​ធ្វើ​ឲ្យ​ស្បែក​ស​ពិត​មែន តែ​វា​មាន​ផល​ប៉ះពាល់​ច្រើន​ចំពោះ​ស្បែក និង​សុខភាព​យើង។

មុន​ ជា​រឿង​គួរ​ឲ្យ​រំខាន ពិសេស​អ្នក​ទើប​ពេញ​វ័យ។ គ្រាន់​តែ​ខ្លះ​ឡើង​មុន ក៏​បាត់​ទៅ​វិញ​នៅ​វ័យ​ណា​មួយ ខ្លះ​ទៀត​ឡើង​ហើយ ឡើង​រហូត។ កើត​មុន​ជារឿង​ធម្មតា​ទេ បើ​ចង់​ព្យាបាល​មុន​ឲ្យ​ជា​សះ​ស្បើយ ត្រូវ​ដឹង​ពី​ឫស​គល់ មូលហេតុ​នាំ​ឲ្យ​កើត​មុន​ច្បាស់​សិន។ “Hello គ្រូពេទ្យ” នឹង​ប្រាប់​ពី​មូល​ហេតុ​ធំៗ​ទាំង ៥ ធ្វើ​ឲ្យ​យើង​ឡើង​មុន​ពេញ​មុខ។

គ្នាយើង​មួយ​ចំនួន​អាច​នឹង​ជួបបញ្ហា​សក់​ឡើង​ប្រេង​ ហើយ​តែង​ចំណាយ​លុយ​ទៅ​លើ​សាប៊ូ ឬ​កក់​សក់​ញឹកញាប់។ ក្រៅ​ពី​វិធីទាំងនេះ របប​អាហារ​ក៏​អាច​ជា​ចំណែក​មួយ​បង្ក​បញ្ហា​សក់​ឡើង​ប្រេង និងដោះស្រាយ​បញ្ហានេះ​ដែរ។ ការ​ញ៉ាំ​អាហារ​ខ្លះ​ក៏​អាច​​បង្កើន​ការ​ផលិត​ប្រេង ឬ​ខ្លាញ់ និង​អាហារ​មួយ​ចំនួន​ជួយ​បន្ថយ​ការ​ផលិត​ប្រេង ឬ​ខ្លាញ់​វិញ​ដែរ​។ អាហារ​ធ្វើឲ្យ​សក់ឡើង​ប្រេង​ ១. ស្ករ អ័រម៉ូន​ក្នុង​រាងកាយ​គឺ​ជួយ​រាងកាយ​ក្នុង​ការគ្រប់គ្រង​ដំណើរការ​ទាំងអស់​ដែល​មាន​ក្នុង​រាងកាយ​របស់​យើង។ ហេតុ​នេះ​ហើយ​ទើប​ការ​រក្សា​តុល្យភាព​អ័រម៉ូន​សំខាន់ណាស់។ ដោយឡែក​ស្ករ​គឺ​អាហារ​ដែល​មិន​ជួយ​ដល់​ការ​រក្សា​តុល្យភាព​អ័រម៉ូន​តែ​បែរ​ជា​បង្ក​ឲ្យ​មាន​អតុល្យភាព​អ័រម៉ូន​ទៅ​វិញ​ ព្រោះ​ស្ករ​មាន​ឥទ្ធិពល​ទៅ​លើ​ដំណើរ​នៃ​ការ​រលាក​ក្នុង​រាងកាយ និង​បង្កើន​កម្រិត​ជាតិស្ករ​ក្នុង​ឈាម​ដែល​ជំរុញ​ដល់​ការ​ផលិត​ប្រេង​បន្ថែម។ ២. កាបូអ៊ីដ្រាត​សាមញ្ញ (Refined carbs) កាបូអ៊ីដ្រាត​មាន​កាបូអ៊ីដ្រាតល្អ (Complex) និង​កាបូអ៊ីដ្រាតអាក្រក់ (simple)។ កាបូអ៊ីដ្រាត​សាមញ្ញ​គឺ​ជា​កាបូអ៊ីដ្រាត​អាក្រក់។ អាហារ​ដែល​មាន​កាបូអ៊ីដ្រាត​សាមញ្ញ​គឺ​នំប៉័ង​ដែល​ធ្វើ​ពី​គ្រាប់ធញ្ញជាតិ​ចម្រាញ់​។ គ្រាប់ធញ្ញជាតិ​ចម្រាញ់​គឺជា​គ្រាប់​ធញ្ញជាតិ​ដែល​គេ​កែច្នៃ​ដើម្បី​ឲ្យ​ទន់ និង​ស្រាល​ជាមុន។ កាបូអ៊ីដ្រាត​សាមញ្ញ​ទាំងនេះ​ធ្វើ​ឲ្យ​រាងកាយ​ធ្វើ​ការ​ធ្ងន់​ក្នុង​ដំណើរការ​បំបែក​កាបូអ៊ីដ្រាត។ ដំណើរការនេះដែរ​ធ្វើ​ឲ្យ​ក្រពេញ​ប្រេង​ផលិត​ប្រេង​ច្រើន ហើយ​ស្បែកក្បាល​យើង​មាន​ប្រេង​ច្រើន។ ៣. អាហារ​បំពង ប្រភេទ​អាហារ​បំពង ឬ​ប្រភេទអាហារ Fast foods ផ្សេងទៀត​អាច​ធ្វើ​ឲ្យ​រាងកាយ​យើង​មាន​ប្រេង​ច្រើន​ព្រោះ​តែ​មាន​ការ​ជំរុញ​ដល់​ក្រពេញ​ប្រេង​ហួស​ហេតុ។ ប្រេង​ដែល​ផលិត​មក​មាន​នៅ​លើ​ស្បែក​រួមទាំង​ស្បែក​ក្បាល។ ដូចនេះ ការ​ញ៉ាំ​បឺរហ្គឺរ​នៅ​ពេល​ល្ងាច​អាច​នឹង​ធ្វើឲ្យ​សក់​យើង​ស្អិត​ក្នុង​ពេល​មួយ​យប់។ ការ​ចៀសវាង​អាហារ​ប្រភេទ​នេះ​មិនត្រឹម​តែ​ជួយ​ដល់​សុខភាព​ទេ​ នៅ​ធ្វើ​ឲ្យ​សក់​មើល​ទៅ​ស្អាត​ផង​ដែរ។ ៤. ផលិតផល​ទឹកដោះគោ ផលិតផល​ទឹកដោះគោ​អាច​បង្ក​ឲ្យ​មាន​ការ​ផលិត​ខ្លាញ់​បន្ថែម នេះ​មក​ពី​ផលិតផល​ទឹកដោះគោដូចជា​ទឹកដោះគោ បឺរ និង​ឈីស​នឹង​ត្រូវរាងកាយ​​រំលាយ​ជា​ប្រេង និង​ខ្លាញ់។ ដូចនេះ​ហើយ​ធ្វើ​ឲ្យ​សក់​យើង​មាន​ភាព​ស្អិត និង​ធ្វើ​ឲ្យ​មុខ​ឡើង​មុន​ដែរ។ ម៉្យាងទៀត​ផលិតផល​ទឹកដោះគោ​ផ្ទុក​សារធាតុ​ទាក់ទង​ទៅ​នឹង​អ័រម៉ូន​តេស្ដូស្តេរ៉ូន​ដែល​មាន​ឥទ្ធិពល​លើ​ការ​ផលិត​ខ្លាញ់​បន្ថែម។ ការ​ផឹក​ទឹកដោះគោ​ក្ដៅ​ឧណ្ហៗ ឬ​ទឹកដោះគោស្រស់​មួយ​​កែវ​នៅ​ពេល​ល្ងាច​អាច​តម្រូវ​ឲ្យ​យើង​កក់សក់​នៅ​ព្រឹក​បន្ទាប់។ ៥. អំបិល ការ​ញ៉ាំ​អំបិល​ហួស​កំណត់​អាច​បណ្ដាល​ឲ្យ​មាន​អាការៈ​ហើម ស្នាមដក់​ក្រោយ​ភ្នែក អង្គែ និង​បាត់បង់​ជាតិ​ទឹក​ក្នុង​រាងកាយ។ ក្រៅពីនេះ​ក៏​បង្ក​ឲ្យ​រាងកាយ​ផលិត​ប្រេង​ច្រើន​ដើម្បី​ប្រឆាំង​នឹង​ការ​ខ្វះ​ជាតិទឹក។ […]

ការធ្វើអនាម័យរាងកាយ ជាចំណុចសំខាន់ដើម្បីសុខភាពល្អ ក្នុងនោះគ្នាយើងក៏ត្រូវចាប់អារម្មណ៍ឲ្យបានច្រើននៅកន្លែងណា​មួយ​លើរាងកាយដែលងាយបង្កផលប៉ះពាល់សុខភាព ក្នុង​នោះមាន​ដូចជា​ក្រចកដៃ និង​ក្រចកជើងជាដើម។ គ្នាយើងមួយចំនួន​ហាក់មិនសូវយកចិត្តទុកដាក់សម្អាតក្រចក ឬកាត់ក្រចកឲ្យបានទៀងទាត់ ប៉ុន្តែតែដឹងទេ​ថាការ​ទុកក្រចកវែងៗ មិនត្រឹមមើលទៅគ្មានអនាម័យទេ ថែមទាំងប៉ះពាល់សុខភាពទៀត។ ចំណុចខាងក្រោមនេះ អាចដាស់តឿនគ្នាយើងឲ្យ​ងាកមក​កាត់​ក្រចក​ដៃ ​ក្រចកជើងបានទៀងទាត់គ្រប់ៗគ្នា។ ១- ក្រចកបង្កឲ្យងាយឆ្លងមេរោគ និង​បាក់តេរី ទុកក្រចកវែងៗ អាចនាំឲ្យបាក់តេរីងាយឆ្លងចូលក្នុងរាងកាយ ព្រោះថាភាពកខ្វក់អាចលាក់ខ្លួនក្នុងក្រចករបស់យើង។ គ្នាយើងទាំងអស់ច្បាស់ជាដឹងច្បាស់ហើយនូវពពួកបាក់តេរី និងមេរោគដែលមានក្នុងរបស់កខ្វក់ ហើយពួកវាងាយតោងជាប់ក្នុងក្រចកជើងរបស់យើងបំផុត។ នៅពេលយើងពាក់ស្បែកជើង ជើងរបស់យើងនឹងបញ្ចេញញើស ព្រោះថាស្បែកមិនមានកន្លែងទំនេរគ្រប់គ្រាន់ដើម្បីដកដង្ហើម ហើយបើយើងមិនកាត់ក្រចកឲ្យបានស្អាតទេនោះ បាក់តេរី មេរោគតូចៗ នឹងចាប់ផ្តើមលូតលាស់ក្នុងក្រចកជើងយើង នាំឲ្យឆ្លងចូលក្នុងរាងកាយបានយ៉ាងងាយ។ ២- ឆ្លងមេរោគផ្សិត ការឆ្លងមេរោគផ្សិត ត្រូវចាត់ទុកជាករណីឧស្សាហ៍កើតមានបំផុត ពិសេសនៅលើស្បែកត្រង់ប្រអប់ជើង ចន្លោះរវាងប្រអប់ជើង និងក្រចក នៅពេលក្រចកជើងយើងកាន់តែវែង អត្រាហានិភ័យឆ្លងក៏កាន់តែខ្ពស់។ ពពួកមេរោគផ្សិតហៅថា Fungi សម្បូរនៅកន្លែងមានភាពកខ្វក់ ហើយភាពកខ្វក់មានក្នុងក្រចករបស់យើង គឺដូចគ្នាទៅនឹងពពួកបាក់តេរី ឬមេរោគតូចៗដែរ នាំឲ្យពពួកមេរោគផ្សិតងាយតោងជាប់បំផុត។ អត្ថបទពាក់ព័ន្ធ៖ ​ទឹកក្រូចឆ្មារមាន​គុណសម្បត្តិច្រើន​ជួយសម្អាត និងថែក្រចកដៃ​ បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព​ ៣- បង្កឲ្យពុលអាហារ នៅពេលយើងទុកក្រចកដៃវែងៗ មានន័យថាយើងបានផ្ទុកមេរោគ បាក់តេរីជាច្រើនប្រភេទនៅក្នុងនោះ ហើយពេលយើងប្រើដៃញ៉ាំអាហារទាំងមិនបានកាត់ក្រចកឲ្យស្អាត ដូចកំពុងចម្លងបាក់តេរីទាំងនោះចូលក្នុងប្រព័ន្ធរាងកាយយើងអ៊ីចឹង ដែលជាលទ្ធផលនាំឲ្យងាយពុលអាហារ។ អ្នកជំនាញបានទទូចណែនាំគ្នាយើង គួរសម្អាតដៃ និងក្រចកឲ្យបានត្រឹមត្រូវ ទាំងមុនពេលរៀបចំចម្អិន និងញ៉ាំអាហារ។ ៤- […]

បញ្ហា​មុខ​មុន និង​បញ្ហា​ស្បែក​មុខ​ផ្សេងៗទៀត​គឺ​អាច​បង្ក​ដោយ​មូលហេតុ​ច្រើន​ដូចជា​របបអាហារ ឬការ​​ប្រើប្រាស់​ផលិតផល​ខុស​ជាដើម។ ប៉ុន្តែ​ក៏មាន​ការ​ព្យាបាល​តាម​បែប​ធម្មជាតិខ្លះ​​​អាច​ជួយ​ឲ្យ​សុខភាព​ស្បែក​កាន់តែ​ល្អ និង​ស្បែក​ភ្លឺ​រលោងបាន​ដែរ​​។ ១. សម្រាប់​ស្នាមខ្មៅ​ក្រោម​ភ្នែក ល្មៀត​អាច​កាត់បន្ថយ​ស្នាមខ្មៅ​ក្រោម​ភ្នែក​បាន​ដោយ​ផលិត​សារធាតុ​ប្រឆាំង​អុកស៊ីតកម្ម និង​សារធាតុ​ប្រឆាំងការរលាក​ ដែលមាន​ឥទ្ធិពលចំពោះ​ស្បែក​។ ម៉ាសល្មៀត និង​ទឹកម្នាស់ ​​អាច​ធ្វើ​ឲ្យ​ស្បែក​ក្រោម​ភ្នែក​ទន់ និង​រលោង​ជាមុន។ របៀបធ្វើ៖ លាយ​ម្សៅ​ល្មៀត​២​ស្លាបព្រាកាហ្វេ​ជាមួយ​នឹង​ទឹកម្នាស់​២​ស្លាបព្រាកាហ្វេ​ឲ្យ​ខាប់ យក​ល្បាយ​នេះ​ទៅ​លាប​ក្រោម​ភ្នែក​ និង​ទុក​ចោល​១០នាទី​ ជូតចេញ​ដោយ​ប្រើ​កន្សែង​ទន់ ធ្វើ​បែប​នេះ​រាល់ថ្ងៃ​រហូត​ទាល់​តែ​ឃើញ​លទ្ធផល។ ២. សម្រាប់​ការ​រលាកស្បែក​ដោយ​កម្ដៅ​ថ្ងៃ ផ្លែបឺរ​ផ្ទុក​វីតាមីន A D និងE ដែល​ជួយ​សម្រាល​ការ​រលាក​ស្បែក​ដោយ​កម្ដៅ​ថ្ងៃ ជំរុញ​ការ​ផលិត​ខូឡាជែន និង​បន្ថយ​ការរលាក​ស្បែក​។ ម៉ាសបិទមុខ​ធ្វើ​ពី​ផ្លែ​បឺរ​អាច​ធ្វើតាម​វិធី​ខាងក្រោម៖ យក​ផ្លែបឺរ​កន្លះ​ផ្លែ​ទៅ​កិន ថែម​ទឹក​ក្ដៅ​២​ស្លាបព្រាកាហ្វេ​ទៅ​ក្នុង​ផ្លែ​បឺរ​ដែល​កិន​ហើយ និង​លាយ​ឲ្យ​សព្វ យក​ល្បាយ​នេះ​ទៅ​លាប​លើ​កន្លែង​រលាក​ដោយ​ប្រើ​ជក់ និង​ទុក​ចោល​រយៈពេល​១០​នាទី លាងសម្អាត​ជាមួយ​ទឹកក្ដៅ​ឧណ្ហៗ។ ប្រសិន​ជា​គ្នាយើង​មាន​ស្បែក​ស្ងួត និង​ងាយ​ប្រតិកម្ម​គួរ​ថែម​ទឹកឃ្មុំ​១​ស្លាបព្រាកាហ្វេ​ទៅ​ក្នុង​ម៉ាស​នោះ។ ៣. សម្រាប់​ស្បែក​ឡើង​ពណ៌ (Hyperpigmentation) ដំឡូងបារាំង​ផ្ទុក​វីតាមីន និង​រ៉ែ​ជាច្រើន​ដែល​មាន​ប្រសិទ្ធភាព​ក្នុង​ការ​ព្យាបាល​បញ្ហា​ស្បែក​ឡើង​ពណ៌ ស្មាម​ខ្មៅ និង​ស្នាម​មុន​ជាដើម។ រីឯ​ក្រូចឆ្មារ​មាន​អាស៊ីដ​ ស៊ីទ្រិក (Citric Acid) ដែល​គេ​ចាត់​ទុក​ថា​ជា​ភ្នាក់ងារ​ធ្វើ​ឲ្យ​ស​បែបធម្មជាតិ។ យើង​អាច​ធ្វើ​ម៉ាស​ឲ្យ​ស្បែក​ស​ដោយ​ប្រើ​ដំឡូងបារាំង និង​ក្រូចឆ្មារ។ របៀបធ្វើ៖ យក​ដំឡូងបារាំង​ទៅ​ក្រឡុក​ និង​ត្រង​យក​ទឹក​ដំឡូងបារាំង​ លាយ​ទឹក​ដំឡូងបារាំង​៤​ស្លាបព្រាកាហ្វេ​ជាមួយ​នឹង​ទឹក​ក្រូចឆ្មារ​២​ស្លាបព្រាកាហ្វេ យក​ល្បាយ​នេះ​មកលាប​លើ​កន្លែង​ដែល​ឡើង​ពណ៌​ដោយ​ប្រើ​ជក់ ឬ​សំឡី ក្រោយ​ពី​លាប​ម្ដង​ហើយ​ទុក​ឲ្យ​ស្ងួត ហើយ​លាប​ល្បាយ​នេះ​បន្ថែម​ពីរដងទៀត ទុក​ម៉ាស​ចោល​មួយ​យប់ និង​លាង​សម្អាត​ជាមួយ​នឹង​ទឹកក្ដៅ​នៅ​ពេល​ព្រឹក ធ្វើ​បែប​រាល់ថ្ងៃ​រយៈពេល​មួយ​សប្ដាហ៍។ ប្រសិន​ជា​គ្នាយើង​មាន​ស្បែក​ស្ងួត និង​ងាយ​ប្រតិកម្ម​អាច​ថែម​ទឹកឃ្មុំ​១​ស្លាបព្រា​កាហ្វ និង​ទឹក​កុលាប​១​ស្លាបព្រាកាហ្វេ​ដើម្បី​រក្សា​ជាតិទឹក​នៅ​ស្បែក​កន្លែង​ឡើង​ពណ៌។ សម្រាប់​ទឹក​កុលាប​អាច​យក​ស្រទាប់​ផ្កាកុលាប​ទៅ​រម្ងាស់​ក្នុង​ទឹក។ សម្រាប់​មុខ​ខ្លាញ់វិញ​គួរ​បន្ថែម​ម្សៅ​អង្ករ​២​ស្លាបព្រាកាហ្វេ​ទៅ​ក្នុង​ម៉ាស។ ល្បាយ​នេះ​អាច​រក្សា​ទុក​បាន​ក្នុង​ទូរទឹកកក​រយៈពេល​ពីរ​៣​ទៅ​៤ថ្ងៃ​។​ ៤. សម្រាប់​មុខ​មុន ទឹកខ្មេះ​ផ្លែប៉ោម (Apple cider vinegar) ផ្ទុក​អាស៊ីដអាសេទិក […]

គ្នា​យើង​មួយ​ចំនួន​ប្រហែលជា​ធ្លាប់​មាន​ចម្ងល់​ទាក់ទង​ទៅ​នឹង​ស្នាម​អុជ​ពណ៌​សៗនៅ​លើ​ក្រ​ចក។ តើស្នាម​នេះ​អាច​មាន​ផល​ប៉ះពាល់​អ្វី​ដល់​សុខភាពឬ​ទេ?​។ មូលហេតុ​បង្ក​ ស្នាម​ពណ៌ស​លើ​ក្រចក​នេះ​អាច​បង្ក​ដោយ​មូលហេតុ​ផ្សេងៗ៖ ប្រតិកម្ម៖ នេះ​អាច​បណ្ដាល​មក​ពី​ប្រតិកម្ម​ទៅ​នឹង​ថ្នាំ​លាប​ក្រចក ឬ​ទឹក​លាង​ក្រចក​ជាដើម។ ការ​ត​ក្រចក​ក៏​អាច​បង្ក​ការ​ខូចខាត​ដល់​ក្រចក និង​ជា​មូលហេតុ​បង្ក​មួយដែរ។ ពពួកផ្សិត៖ ជាទូទៅ​ពពួក​ផ្សិត​បង្ក​រោគ​នៅ​ក្រចក​ឈ្មោះ onychomycosis អាច​បង្ក​ឲ្យ​មាន​ស្នាម​លើ​ក្រចក​ដែល​ដំបូង​ជា​ស្នាម​តូច​មួយ ហើយ​យូរ​ទៅ​នឹង​រាលដាល​ និង​​ធ្វើឲ្យ​ក្រចក​ផុយ​ស្រួយ។ របួស​ក្រចក៖ របួស​នៅ​ក្រចក​ក៏​អាចបង្ក​ឲ្យ​មាន​ស្នាម​ពណ៌​ស​នៅ​លើ​ក្រចក​ពេល​ក្រចក​ដុះ​ចេញ​មក។ ប៉ុន្តែ​យើង​អាច​នឹង​មិន​ចាំ​ថា​តើ​យើង​ប៉ះ​នឹង​អ្វី​ព្រោះ​ស្នាម​នេះ​អាច​ចេញ​មក​ក្រោយ​៤​សប្ដាហ៍ ឬ​យូរ​ជាង​នេះ។ ការ​ធ្វើ​ក្រចក​ញឹកញាប់​ក៏​ជា​មូលហេតុ​បង្ក​ដែរ។ កង្វះ​ជាតិរ៉ែ៖ ជាទូទៅ​នៅពេល​មាន​ស្នាម​លើ​ក្រចក យើង​អាច​នឹង​មាន​បញ្ហា​កង្វះ​ជាតិរ៉ែ​ដូចជា​ខ្វះ​ជាតិ​កាល់ស្យូម និង​ស័ង្កសី​ជាដើម។ ក្រៅពី​មូលហេតុ​ខាងលើ​ ស្នាម​ពណ៌​ស​នៅ​លើ​ក្រចក​នេះ​ក៏​អាច​បណ្ដាល​មក​ពី​មូលហេតុកម្រ​ផ្សេងៗ​មាន​ដូចជា​ជំងឺ​បេះដូង សុខភាព​មិន​ល្អ ខ្សោយ​តម្រងនោម ជំងឺ​រលាក​សួត និង​psoriasis និង​តាអក (eczema)។ ការ​ព្យាបាល ការ​ព្យាបាល​គឺ​ផ្អែក​ទៅ​លើ​មូលហេតុ​បង្ក។ ប្រតិកម្ម៖ ផ្អាក​ប្រើប្រាស់​ថ្នាំ​លាប​ក្រចក ឬ​ផលិតផល​ក្រចក​ផ្សេងៗ​ដែល​យើង​គិត​ថា​អាច​មាន​ប្រតិកម្ម។ ប៉ុន្តែ​បើ​នៅ​តែមាន​​បញ្ហា​នេះ​កើត​ឡើង​ក្រោយពី​ឈប់​ប្រើ​ផលិតផល​ក្រចក គួរ​ពិគ្រោះ​ជាមួយ​គ្រូពេទ្យ។ ពពួកផ្សិត៖ គ្រូពេទ្យអាចចេញវេជ្ជបញ្ជា​ឲ្យយើង​ក្នុង​ករណីនេះ ហើយ​ការ​ព្យាបាល​ជាមធ្យម​អាច​នឹង​ត្រូវ​ប្រើ​រយៈពេល​៣ខែ។ របួស​ក្រចក៖ របួស​ក្រចក​ភាគច្រើន​ត្រូវការ​ពេល​ក្នុង​ការ​ជា​សះស្បើយ។ នៅ​ពេល​ក្រចក​ដុះ​ចេញ ការ​ខូចខាត​នៃ​ក្រចក​នេះ​នឹង​ដុះ​ចេញ​មក​ ដែល​យូរ​ទៅ​ស្នាម​ពណ៌​ស​នេះ​ក៏បាត់​ទៅដែរ​​។ អត្ថបទពាក់ព័ន្ធ៖ បើឃើញរោគសញ្ញាទាំងនេះលើក្រចក បញ្ជាក់ថាយើងកំពុងមានបញ្ហាសុខភាព រោគសញ្ញា ១០ យ៉ាង​​ បង្ហាញថាយើង​កំពុងខ្វះវីតាមីន C កូនមានទម្លាប់ខាំក្រចកដៃ ប៉ាម៉ាក់ត្រូវធ្វើម៉េច? ស្រីៗកុំឧស្សាហ៍តជេលក្រចកខ្លាំងពេក ប្រយ័ត្នខូចខ្ទេច ​នេះ​វិធី​ថែ​​ក្រចក​ឲ្យស្អាត ហើយ​សុខភាពល្អ ស្រីៗភាគច្រើន​អត់​ដឹង មកដឹងពីអនាម័យពេលកាត់ក្រចកទារក ចៀសវាងឆ្លងមេរោគ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ […]