ជំងឺអុតស្វាបានរាលដាលដល់ប្រទេសជាច្រើន និងបង្កជាការព្រួយបារម្ភនៅទូទាំងពិភពលោក។ ខណៈដែលមានរោគសញ្ញាមួយចំនួន មានជាប់ពាក់ព័ន្ធនឹងវីរុសឆ្លងមួយនេះ មជ្ឈមណ្ឌលគ្រប់គ្រង និងបង្ការជំងឺឆ្លង (CDC) បានបន្ថែមរោគសញ្ញាថ្មីមួយទៀតនៃជំងឺអុតស្វា ដែលទើបតែរកឃើញថ្មីៗនេះ។
ជំងឺនេះមានរោគសញ្ញាដូចជា គ្រុនក្ដៅ កន្ទួលរមាស់ និងពងបែកនៅលើស្បែក ឈឺក្បាល ឈឺរាងកាយ ឬឈឺសាច់ដុំ ខ្វះជាតិទឹក អស់កម្លាំង និងហើមកូនកណ្ដុរ ។
ក្រៅពីរោគសញ្ញាដែលបានរៀបរាប់ខាងលើ CDC ក៏បានឲ្យដឹងថា អ្នកជំងឺមួយចំនួនដែលកើតជំងឺអុតស្វាបានជួបប្រទះនឹងការរលាកភ្នាសពោះវៀនធំផងដែរ។
