ដឹងអត់? នេះជាបញ្ហាឧស្សាហ៍កើតលើស្រីៗពពោះ និងបំបៅដោះកូន

តាំងពីមានងារជាម្ដាយគេ ប្រហែលជាជួបផលលំបាកច្រើន ទាំងការថ្នាក់ថ្នម មើលថែកូន ឬបច្ចេកទេសមួយចំនួនទៀត ដូចជាការបំបៅដោះជាដើម។ ម្ដាយថ្មីថ្មោង គេចមិនផុតពីរត់រកជំនួយ ពេលកូនតូចមានបញ្ហាម្ដងៗទេ។ ថ្ងៃនេះ យើងនឹងលម្អិតពីបញ្ហាដែលអាចកើតឡើង តាំងពីមានងារជាម្ដាយគេ ប្រហែលជាជួបផលលំបាក ឬបញ្ហាច្រើន ទាំងការថ្នាក់ថ្នម មើលថែកូន ឬបច្ចេកទេសមួយចំនួនទៀត ដូចជាការបំបៅដោះជាដើម។

១- បញ្ហាឧស្សាហ៍កើតមាន

ភាគច្រើនបញ្ហាដែលស្រីៗឆ្លងទន្លេហើយ ឧស្សាហ៍ប្រទះ មានដូចជា រលាកសុដន់ កូនកើតច្រាំង កូនជាប់អណ្តាត សុដន់ឡើងរីកធំ ទឹកដោះចេញតិច មានខ្ទុះនៅសុដន់ ស្ទះក្រពេញទឹកដោះ ប្រេះឬឈឺចុងសុដន់ ទឹកដោះចេញច្រើនជ្រុល ឬ បំបៅដោះកូនមិនត្រូវតាមក្បួន។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

បំបៅដោះ

២- មូលហេតុ

ធម្មតា មានហេតុ ប្រាកដជាមានផល។ ស្វែងយល់ទាំងអស់គ្នា ថាតើចំណុចនីមួយៗ កើតឡើងដោយរបៀបម៉េច ហើយមកពីអ្វី បានចឹង។

-ប្រេះ ឬឈឺចុងសុដន់៖ ចន្លោះពី ៣-៧ថ្ងៃ ក្រោយពីបំបៅដោះ អាការៈ និងអារម្មណ៍ឈឺចុងសុដន់ តិចតួចអាចកើតមាន ដោយសារតែយើងដាក់កូនឲ្យបៅខុសបែបបទ។ ប្រសិនបើមានអារម្មណ៍ថាឈឺឆាប់ទៅជួបគ្រូពេទ្យពីព្រោះបើទុកកាន់តែយូរនឹងកាន់តែឈឺខ្លាំង។

-ទឹកដោះចេញតិច៖ ភាគច្រើនមកពីអារម្មណ៍របស់ម៉ាក់ៗ ព្រោះពេលដែលចាប់ផ្ដើមឲ្យកូនបៅ តែងបារម្ភថាខ្លាចកូនបៅអត់គ្រប់ ឬអត់ឆ្អែត តែតាមពិតទៅទឹកដោះរបស់យើងមានគ្រប់គ្រាន់សម្រាប់កូនហើយ។ យល់ល្អពេលបំបៅដោះកូនម្តងៗគួរតែឲ្យកូនបៅទាំងសងខាងដើម្បីភ្ញោចឲ្យទឹកដោះចេញបានទាំងសងខាង។

អត្ថបទគួរអាន៖

-សុដន់ឡើងរីកធំ៖ សុដន់ឡើង (ឬរីកធំ) គឺជាការដែលសុដន់ឡើងហើមដោយសារទឹកដោះច្រើនពេក។ យើងអាចមានអារម្មណ៍ថាតឹងណែនហើយឈឺ។គេច្រើនឃើញការឡើងរីកធំនេះនៅថ្ងៃបំបៅដោះទី១ ប៉ុន្តែ ២-៣ថ្ងៃក្រោយមកវានឹងត្រលប់មកធម្មតាវិញ។ ម្យ៉ាងវិញទៀតការរីកធំនៃសុដន់ក៏គេឃើញមាននៅពេលដែលទារកចង់ឈប់បៅដែរហើយវាក៏ជាសញ្ញាមួយដែលយើងគួរតែចាប់ផ្តើមឲ្យអាហាររឹងទៅកូនយើង។

-បំបៅដោះកូនមិនត្រូវតាមក្បួន៖ អ្វីដែលគួរឲ្យភ្ញាក់ផ្អើល គឺថាដើម្បីបំបៅកូនឲ្យត្រូវតាមក្បូន គឺត្រូវការពេលវេលាមួយរយៈ។ នៅពេលដែលបៅបានត្រឹមត្រូវកូនយើងមើលទៅឆ្អែត ហើយយើងនឹងគ្មានការឈឺចាប់ក្រោយពេលបំបៅផងដែរ។

-ទឹកដោះចេញច្រើនជ្រុល៖ មានពេលខ្លះទឹកដោះម្តាយចេញច្រើនខុសធម្មតា។ ចូរឆាប់ទៅពិភាក្សាជាមួយគ្រូពេទ្យក៏ពេលជួបហេតុការណ៍បែបនេះ។

-កូនកើតជ្រាំង៖ ពេលម៉ាក់ប្រេះចុងសុដន់មេរោគមួយចំនួនដែលជាពពួកផ្សិត និងឆ្លងចូលទៅក្នុងសុដន់ ហើយបង្កឲ្យចេញជាជ្រាំង។

-ស្ទះក្រពេញទឹកដោះ៖ សុដន់ឧស្សាហ៍រីកធំអាចបណ្តាលឲ្យស្ទះក្រពេញទឹកដោះ។ នៅពេលស្ទះ យើងអាចស្ទាបប៉ះដុំតូចៗនៅក្នុងសុដន់ ហើយដើម្បីឲ្យធូរគួរបំបៅកូននៅខាងដែលឈឺនោះ។

-រលាកសុដន់៖ វាច្រើនកើតឡើងនៅពេលដែលក្រពេញទឹកដោះយើងស្ទះក្នុងរយៈពេលយូរ។ ការរលាកសុដន់ធ្វើឲ្យឈឺហើយមានអារម្មណ៍ក្តៅភាយៗដូចពេលយើងផ្តាសាយដែរ។ យើងគួរតែឲ្យកូនបៅខាងដែលឈឺដើម្បីឲ្យឆាប់បានធូរ។ បើក្នុងកំឡុង ១២-២៤ម៉ោង ហើយយើងនៅតែមិនបានធូរគួរតែទៅជួបគ្រូពេទ្យ ហើយប្រហែលត្រូវប្រើថ្នាំផ្សះហើយ។

-មានខ្ទុះនៅសុដន់៖ រលាកសុដន់ញឹកញាប់អាចបណ្តាលឲ្យមានខ្ទុះបាន ហើយកាលណាមានខ្ទុះហើយចាំបាច់ត្រូវតែវះកាត់។

-កូនជាប់អណ្តាត៖ កូនជាប់អណ្តាត គឺមានន័យថាសរសៃដែលតពីចុងអណ្តាតទៅក្រអូមមាត់កូនខ្លីខុសធម្មតា។ ករណីនេះមានប្រហែល ៤-១១% នៃទារក។ ការជាប់អណ្តាតធ្វើឲ្យកូនពិបាកបៅតែអ្វីដែលសំណាងនោះ គឺបញ្ហានេះអាចព្យាបាលបាន។

បញ្ហាអីខ្លះ ដែលស្រីៗជាម្តាយធ្លាប់ជួប? ឬបើអត់ទាន់ឆ្លងទន្លេទេ ខ្លាចបញ្ហាណាជាងគេ ក្នុងចំណោម បញ្ហាខាងលើ?

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Duk Panharat · កែ 02/08/2023

ដឹងអត់? នេះជាបញ្ហាឧស្សាហ៍កើតលើស្រីៗពពោះ ​និង​បំបៅដោះកូន

១- បញ្ហាឧស្សាហ៍កើតមាន

២- មូលហេតុ

ដឹងអត់? នេះជាបញ្ហាឧស្សាហ៍កើតលើស្រីៗពពោះ និងបំបៅដោះកូន