ការរំលោភបំពានលើកុមារមិនមែនកំណត់ត្រឹមតែជាការប្រើអំពីហិង្សាលើរាងកាយប៉ុណ្ណោះទេ ការបំពានផ្លូវអារម្មណ៍កូនក៏អាចជះឥទ្ធិពលធំធេងចំពោះការលូតលាស់ និងការអភិវឌ្ឍផ្លូវចិត្តរបស់កូនដូចគ្នា។
អ្វីទៅជាការរំលោភបំពានផ្លូវអារម្មណ៍? វាដូចទៅនឹងការមិនយកចិត្តទុកដាក់ចំពោះកូនទេ?
ក្នុងនាមជាប៉ាម៉ាក់ យើងតែងតែចង់ផ្ដល់អ្វីដែលកូនត្រូវការ ដើម្បីឲ្យកូនរស់នៅបានសុខស្រួល។ ប៉ុន្តែ ការមិនអើពើទៅនឹងតម្រូវការផ្លូវចិត្តរបស់កូន ក៏អាចបង្កជាផលវិបាករយៈពេលខ្លី ឬរយៈពេលវែងផងដែរ។ ការមិនផ្ដល់ក្ដីស្រលាញ់ មិនគាំទ្រ បដិសេធ រិះគន់ គំរាមកំហែង គឺសុទ្ធតែជាការបំពានផ្លូវអារម្មណ៍ ហើយទង្វើទាំងនេះ នឹងជះឥទ្ធិពលមិនល្អនៅពេលដែលកូនធំឡើង ដូចជាប៉ះពាល់ដល់ទំនាក់ទំនងផ្ទាល់ខ្លួន ការងារ និងទំនាក់ទំនងជាមួយនឹងក្មេងដទៃទៀត។
ជាក់ស្ដែង ការបំពានផ្លូវកាយ ដែលអមជាមួយនឹងការធ្វើបាបរាងកាយ ផ្លូវភេទ ឬការមិនអើពើ អាចបំផ្លាញការគោរពចំពោះខ្លួនឯង និងទំនុកចិត្តរបស់កុមារបាន។
គ្រាន់តែបំពេញតម្រូវការរបស់កូន គឺមិនគ្រប់គ្រាន់ឡើយ។ ប៉ាម៉ាក់ក៏ត្រូវទទួលខុសត្រូវក្នុងការណែនាំ និងគាំទ្រកូនផ្នែកអារម្មណ៍ដែរ។ ជាធម្មតា ក្មេងតែងត្រូវការការយកចិត្តទុកដាក់ពីប៉ាម៉ាក់នៅគ្រប់ដំណាក់កាលក្នុងជីវិតរបស់ខ្លួន ហើយការមិនអើពើនឹងអារម្មណ៍របស់កូន អាចនាំឲ្យការអភិវឌ្ឍផ្នែកអារម្មណ៍របស់ក្មេងមានភាពចុះខ្សោយ។
អត្ថបទគួរអាន៖
ជាទូទៅ កុមារដែលរងគ្រោះដោយសារតែការមិនយកចិត្តទុកដាក់ផ្នែកអារម្មណ៍ អាចបង្ហាញសញ្ញាមួយចំនួនខាងក្រោម៖
ការស្គាល់ច្បាស់ពីសញ្ញានៃការមិនយកចិត្តទុកដាក់លើអារម្មណ៍កូន និងការកែលម្អលើចំណុចខ្វះខាតរបស់ប៉ាម៉ាក់ មានសារសំខាន់ណាស់ ក្នុងការចិញ្ចឹមបីបាច់កូនប្រកបដោយមនោសញ្ចេតនា និងការយល់ចិត្ត។ ហេតុនេះហើយ ដើម្បីឲ្យកូនទទួលបានសុភមង្គលពិតប្រាកដ ប៉ាម៉ាក់មានកាតព្វកិច្ចផ្ដល់ការគាំទ្រទាំងផ្លូវកាយ និងផ្លូវចិត្ត ព្រមផ្ដល់បរិយាកាសរស់នៅដ៏ល្អមួយដល់កូនៗ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Understanding child emotional abuse
https://kidshelpline.com.au/parents/issues/understanding-child-emotional-abuse
This Is What An Emotionally Abusive Parent Looks Like, According To Experts
https://www.bustle.com/wellness/how-can-you-tell-if-your-parents-are-emotionally-abusive-these-are-the-signs-of-emotional-abuse-according-to-experts-2991680
How to tell if you have emotionally abusive parents: 15 signs
https://ideapod.com/how-to-tell-if-you-have-emotionally-abusive-parents-15-signs/
What Is Emotional Child Abuse?
https://www.verywellfamily.com/what-is-emotional-child-abuse-4157502
Signs of Abuse in Children
https://www.highspeedtraining.co.uk/hub/signs-abuse-children/
កំណែប្រែបច្ចុប្បន្ន
19/08/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
