ពេលកូននៅតូច បារម្ភម្តង ពេលធំហើយ កាន់តែបារម្ភទៀត បើធំតែរូប ចរិតនៅដូចក្មេងដដែល ទឹកចិត្តប៉ាម៉ាក់ច្បាស់ជាខ្លោចផ្សាមិនខាន។ “Hello គ្រូពេទ្យ” មានវិធីសាស្ត្រណែនាំខ្លះៗប៉ាម៉ាក់អាចយកទៅអនុវត្តបាន បើសិនកូនយើងបង្ហាញអាកប្បកិរិយាក្មេងជាងអាយុ។
មាតិកា
បើកូនធំហើយ តែនៅនិយាយដូចក្មេង នេះជាអ្វីម៉ាក់ប៉ាគួរធ្វើ
១- ពិនិត្យមើលការលូតលាស់កូន
ពេលខ្លះ ក្មេងៗមានអាកប្បកិរិយាមិនត្រូវនឹងអាយុពួកគេ ព្រោះតែបញ្ហាវិវត្តផ្នែកសតិបញ្ញាមិនបានល្អ អ៊ីចឹងក្នុងនាមជាប៉ាម៉ាក់ យើងគួរតែតាមដានមើលសមត្ថភាពការគិត និងការធ្វើរបស់កូន និយាយជាមួយគ្រូប្រចាំថ្នាក់គេ ឬពេទ្យ ដើម្បីដឹងកាន់តែច្បាស់។ បើអ្នកសង្ស័យថាកូនមានបញ្ហារៀន ឬវិវត្តយឺតយ៉ាវណាមួយ សូមទៅពិគ្រោះជាមួយពេទ្យ។
២- ស្វែងយល់ពីដើមហេតុបញ្ហា
ព្យាយាមស្វែងយល់ហេតុអីកូនបង្ហាញកាយវិការបែបនោះ និងពន្យល់គេឲ្យបានល្អ។ ឧទាហរណ៍ បើកូននិយាយថា មិនចង់ធំនោះ ត្រូវប្រាប់គេពីផលប្រយោជន៍ធ្វើជាមនុស្សពេញវ័យ បើនិយាយថា ខ្លាចពេលគេធំទៅ ប៉ាម៉ាក់លែងស្រលាញ់ ប្រាប់កូនវិញ ក្តីស្រលាញ់ប៉ាម៉ាក់ធំធេងណាស់ ហើយមានជារៀងរហូត។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣- ណែនាំវិធីផ្សេងទៀត
ពេលកូនយើងប្រើវិធីបែបកូនក្មេង ព្រោះចង់បានអ្វីមួយ ត្រូវបង្រៀនវិធីផ្សេងដល់គេវិញ ដូចជា បើស្រែកយំដើម្បីបានការចាប់អារម្មណ៍ យើងគួរពន្យល់កូនប្រើកាយវិការវិញ ដូចជា កាន់ដៃអ្នកថ្នមៗជាដើម។ កូនអាចយល់ថា ធ្វើបែបនោះដើម្បីឲ្យមានមិត្តភ័ក្ដិច្រើន គួរប្រាប់កូនពីវិធីរាប់អានមិត្តភ័ក្ដិបែបផ្សេងទៀត។ គ្រប់ពេលឃើញកូនបម្រុងនឹងធ្វើរឿងមិនចាស់ទុំណាមួយ ត្រូវរំឭកប្រាប់ឲ្យប្រើវិធីដែលយើងបានបង្រៀន ហើយផ្តល់ឱកាសដល់គេឲ្យបានច្រើនផង។
៤- បង្កើតវិន័យ
ប្រាប់កូនៗ បើប្រើសម្តីបែបកូនក្មេង ប៉ាម៉ាក់មិនឲ្យអ្វីគេចង់បាននោះទេ តែបើអាកប្បកិរិយាត្រឹមត្រូវនឹងទទួលបានរង្វាន់។ ចាំថា ត្រូវធ្វើតាមវិន័យជាដាច់ខាត សូមកុំធ្វើកូនសុំរហូតទាល់តែគេយល់ព្រមរៀបអាកប្បកិរិយាត្រឹមត្រូវ ព្រមទាំងសរសើរ និងផ្តល់ចំណាប់អារម្មណ៍លើការខិតខំរបស់កូន។ យើងក៏អាចសម្គាល់អត្តចរិតកូន ពេលកូនយើងធ្វើបានល្អក្នុងកម្រិតមួយ កុំភ្លេចឲ្យរង្វាន់លើកទឹកចិត្តគេផង។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
៥- ផ្តល់ភាពយល់ចិត្ត
ក្មេងៗកំពុងតែវិវត្តខ្លួនស្វែងយល់ពីពិភពលោកជុំវិញខ្លួន និងអភិវឌ្ឍចំណេះដឹង ដូច្នេះបើពួកគេមិនយល់រឿងណាមួយ ឬត្រូវការការណែនាំ ប៉ាម៉ាក់គួរតែនៅជាមួយគេបង្ហាញការយល់ចិត្ត និងលើកទឹកចិត្ត។
៦- ប្រុងប្រយ័ត្នចំពោះកត្តាខាងក្រៅ
បរិយាកាសអវិជ្ជមានពោរពេញដោយការឈ្លោះប្រកែក ស្ត្រេស ជាពិសេសបញ្ហាក្នុងក្រុមគ្រួសារ នឹងជះឥទ្ធិពលដល់អាកប្បកិរិយារបស់កូន។ ទំនួលខុសត្រូវប៉ាម៉ាក់គ្រប់រូបដើម្បីអប់រំកូន ត្រូវបង្កើតបរិយាកាសប្រសើរមួយសម្រាប់កូនៗ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What should you do if your big kid still talks like a baby? http://www.parents.com/advice/big-kids/problems/how-do-i-get-my-ten-year-old-to-stop-talking-like-a-baby/
Delayed Speech or Language Development, https://kidshealth.org/en/parents/not-talk.html
5 Ways to Respond When a Child Uses Baby Talk, https://www.verywellfamily.com/ways-to-respond-when-a-child-uses-baby-talk-1094949
What should I do if my preschooler still talks like a baby, https://www.babycenter.com/child/development/what-should-i-do-if-my-preschooler-still-talks-like-a-baby-s_70345
កំណែប្រែបច្ចុប្បន្ន
01/08/2023
អត្ថបទដោយ Leng Pechsovatey
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម