ដឹងកម្រិតជាតិស្ករក្នុងឈាមខ្លួនឯង ជារឿងចាំបាច់បំផុត ដើម្បីអាចគ្រប់គ្រងជាតិស្ករបានល្អ រក្សាសុខភាពប្រសើរជាងមុន ជាពិសេសបង្ការជំងឺរ៉ាំរ៉ៃទឹកនោមផ្អែមតែម្ដង។ អ៊ីចឹង ត្រូវដឹង និងពិនិត្យតាមណា?
“Hello គ្រូពេទ្យ” នឹងណែនាំវិធីងាយៗពិនិត្យជាតិស្ករខ្លួនឯង ឲ្យគ្នាយើងបានដឹង តាមរយៈឧបករណ៍វាស់ជាតិស្ករ ហៅសាមញ្ញ ម្ជុលជោះជាតិស្ករ ដែលមានច្រើនជម្រើស លក់តាមឱសថស្ថាន។
១- របៀបអានកម្រិតជាតិស្ករ
ធម្មតា កម្រិតជាតិស្ករសម្រាប់មនុស្សទូទៅគឺ ៧០-១០០ មិល្លីក្រាម/ដេស៊ីលីត្រឈាម ដោយមិនកំណត់ពេលវាស់ស្ទង់នោះទេ។ ប៉ុន្តែ បើស្ថិតក្នុងរយៈពេល ៨ ម៉ោង ក្រោយបាយ គឺត្រូវនៅក្រោម ១០០ មិល្លីក្រាម/ដេស៊ីលីត្រឈាម។ បើចុះទាបជាង ៧០ មិល្លីក្រាម/ដេស៊ីលីត្រឈាម មានន័យថា ខ្វះជាតិស្ករ។
ត្រូវចាំថា ពេលជាតិស្ករស្ថិតនៅចន្លោះ ១០០-១២៥ មិល្លីក្រាម/ដេស៊ីលីត្រឈាម អំឡុងពេលព្រឹកមិនទាន់ញ៉ាំអាហារ ជាមុខសញ្ញាត្រៀមកើតទឹកនោមផ្អែម ហើយបើឡើងហួស ១២៦ មិល្លីក្រាម/ដេស៊ីលីត្រឈាម វិញ គឺកើតទឹកនោមផ្អែមតែម្ដង។
ស្វែងយល់បន្ថែមតាមរយៈវីដេអូខាងក្រោម៖
២- គួរជ្រើសរើសឧបករណ៍ពិនិត្យបែបណា?
ឧបករណ៍ពិនិត្យ អាចរកបាននៅគ្រប់ឱសថស្ថាន បើចង់បានផលិតផលណាល្អ អាចទៅសុំយោបល់ពីគ្រូពេទ្យ និងឱសថការី ក៏ដូចជាគិលានុបដ្ឋាយិកានៅតាមមណ្ឌលសុខភាព ឬមន្ទីរពេទ្យ។៣- របៀបប្រើឧបករណ៍ជោះជាតិស្ករ
ធ្វើតាមការណែនាំក្នុងប្រអប់ឲ្យបានហ្មត់ចត់ មុនប្រើ ហើយពេលពិនិត្យម្ដងៗ អាចចំណាយពេលរង់ចាំ អាស្រ័យតាមប្រភេទឧបករណ៍។ បើមានចម្ងល់មិនច្បាស់ គួរទៅរកជំនួយនៅមណ្ឌលសុខភាព ដើម្បីទទួលការណែនាំរបៀបប្រើប្រាស់ត្រឹមត្រូវ។
[embed-health-tool-bmr]
៤- រក្សាទិន្នន័យទុក
ដូចប្រាប់ពីខាងលើ តាមដានកម្រិតជាតិស្ករក្នុងឈាម ជារឿងសំខាន់ណាស់។ គួរកត់ទុកលទ្ធផលជួសម្ដងៗ ឬអាចទិញឧបករណ៍ណាដែលមុខងាររក្សាទិន្នន័យពេលជួសឈាមម្ដងៗបាន រឹតតែប្រសើរ។
អត្ថទពាក់ព័ន្ធ៖
