សុខភាពស្បែក

ជាំមុខជាជំងឺវិបត្តិជាតិពណ៌ដែលបណ្តាលមកពីកោសិកាមេឡាណូសាយ​​របស់ស្បែកបញ្ចេញជាតិពណ៌មេឡានីនច្រើន ហើយបង្កឱ្យមានការឡើងស្នាមពណ៌ត្នោត ឬក្រមៅស្រាលនៅលើថ្ងាស ថ្ពាល់ ច្រមុះ ឬមាត់។ តើអ្នក​ណាងាយប្រឈមនឹងជាំមុខជាងគេ? ហើយជាំមុខចែកចេញជាប៉ុន្មានប្រភេទ? អាចព្យាបាលជាដែរឬទេ? វេជ្ជបណ្ឌិត ហុង លីដា ឯកទេសជំងឺសើស្បែកទូទៅនៅពេទ្យសើស្បែកអាដាម៉ាបានឱ្យដឹងថា ភាគច្រើនស្រី្តងាយប្រឈមនឹងការជាំមុខជាងបុរស ហើយបើគិតតាមអាយុគឺនៅចន្លោះ ២០ ទៅ ៤០ ឆ្នាំ។ លើសពីនេះទៅទៀត ស្រ្តីដែលមាន​សម្បុរ​ស្រគាំ​ (សណ្តែកបាយ) មាន​ន័យ​ថា មិនសពេក ហើយក៏មិនខ្មៅពេកក៏ងាយប្រឈមនឹងជាំមុខដែរ។ បើ​ស្រ្តីដែលមានសម្បុរស ឬខ្មៅតែម្តងអត់សូវប្រឈមនឹងបញ្ហាជាំមុខទេ។ ស្បែករបស់យើងចែកចេញជាបីស្រទាប់ ស្រទាប់ខាងលើ ស្រទាប់កណ្តាល និងស្រទាប់​ខាង​ក្រោម។ ជាទូទៅជាំមុខកើតតែលើស្រទាប់ស្បែកលើ និង​កណ្តាលទេ ព្រោះស្រទាប់ស្បែកទាំង ២ នេះ​មានផ្ទុកកោសិកាមេឡាណូសាយ​ដែលផលិតជាតិពណ៌។ វេជ្ជបណ្ឌិត ហុង លីដា ឯកទេសជំងឺសើស្បែកទូទៅនៅពេទ្យសើស្បែកអាដាម៉ា (រូបថត ផ្ដល់ឲ្យ) ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ជាទូទៅយើងបែងចែកជាំមុខជា ៣ ប្រភេទទៅតាមកម្រាស់ជាតិពណ៌ និងទីតាំងដែលកើតលើស្រទាប់ស្បែក៖ ១. ប្រភេទទី ១ ស្នាមជាំកើតនៅស្រទាប់ស្បែកខាងលើ។ បើយើងសង្កេតមើលពីខាងក្រៅ ជួនកាល​ឃើញ​ស្នាមជាំមានសភាពដិតច្បាស់ តែតាមពិតជាប្រភេទស្រាលទេ  ហើយងាយស្រួល​ក្នុង​ការ​ព្យាបាល។ ២. ប្រភេទទី ២ ស្នាមជាំកើតនៅស្រទាប់ស្បែកកណ្តាលដែលមានសភាពព្រាល […]

មួយខែម្ដង មិនថាមុន កំពុងមក ឬក្រោយពេលមករដូវ​ទេ ​បញ្ហាស្បែកមុខ​បាន​ក្លាយ​ជា​ក្ដីបារម្ភ​ខ្លាំងសម្រាប់​នារីៗមួយចំនួន។ ​​មូលហេតុ​ដែលស្ដ្រីភាគច្រើនជួបបញ្ហានេះ ក្នុងអំឡុងពេលរដូវ គឺ​ដោយសារតែការប្រែប្រួល អ័រម៉ូនក្នុងរាងកាយ​បីប្រភេទផ្សេងៗគ្នា អ័រម៉ូន Oestrogen, Progesterone និង Testosterone ដែលស្ថិតក្នុងដំណើរវដ្ដរដូវប្រចាំខែ។ ​អ្នកស្រីវេជ្ជបណ្ឌិត Dr Stephanie Ho ឯកទេស​​សុខភាពសើស្បែកពន្យល់ដូច្នេះ។ អ្នកស្រីបន្ថែមទៀតថា ការថយចុះអ័រម៉ូន Oestrogen នឹងបង្កបញ្ហាដល់សុខភាពស្បែក ព្រោះវាមានតួនាទីសំខាន់ ជួយឲ្យស្បែកមុខមានសភាពក្រាស់ មានសំណើមជាតិទឹក និងការពារផលប៉ះពាល់បង្កជាមុខរបួសស្នាមផ្សេងៗ​មកលើស្បែកមុខទៀតផង។ ចំណែក​អ័រម៉ូន Progesterone ជាប្រភេទអ័រម៉ូនងាយធ្វើឲ្យស្បែកមុខមានបញ្ហា ឡើងកន្ទួល រលាក និង ប៉ះពាល់ទៅដល់ស្បែកមុខដែលមានសភាពស្ដើង មានករណីខ្លះគឺអាចបង្កឲ្យស្បែកមុខមានការរមាស់ដុំៗជាប់ស្បែក។ ដូច្នេះការថយចុះបរិមាណ Oestrogen ហើយ កើនឡើង Progesterone ស្របពេលគ្នា គឺមិន​មែន​ជារឿងល្អសម្រាប់សុខភាពស្បែកនោះទេ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! មួយវិញទៀត ក្នុងដំណាក់កាលនោះ មានស្រីៗខ្លះគាត់ជួបបញ្ហាមុខគាត់ក្រៅពីកើតមុន ក៏មានការកើតជាតិខ្លាញ់បន្ថែមមួយកម្រិតទៀត ចំណុចនេះអ្នកស្រីវេជ្ជបណ្ឌិតបានចង្អុលបង្ហាញទៅកាន់វត្ដមាននៃ អ័រម៉ូនមួយទៀត គឺ​អ័រម៉ូន Testosterone […]

អង្គែជារោគសើស្បែកដែលបណ្តាលមកពីក្រពេញលើស្បែកក្បាលយើងធ្វើការហួសកំណត់ ហើយ​បង្កទៅជាការរបកស្បែកក្បាលដែលមាន​សណ្ឋាន​​ជា​កម្ទេច​តូចៗរួមជាមួយអាការៈរមាស់។ តើ​អង្គែ​ធ្វើឱ្យយើងជ្រុះសក់ដែរឬទេ? ហើយអាចចម្លងពីមនុស្សម្នាក់ទៅមនុស្សម្នាក់ទៀតទេ? និងអាច​ការពារ​តាមវិធីណាខ្លះ? វេជ្ជបណ្ឌិត ហុង លីដា ឯកទេសជំងឺសើស្បែកទូទៅនៅពេទ្យសើស្បែកអាដាម៉ាបានឱ្យដឹងថា ជា​ធម្មតា​អង្គែមិនចម្លងពីមនុស្សម្នាក់ទៅមនុស្ស​ម្នាក់ទៀតទេ ព្រោះជាកត្តាសើស្បែករៀងៗខ្លួន ហើយក៏មិន​បណ្តាល​ឱ្យយើងជ្រុះសក់ដែរ ប៉ុន្តែយើងតែងតែសង្កេតឃើញ មានការជ្រុះ​សក់​ពេល​យើង​កើត​អង្គែ។ មូលហេតុដែលបណ្តាលឱ្យយើងជ្រុះសក់ពេលមានអាការៈកើតអង្គែអាចបណ្តាលមកពី៖ ១. ការអេះស្បែកក្បាល អង្គែធ្វើឱ្យយើងរមាស់ ហើយនៅពេលយើងអេះស្បែកក្បាលយើងអាចដាច់រលាត់​ដែលធ្វើឱ្យខូច​ក្រពេញគល់សក់ ហើយបណ្តាលឱ្យជ្រុះសក់។ ២. ការផ្លាស់ប្តូរសាប៊ូកក់សក់ញឹកញាប់ នៅពេលយើងកើតអង្គែ យើងអាចផ្លាស់ប្តូរសាប៊ូកក់សក់​ញឹកញាប់​ដើម្បីស្វែងរកសាប៊ូដែល​អាច​កម្ចាត់​អង្គែបាន ហើយក្នុងសាប៊ូកក់សក់នីមួយៗ​​មានធាតុផ្សំច្រើន ហើយខុសៗគ្នា​ដែល​បណ្តាល​ឱ្យខូចក្រពេញ​គល់​សក់របស់យើង។ យើងក៏អាចជ្រុះសក់ដោយសារឆ្លងមេរោគសើស្បែកណាមួយដែលបណ្តាលមកពីមេរោគផ្សិតដែរ តែអាការៈដែលកើតឡើងដំបូងស្រដៀងនឹងការកើតអង្គែធម្មតាដែលធ្វើឱ្យយើងមានការយល់ច្រឡំថាកើតអង្គែធ្វើឱ្យជ្រុះសក់។ [embed-health-tool-bmi] អង្គែបង្កឡើងដោយកត្តាជាច្រើន តែមូលហេតុចម្បងមានដូចជា៖ ក្រពេញស្បែកឡើងប្រេងគួបផ្សំនឹងរោគផ្សិត Malassezia (មេរោគ​ឱកាសនិយម) ដែលមាននៅលើស្បែករបស់យើង ស្រ្តេស ឬគិតច្រើន ការគេងមិនគ្រប់គ្រាន់ ការញុំាចំណីអាហារដែលមានជាតិសាច់ច្រើន វេចខ្ចប់ស្រាប់ ឬអាហារកំប៉ុង ការញុំាគ្រឿងស្រវឹងដែលធ្វើឱ្យប្រព័ន្ធភាពសុំាយើងចុះខ្សោយ ការកក់សក់សម្អាតក្បាលមិនស្អាត វេជ្ជបណ្ឌិត ហុង លីដា ឯកទេសជំងឺសើស្បែកទូទៅនៅពេទ្យសើស្បែកអាដាម៉ា ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចងពិនិត្យជំងឺសរសៃឈាមបេះដូង ចុចទីនេះ! ខាងក្រោមនេះជាវិធីសាស្រ្តមួយចំនួនដែលអាចការពារយើងពីការកើតអង្គែ៖ កក់សក់ជាប្រចាំឱ្យបានស្អាតល្អ បើស្បែកក្បាលឡើងប្រេង យើងគួរជ្រើសរើសសាប៊ូកក់សក់សម្រាប់ស្បែកក្បាលឡើងប្រេង ញុំាអាហារសម្បូរដោយជីវជាតិល្អៗ ចៀសវាងអាហារបំពង ឬមានជាតិខ្លាញ់ខ្ពស់ដូចជា ហ្វាសហ្វូត លេងកីឡា ឬហាត់ប្រាណ កាត់បន្ថយស្រេ្តស គេងឱ្យបានគ្រប់គ្រាន់ ជាទូទៅអង្គែដែលមានលក្ខណៈស្រាលអាចព្យាបាលជាដោយសាប៊ូព្យាបាល​​​អង្គែរបស់ពេទ្យ តែបើអង្គែ​ដែលមានលក្ខណៈធ្ងន់ធ្ងរត្រូវការជួបគ្រូពេទ្យដើម្បីទទួលយកការព្យាបាលឱ្យបានត្រឹមត្រូវ […]

ការរមាស់ស្បែកក្បាលមិនត្រឹមតែធ្វើឱ្យយើងពិបាកទ្រាំ រំខានដល់ការងារ ឬជីវភាពរស់នៅប្រចាំថ្ងៃ​ទេ ថែមទាំងអាចធ្វើឱ្យយើងខ្មាសគេទៀតផង។ ហេតុអ្វីបានជាយើងរមាស់ស្បែកក្បាល? ហើយគួរដោះស្រាយបែបណា? ខាងក្រោមនេះជាមូលហេតុមួយចំនួនដែលអាចបណ្តាលឱ្យយើងរមាស់ស្បែកក្បាល និងវិធី​ដោះ​ស្រាយ៖ ១.  ប្រតិកម្មនឹងផលិតផលថែសក់ ស្បែកក្បាលយើងមានសភាពស្តើងជាងស្បែកនៅកន្លែងផ្សេងៗទៀតនៃរាងកាយ។ ថ្នាំលាបសក់ សាប៊ូកក់សក់ ក្រែមបន្ទន់ និងផលិតផលថែសក់​មួយ​ចំនួន​អាចមានផ្ទុកសារធាតុគីមី ក្លិនក្រអូប​សិប្បនិម្មិត ឬជាតិកាត់​ខ្លាំង​ដែលធ្វើឱ្យស្បែកក្បាល​យើង​ប្រតិកម្ម ហើយបង្កទៅជារលាក និង​រមាស់។ យើងគួរសាកល្បងឈប់ប្រើផលិតផលថែសក់ដែលយើងសង្ស័យថា បង្ក​ឱ្យ​ស្បែកក្បាល​មានប្រតិកម្មមួយអាទិត្យ ឬមួយរយៈពេលសិន​ដើម្បីមើលថាអាការៈរមាស់ស្បែក​ក្បាល​យើង​មានធូរស្បើយឬទេ? ២. រលាកឫសសក់ ឫសសក់យើងអាចរលាកដោយសារឆ្លងបាក់តេរី ហើយអាចរាលដាលទៅឫសសក់ផ្សេងទៀត​ដែល​បណ្តាលឱ្យឡើងដុំពកពណ៌ក្រហមដូចមុន​លើ​ស្បែកក្បាល និងធ្វើឱ្យយើងរមាស់ និងឈឺ។ ការរលាកឫសសក់ស្រាលអាចជាសះស្បើយក្នុងរយៈពេលពីរបីថ្ងៃដោយខ្លួនឯង តែបើក្នុងករណី​ធ្ងន់ធ្ងរ​គ្រូពេទ្យសើស្បែកអាចចេញវេជ្ជបញ្ជាថ្នាំផ្សះឱ្យយើង។ ៣. មានអង្គែ អង្គែធ្វើឱ្យស្បែកក្បាលមាស់ និងរបកស្បែកជ្រុះលើសក់ ឬអាវ ប្រសិន​បើយើងអេះក្បាល។ ដូច្នេះ​បើយើងសង្ស័យថា រមាស់ស្បែកក្បាលដោយ​អង្គែ គួររកមើលបន្ទះពណ៌សតូចៗនៅលើសក់ ឬអាវ។ ភាគច្រើន យើង​អាច​ព្យាបាលអង្គែដោយប្រើសាប៊ូកក់សក់សម្រាប់ព្យាបាល​​អង្គែ តែត្រូវអនុវត្ត​តាមការណែនាំ​របស់​ផលិតផលដោយប្រុងប្រយ័ត្ន។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៤. ខានកក់សក់យូរ នៅពេលយើងមិនបានកក់សក់ញឹកញាប់ សក់ ស្បែកក្បាល និងឫសសក់នឹងឡើងប្រេង ឬក្អែលដែលបណ្តាលឱ្យមាស់។ បើមានបញ្ហាដូច្នេះ យើងគួរកក់សក់មួយថ្ងៃរំលងមួយថ្ងៃ។ ៥. បែកញើសច្រើន លើសពីនេះទៅទៀត ស្បែកក្បាលអាចរមាស់ដោយសារការបែក​ញើស​ច្រើន ព្រោះញើសផ្សំ​ឡើង​ពីទឹក ជាតិខ្លាញ់ និងអំបិល។ នៅពេល​ញើស​ស្ងួត សារធាតុទាំងនេះ​នឹងជាប់នៅលើ​ស្បែក​ក្បាល​យើងដែលធ្វើឱ្យរមាស់។ ដូច្នេះបន្ទាប់ពីបែកញើសច្រើន យើងគួរកក់សក់។ [embed-health-tool-heart-rate] ៦. […]

ការខាត់ស្បែកជាប្រចាំអាចធ្វើឱ្យស្បែកយើងស្រស់ថ្លា និងក្មេងជាងវ័យព្រោះកោសិកាស្បែក​ងាប់ៗ​ត្រូវបានជម្រុះចេញ។ ផ្ទុយមកវិញ បើយើងខាត់ស្បែកមិនបានត្រឹមត្រូវទេ ស្បែកយើងអាចប្រែ​ជា​ខូច​ ឬមិនទទួលបានលទ្ធផលល្អដូចដែរយើងរំពឹងទុក។ តើយើងគួរខាត់ស្បែករបៀបណា និង​ញឹកញាប់​ប៉ុនណាទើបមិនខូចស្បែក? បើយើងមានស្បែកខ្លាញ់ យើងគួរប្រើស្រ្កាប់ដែលមានជាតិប្រេងតិច ហើយបើយើងមានស្បែកស្ងួត យើងគួរប្រើស្រ្កាប់ដែលមានជាតិប្រេងច្រើនដើម្បីផ្តល់សំណើមដល់ស្បែក។ ខាងក្រោមនេះ​វិធីខាត់ស្បែកតាមលំដាប់លំដោយ និងប្រការចៀសវាង​៖ ១. ផ្សើមស្បែក រួចខាត់ស្បែកថ្នមៗ បន្ទាប់ពីសម្អាតស្បែកដែលយើងចង់ខាត់ជាមួយសាប៊ូ ឬហ្វូមហើយ យើង​ត្រូវប្រើទឹកក្តៅឧណ្ហៗ​លាង​ជម្រះចេញ (ត្រូវប្រាកដថា ស្បែកដែល​យើងចង់ខាត់​សើមទាំងស្រុង) យើងអាចយកស្រ្កាប់​មក​ខាត់ស្បែកថ្នមៗក្នុងចលនារង្វង់ប្រហែល ១០ វិនាទី ហើយត្រូវខាត់ឱ្យសព្វពេញរាងកាយ។ ២. លាងជម្រះស្បែកដែលខាត់ហើយឱ្យស្អាត បន្ទាប់​ពី​ខាត់ស្បែករួច យើងត្រូវលាងជម្រះស្បែកឱ្យស្អាតជាមួយទឹក។ ពេល​ខ្លះ​អាច​នៅសល់​ជាតិ​ប្រេង​បន្តិចបន្តួចនៅលើស្បែកយើងអាស្រ័យតាមប្រភេទស្រ្កាប់ដែលយើងប្រើ ព្រោះទឹកតែមួយមុខ​មិនអាចលាង​ជម្រះជាតិប្រេងឱ្យអស់ទេ។ ជាតិប្រេងដែលនៅសេសសល់នេះមានប្រយោជន៍ដល់ស្បែក ព្រោះ​អាច​ជួយផ្តល់​សំណើម​ខ្លះដល់​កោសិកា​ស្បែក​ថ្មី​​របស់យើង។ [embed-health-tool-bmr] ៣. លាបឡេ ឬគ្រីមផ្តល់សំណើម ក្រោយពេលខាត់ស្បែករួច យើងត្រូវលាបឡេ ឬគ្រីមផ្តល់សំណើមដល់ស្បែក​ដើម្បីការពារ​ស្បែក​ពី​ការស្ងួតដោយសារត្រូវខ្យល់ ឬកកិតជាមួយសម្លៀកបំពាក់ ព្រោះបន្ទាប់ពីខាត់ស្បែករួច ស្បែកដែល​ងាប់ៗត្រូវបានជម្រុះចេញ នៅសល់តែកោសិកាស្បែកថ្មីដែលមានសភាពទន់ខ្យោយ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៤. ចៀសវាងខាត់ស្បែកចុងសុដន់ ពេលខាត់ស្បែក យើងគួរចៀសវាងខាត់ស្បែកចុងសុដន់ ព្រោះស្បែកចុងសុដន់មានសភាពស្តើងខ្លាំង និងងាយប្រតិកម្មដែលអាចបណ្តាលឱ្យដាច់រហែក រលាក ក្រហាយ ឬហូរឈាម។ ៥. ចៀសវាងខាត់ស្បែកកន្លែងសម្ងាត់ ការខាត់ស្បែកទ្វារមាសអាចធ្វើឱ្យបាត់បង់បាក់តេរីល្អៗនៅក្នុងទ្វារមាស និងបណ្តាលឱ្យកម្រិត pH ប្រែប្រួលដែលអាចបណ្តាលឱ្យយើងឆ្លងមេរោគផ្សិតនៅទ្វារមាស។ ប្រសិនបើយើងខាត់ស្បែកលើ​ដង​ខ្លួន យើងគួរខាត់ម្តងក្នុងមួយសប្តាហ៍ តែបើយើងខាត់ស្បែកមុខ […]

ការបែកញើស គឺជាវិធីដែលរាងកាយយើងបញ្ចេញជាតិពុល និងកម្តៅពីក្នុងខ្លួន ប៉ុន្តែការបែក​ញើស​ក្លៀក​អាចធ្វើឱ្យក្លៀកយើងធុំក្លិនមិនល្អ និង​ប្រឡាក់ដាមអាវដែលអាចធ្វើឱ្យខ្មាសគេ ជា​ពិសេស​នៅខែក្តៅដែលជាពេលក្លៀកអាចបែកញើសច្រើន។ តើយើងអាចកាត់បន្ថយ​ការបែក​ញើសក្លៀកតាមវិធីណាខ្លះ? ខាងក្រោមនេះជាវិធីសាស្រ្តមួយចំនួនដែលយើងអាចសាកល្បងប្រើដើម្បីកាត់បន្ថយបែកញើសក្លៀក៖ ១. ងូតទឹកឱ្យបានទៀងទាត់ យើងគួរងូតទឹកឱ្យស្អាត និងត្រជាក់ខ្លួនយ៉ាងហោចណាស់ពីរដងក្នុងមួយថ្ងៃដើម្បីការពារ និង​កាត់​បន្ថយការបែកញើសដោយសារភាពស្អុះស្អាប់​។ ម្យ៉ាងទៀត យើងគួរប្រើសាប៊ូដែល​គ្មាន​ជាតិ​កាត់​ខ្លាំង ឬគ្មានក្លិនប្រអូបក្នុងការសម្អាតក្លៀក។ ២. សម្រកទម្ងន់ ការធាត់ ឬលើសគីឡូក៏ធ្វើឱ្យយើងបែកញើសច្រើនដែរ ដូច្នេះយើងគួរហាត់ប្រាណយ៉ាងហោច​ណាស់ ៣០ នាទីជារៀងរាល់ថ្ងៃ និងកាត់បន្ថយការញុំាអាហារដែលផ្ទុកជាតិម្សៅចម្រាញ់ ខ្លាញ់ និងស្ករខ្ពស់ដើម្បីកាត់បន្ថយកាឡូរីក្នុងខ្លួន និងជួយឱ្យយើង​អាចស្រកទម្ងន់។ [embed-health-tool-bmi] ៣. ស្លៀកសម្លៀកបំពាក់អាចឱ្យខ្យល់ចេញចូលល្អ យើងគួរស្លៀកសម្លៀកបំពាក់ដែលធ្វើពីកប្បាស សូត្រ ឬលីនីនជាដើម​ ដែលរលុងៗព្រោះ​ក្រណាត់​ទាំងនេះអាចឱ្យខ្យល់ចេញចូលបានល្អ កាត់បន្ថយ​ការបែកញើស ការកកើតបាក់តេរី ​និង​ការ​មាន​ក្លិនខ្លួន។ លើសពីនេះទៅទៀតយើងគួរស្លៀកសម្លៀកបំពាក់ដែលមានពណ៌​ស្រាល​ៗ ព្រោះសម្លៀកបំពាក់​ដែលមាន​ពណ៌ក្រមៅ​អាចស្រូបពន្លឺថ្ងៃ និងកម្តៅខ្លាំងដែល​ធ្វើឱ្យយើងបែកញើសច្រើន។ ៤. កាត់បន្ថយស្រេស្ត ការមានភាពតានតឹង ឬស្រេស្តក៏ធ្វើឱ្យយើងបែកញើសច្រើនដែរ ដូច្នេះយើងគួរកាត់បន្ថយ​ភាព​តាន​តឹង​តាមរយៈការដកដង្ហើមវែងៗ ហាត់​យូហ្កា ដើរលំហែរ ឬស្តាប់តន្ត្រីជាដើម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៥. កោរ ឬដករោមក្លៀក រោមក្លៀក រោមមុខ និងរោមលើរាងកាយយើង​អាចជួយបញ្ចេញកម្តៅពីរាងកាយយើង​តាមរយៈ​ការ​បញ្ចេញញើស ដូច្នេះការដក ឬកោររោមក្លៀក​អាចជួយកាត់បន្ថយការបែកញើសក្លៀកបាន។ ៦. កាត់បន្ថយអាហារធ្វើឱ្យបែកញើសច្រើន អាហារដែលអាចធ្វើឱ្យយើងបែកញើសច្រើនមានដូចជា អាហារកែច្នៃ គ្រឿងស្រវឹង ខ្ទឹម ខ្ទឹមបារាំង អាហារ​ដែល​មាន​ជាតិ​ខ្លាញ់​ខ្ពស់ […]

ការខាត់ស្បែកមុខជាប្រចាំអាចជួយជម្រុះកោសិកាស្បែកងាប់ ជំរុញកោសិកាស្បែកថ្មី​ឱ្យដុះឡើង​វិញ​ជួយឱ្យស្បែកមុខយើងភ្លឺរលោង។ ស្រ្កាប់ខាត់ស្បែក​​មុខនៅទីផ្សារអាចមានលាយ​ជាតិគីមីដែលធ្វើឱ្យ​ស្បែក​យើងខូច និងអាចមិនត្រូវនឹងប្រភេទស្បែកមុខរបស់យើង។ តោះមកមើល​គ្រឿងផ្សំធម្មជាតិ​ដែលយើងអាចយកមកខាត់ស្បែកមុខតាមប្រភេទស្បែក! ដើម្បីទទួលបានលទ្ធផលល្អ យើងគួរប្រើស្រ្កាប់ខាត់ស្បែកតាមប្រភេទមុខរបស់យើង៖ ១. ស្រូវសាលីអូត ស្រូវសាលីអូតស័ក្តិសមសម្រាប់អ្នកមានស្បែកស្ងួត ព្រោះអាចជួយស្រូបខ្លាញ់ពីស្បែកមុខ និងជួយ​ការពារ​ស្បែកមុខយើងពីការរលាក។ យើងអាច​លាយស្រូវសាលីអូតមួយស្លាបព្រាបាយ​ជាមួយ​ស្ករត្នោតមួយស្លាបព្រាបាយ ​និងទឹកឃ្មុំមួយស្លាបព្រា។ ២. ម្សៅបេកឃីងសូដា ម្សៅបេកឃីងសូដាអាចជួយការពារស្បែកមុខពីការឆ្លងមេរោគ រក្សាកម្រិត pH ស្បែកមុខឱ្យមាន​តុល្យភាព និងមិនមានជាតិកាត់ខ្លាំងដែល​ស័ក្តិសមជាមួយស្បែកមុខងាយប្រតិកម្ម។ យើងអាច​លាយ​ម្សៅ​បេកឃីង​សូដាមួយស្លាបព្រាជាមួយទឹកពីរបីដំណក់។ ៣. ទឹកក្រូចឆ្មារ ក្រូចឆ្មារមានផ្ទុកអាស៊ីដ alpha hydroxy ដែលអាចជួយកម្ចាត់កោសិកាស្បែកងាប់ និងខ្លាញ់​ចេញ​ពីស្បែក​មុខយើងបានដែលស័ក្តិសមជាមួយស្បែកមុខខ្លាញ់ ឬចម្រុះ។ យើងអាចលាយទឹកក្រូចឆ្មារ​ពាក់កណ្តាលផ្លែជាមួយ​នឹងស្ករសកន្លះពែង ប្រេងអូលីវមួយស្លាបព្រាកាហ្វេ និងទឹកឃ្មុំមួយស្លាប​ព្រាកាហ្វេ។ ៤. ស្ករត្នោត ស្ករត្នោតមានសភាពទន់ជាងស្ករសដែលស័ក្តិសមយកមកខាត់ស្បែកមុខ​ងាយប្រតិកម្ម។ យើង​អាច​លាយស្ករត្នោតមួយស្លាបព្រាបាយជាមួយប្រេងអូលីវមួយស្លាបព្រាបាយ។ ៥. យ៉ាអួ យ៉ាអួមានផ្ទុកអាស៊ីដ alpha hydroxyl ជួយផ្តល់សំណើមដល់ស្បែកមុខ និង​ល្អ​ចំពោះ​ស្បែកស្ងួត។ យើង​អាចលាយយ៉ាអួមួយស្លាបព្រាកាហ្វេជាមួយ​ទឹកឃ្មុំមួយស្លាបព្រាកាហ្វេ និង​ស្រូវសាលីអូត​មួយ​ស្លាបព្រាកាហ្វេ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៦. ទឹកឃ្មុំ ទឹកឃ្មុំមានផ្ទុកសារធាតុប្រឆាំងនឹងបាក់តេរីដែលអាចជួយកាត់បន្ថយការឆ្លងមេរោគស្បែក ការ​ឡើង​ក្រហម និងការឡើងមុន។ ទឹកឃ្មុំក៏ជួយផ្តល់សំណើមដល់ស្បែកដែរ ដូច្នេះស័ក្តិសម​ជាមួយ​ស្បែក​ស្ងួត។ យើងអាចលាយទឹកឃ្មុំមួយស្លាបព្រាកាហ្វេជាមួយម្សៅបេកឃីងសូដាកន្លះស្លាបព្រា​កាហ្វេ។ ៨. កាហ្វេ ម្សៅ ឬកាកកាហ្វេមានសភាពក្រើមដែលអាចជួយកម្ចាត់កោសិកាស្បែកងាប់ចេញពីមុខ និង​ជួយ​ឱ្យ​ស្បែក​មានសំណើម ហើយស័ក្តិសមជាមួយស្បែកស្ងួត។ យើងអាចលាយកាហ្វេ​មួយស្លាបកាហ្វេ​ជាមួយប្រេងដូងមួយស្លាបព្រាកាហ្វេ។ [embed-health-tool-bmr] ៩. ល្ហុង ល្ហុងស័ក្តិសមជាមួយស្បែកចំរុះ និងមានផ្ទុកអង់ស៊ីមដែលជួយកម្ចាត់កោសិកាស្បែក​ងាប់​ ឬរបួស […]

មុនក្បាលខ្មៅភាគច្រើនកើតនៅលើមុខ ជាពិសេសនៅលើច្រមុះ និង​គែមច្រមុះដែល​ជាតំបន់​​មាន​ខ្លាញ់ច្រើន។ ហេតុអ្វីបានជាយើងមាន​មុនក្បាលខ្មៅ? ហើយអាចកម្ចាត់បានតាម​វិធី​ណាខ្លះ? មុនក្បាលខ្មៅគឺជាមុនបើកមុខដែលមានក្បាលពណ៌ខ្មៅ ហើយកើតឡើងដោយសារការស្ទះ​​ធូលីដី ខ្លាញ់ កោសិកាស្បែកងាប់ៗ បាក់តេរី ឬគ្រឿងសម្អាងជាដើម នៅក្នុងរន្ធញើស។ ដោយសារ​រន្ធញើសបើកចំហ ពេលត្រូវខ្យល់ កម្ទេចធូលីទាំងនេះមានប្រតិកម្មអុកស៊ីត ហើយ​ប្រែ​ពណ៌​ទៅជាពណ៌ខ្មៅ។ ស្រីៗ​យើងអាចសាកកម្ចាត់មុនក្បាលខ្មៅតាមបែបធម្មជាតិដូចខាងក្រោម៖ ១​. ស្រ្កាប់ម្សៅបេកឃីងសូដា យើងអាចលាយម្សៅបេកឃីងសូដាមួយស្លាបព្រាបាយ ជាមួយទឹកក្រូចឆ្មាកន្លះស្លាបព្រាបាយ និងទឹកពីរស្លាបព្រាបាយ រួចកូរឱ្យសព្វ។ បន្ទាប់​មកយកល្បាយនេះត្រដុសថ្នមៗលើច្រមុះ​​ ទុក​ចោល ១៥ ទៅ ២០ នាទី រួច​លាង​សម្អាត​ចេញ​ជាមួយ​ទឹក​ក្ដៅ​ឧណ្ហៗ។ យើងអាចធ្វើបែបនេះ​ពីរដងក្នុង​មួយ​សប្តាហ៍។ ការខាត់ស្បែកច្រមុះជាមួយល្បាយម្សៅបេកឃីងសូដា​មិនត្រឹមតែអាចកម្ចាត់រន្ធញើស​ដែល​ស្ទះទេ ថែមទាំងអាចធ្វើ​ឱ្យ​​កម្រិត pH នៅស្បែកច្រមុះមាន​តុល្យភាព ​និងអាចជួយ​ការពារ​ស្បែក​ច្រមុះពី​ការ​ឆ្លង​មេរោគទៀតផង។ ២. ម៉ាសស៊ុតស និងទឹកឃ្មុំ យើងអាចលាយស៊ុតសមួយគ្រាប់ជាមួយទឹកឃ្មុំមួយស្លាបព្រាបាយ។ បន្ទាប់​មកលាប​ល្បាយ​នេះ​លើ​ច្រមុះ និងគែមច្រមុះ ហើយ​ទុក​ឱ្យ​ចោល​ប្រហែល ១៥ ទៅ ២០ នាទី រួចលាងសម្អាត​ជាមួយ​ទឹកក្តៅ​ឧណ្ហៗ។ យើងគួរធ្វើបែបនេះពីរដងក្នុងមួយសប្តាហ៍។ ភាពស្អិតរបស់ស្ក្រាប់នេះនឹងជួយកម្ចាត់មុនក្បាលខ្មៅ និងភាពកខ្វក់ចេញពីរន្ធញើស ​ព្រោះស៊ុតស​អាច​ជួយបង្រួមរន្ធញើសដែលធ្វើឱ្យមុនក្បាលខ្មៅចេញមកក្រៅ និងអាចកាត់បន្ថយជាតិខ្លាញ់​នៅ​តំបន់​ស្បែកច្រមុះ។ លើសពីនេះទៅទៀត ទឹកឃ្មុំ​អាចជួយ​កម្ចាត់​បាក់តេរីក្នុងរន្ធញើស និងផ្តល់​សំណើម​ដល់ស្បែក​ច្រមុះ។ ៣. ការឆ្ពុងមុខ ការ​ឆ្ពុងមុខជាមួយចំហាយទឹកក្តៅឧណ្ហៗបីដងក្នុងមួយសប្តាហ៍អាច​ជួយ​បើករន្ធញើស ធ្វើឱ្យ​ស្បែក​ច្រមុះយើង​បែកញើស និង​ជួយ​សម្អាត​ជាតិពុល​ចេញពី​រន្ធញើស​ដែលជួយ​ឱ្យមុនក្បាល​ខ្មៅ​ចេញ​មក​ក្រៅ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង […]

ផ្លែសាច់ គឺជាស្នាមដែលផុសចេញពីសាច់ បន្ទាប់ពីរបួសបានជាសះស្បើយ​ដែលធ្វើឱ្យស្បែក​យើង​មាន​ដុំសាច់ពីលើ មិនរាបស្មើ ហើយមើលទៅមិនស្អាត។ របួសបែបណា​អាច​បណ្តាល​ឱ្យ​យើង​ផ្លែ​សាច់? ហើយយើងគួរថែទាំរបួសដូម្តេចដើម្បីការពារកុំឱ្យផ្លែសាច់? របួសអាចបណ្តាលឱ្យយើងផ្លែសាច់មានដូចជា ការមុតកាំបិត វះកាត់ គ្រោះថ្នាក់ចរាចណ៍ មុនធំៗ ជំងឺអុតស្វាយ ឬការចោះក្រវិលជាដើម។ ពេលមានរបួសជ្រៅ ឬធំៗ យើងគួរថែទាំស្បែកដូចខាងក្រោមដើម្បី​ចៀសវាង​ផ្លែសាច់៖ ១. លាងមុខរបួសជាមួយសាប៊ូ និងទឹក ពេលត្រូវរបួសភ្លាម យើងអាចលាងមុខរបួសជាមួយសាប៊ូ និងទឹក ឬជាមួយសេរ៉ូមប្រៃ​ដើម្បី​សម្អាត​មេរោគ ឬធូលីដី។ យើងគួរចៀសវាងលាងមុខរបួសជាមួយដ្រូសែនពែអុកស៊ីត ឬអាល់កុល ព្រោះ​សារធាតុទាំងនេះអាចធ្វើឱ្យស្បែកមុខរបួសយើងស្ងួត។ ២. រុំមុខរបួសជាមួយបង់រុំរបួស បន្ទាប់មកយើងអាចលាបមុខរបួសជាមួយថ្នាំសម្លាប់មេរោគ និងរុំមុខរបួសជាមួយបង់រុំរបួស ឬបិទ​មុខ​របួសជាមួយបង់បិទរបួសដើម្បីការពារមុខរបួសកុំឱ្យហូរឈាម ប៉ះនឹងធូលីដី ឬមេរោគ និងរក្សា​ស្បែក​មុខរបួសឱ្យមានសំណើម។ ៣. លាងមុខរបួសរាល់ថ្ងៃ យើងគួរលាងមុខរបួសរាល់ថ្ងៃរហូតដល់មុខរបួសជាដើម្បីការពារមុខរបួស​ពីការឆ្លងមេរោគ និង​ផ្លែ​សាច់។ ពេលលាងមុខរបួស យើងគួរ​ចៀសវាង​​ជូតត្រដុសស្បែកដើម្បីកុំឱ្យស្បែកមានស្នាម។ ៤. លាបថ្នាំការពារស្នាមសន្លាក ពេលមុខរបួសជិតជា យើងអាចលាបថ្នាំការពារស្នាម​សន្លាកបីបួនដងក្នុងមួយ​ថ្ងៃដើម្បីការពារមុខ​របួសកុំឱ្យ​មានស្នាមដែលអាចបង្កឱ្យផ្លែសាច់។ ៥. ចៀសវាងអេះមុខរបួស នៅពេលរបួសជិតជា ស្បែកមុខរបួសនឹងរមាស់ដែលធ្វើឱ្យយើងទ្រាំមិនបាន ហើយចង់អេះ។ ក្នុង​អំឡុង​ពេលនេះ យើងគួរចៀសវាងអេះមុខរបួស ព្រោះអាចបង្កឱ្យរបួសហូរឈាម បង្កឱ្យមាន​ស្នាម និងផ្លែសាច់។ ដើម្បីកាត់បន្ថយអាការៈរមាស់ យើងអាចស្អំមុខរបួសជាមួយទឹកកក​រយៈពេល ១០ នាទី រួចលាបឡេ ឬគ្រីមផ្តល់សំណើមដើម្បីការពារមុខរបួសកុំឱ្យស្ងួតដែលបណ្តាលឱ្យមុខប្រេះហូរឈាម ឬធ្វើឱ្យ​យើង​រមាស់។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ […]

យើងអាចរមាស់ស្បែកក្រោយមុជទឹកសមុទ្រ ដែលបញ្ហានេះ​ឧស្សាហ៍កើតឡើងនៅរដូវក្តៅដោយសារការប៉ះនឹងខ្ញែរសមុទ្រ ឬត្រូវកូនខ្ញែរសមុទ្រ​ល្អិតៗដែលយើង​មិនអាចមើលឃើញដោយភ្នែក​ទទេរខាំ​ ហើយ​បង្ក​ជាប្រតិកម្មលើស្បែក។ ប្រសិនបើយើងមាស់ស្បែកក្រោយមុជទឹកសមុទ្ររួច គួរធ្វើបែបណា​ដើម្បី​កាត់បន្ថយអាការៈ? ពេលយើងកំពុងមុជទឹកក្នុងសមុទ្រ យើងអាចមានអារម្មណ៍ស្កៀបៗ ហើយ​បន្ទាប់​ពីនោះពីរបីម៉ោង ឬបន្ទាប់​ពី​មុជ​ទឹក​សមុទ្រ​រួច យើងអាចមានអាការៈឡើងកន្ទួលរមាស់លើខ្លួនជាពិសេសនៅក្លៀក ក្រលៀន ទ្រូង ភ្លៅ និងក។ អាការៈរមាស់ស្បែកក្រោយមុជទឹកសមុទ្រអាចខុសគ្នាពីមនុស្សម្នាក់ទៅមនុស្សម្នាក់ទៀតអាស្រ័យលើប្រតិកម្មរបស់រាងកាយយើង ប៉ុន្តែអ្នកដែលធ្លាប់មានបញ្ហារមាស់​ស្បែកក្រោយមុជទឹកសមុទ្រ​អាច​ងាយនឹងមាន​ប្រតិកម្មនេះម្តងទៀតជាងអ្នកដែលមិនធ្លាប់។ វេជ្ជបណ្ឌិត Mebane អតីតនាយករងផ្នែកវេជ្ជសាស្ត្រនៅ Divers Alert Network (DAN) បាន​លើក​ឡើងថា អ្នកដែលមានប្រវត្តិមានប្រតិកម្ម​អាលែកហ៊្សី ក៏ដូចជាអ្នកដែលមាន​ប្រព័ន្ធការពារ​រាងកាយ​ខ្សោយអាចមានហានិភ័យខ្ពស់ក្នុងមានអាការៈរមាស់ស្បែកធ្ងន់ធ្ងរក្រោយមុជទឹកសមុទ្រ។ ក្នុងករណីអាការៈរមាស់ស្បែកក្រោយមុជទឹកសមុទ្រមានសភាពធ្ងន់ធ្ងរ យើងអាចមាន​អាការៈ​ដូចជា៖ គ្រុន ឬញាក់ ចង្អោរ ឬក្អួត ឈឺក្បាល អស់កម្លាំង (ជាពិសេសកុមារ) រលាកបង្ហួរនោម ភ្នែកឡើងពណ៌ក្រហម ដើម្បីកាត់បន្ថយអាការៈរមាស់ស្បែកក្រោយមុជទឹកសមុទ្រ យើងអាចសាកល្បង​តាម​វិធីសាស្រ្ត​ដូច​ខាងក្រោម៖ ១. កុំជូត ឬអេះស្បែក ការជូត ឬអេះស្បែកមិនត្រឹមតែមិនអាចបំបាត់អាការៈរមាស់ស្បែកក្រោយ​​មុជទឹកសមុទ្រទេ តែបែរ​ជា​ធ្វើឱ្យស្បែកយើងកាន់តែមានសភាពធ្ងន់ធ្ងរជាងមុនទៅវិញ។ ដូច្នេះបន្ទាប់​ពី​មុជទឹកសមុទ្រ​រួច ជំនួស​ឱ្យការ​ជូត​ស្បែក យើងអាចយកកន្សែងមកផ្តិតស្បែកថ្នមៗ។ ២. ងូតទឹក យើងគួរដោះសម្លៀកបំពាក់មុជទឹកសមុទ្រចេញភ្លាមបន្ទាប់ពីមានអាការៈ​រមាស់ រួចសម្អាត​ខ្លួន​ជាមួយ​ទឹកស្អាត និងសាប៊ូដើម្បីសម្អាតខ្ញែរសមុទ្រឱ្យចេញអស់ពីលើស្បែក។ ៣. លាបទឹកខ្មេះ ឬអាល់កុល យើងអាចយកសំឡីជ្រលក់ទឹកខ្មេះ ឬអាល់កុលមកលាបលើស្បែកដើម្បីកាត់បន្ថយអាការៈរមាស់ និងកម្ចាត់ខ្ញែរសមុទ្រដែលតោងជាប់ស្បែក រួចទុកឱ្យស្បែកស្ងួតដោយខ្លួនឯង។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ […]