backup og meta

អាហារគ្រឿងសមុទ្រ មានសុវត្ថិភាពចំពោះអ្នកជំងឺទឹកនោមផ្អែមអត់?

អាហារគ្រឿងសមុទ្រ មានសុវត្ថិភាពចំពោះអ្នកជំងឺទឹកនោមផ្អែមអត់?
អាហារគ្រឿងសមុទ្រ មានសុវត្ថិភាពចំពោះអ្នកជំងឺទឹកនោមផ្អែមអត់?

បើនិយាយទៅដល់គ្រឿងសមុទ្រ ជឿជាក់អ្នកទាំងអស់គ្នាបានដឹងខ្លះហើយថា ជាប្រភេទអាហារដែលមានរសជាតិឆ្ងាញ់ មិនត្រឹមតែប៉ុណ្ណោះក៏សម្បូរទៅដោយសារធាតុចិញ្ចឹម និងជំនួយដល់សុខភាពទៀតផង។ ប៉ុន្ដែប្រសិនជាអ្នកទទួលទានមានបញ្ហាអាលែកហ្ស៊ី វាប្រែជាផលអាក្រក់ចំពោះសុខភាពវិញ។ ចុះចំពោះអ្នកទឹកនោមផ្អែម អាចញ៉ាំគ្រឿងសមុទ្របានដែរទេ?

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

កម្មវិធីពិនិត្យជំងឺបម្រុងទឹកនោមផ្អែមអនឡាញ

អ្នកជំងឹទឹកនោមផ្អែមអាចញ៉ាំគ្រឿងសមុទ្របាន មិនមានផលប៉ះពាល់ដល់សុខភាពនោះទេ ហើយក៏មិនបង្កឲ្យជាតិស្ករក្នុងឈាមកើនឡើងនោះទេ។ នេះប្រសិនបើគាត់គ្មានបញ្ហាអាលែកហ្ស៊ីនឹងគ្រឿងសមុទ្រ។ អ្នកជំងឺទឹក​នោមផ្អែមទាំង២ប្រភេទអាចញ៉ាំគ្រឿងសមុទ្របានដោយសុវត្ថិភាព ព្រោះគ្រឿងសមុទ្រមានសន្ទស្សន៍ជាតិស្ករទាប ហើយមានសារជាតិចិញ្ចឹមច្រើន ដូចជា ពពួកប្រូតេអ៊ីន កាល់ស្យូម ជាតិដែក ម៉ាញ៉េស្យូម អាស៊ីតខ្លាញ់ វីតាមីន សុទ្ធសឹងជាសារធាតុជំនួយដល់សុខភាព។ ដូច្នេះអ្នកទឹកនោមផ្អែមអាចញ៉ាំបាន និងមានសុខភាពល្អទៀតផង។

លោកវេជ្ជបណ្ឌិត ហ៊ួយ បញ្ញា ឯកទេសជំងឺទឹកនោមផ្អែម និង ក្រពេញអ័រម៉ូន នៃមន្ទីរពេទ្យព្រះអង្គឌួង មានប្រសាសន៍ថា អ្នកជំងឺទឹកនោមផ្អែមអាចញ៉ាំគ្រឿសមុទ្របានប្រសិនបើមិនមានបញ្ហាអាលែកហ្ស៊ីនឹងគ្រឿងសមុទ្រ ឬជាតិអ៊ីយ៉ូត។ គ្រឿងសមុទ្រល្អចំពោះមនុស្សទូទៅ ក៍ដូចអ្នកជំងឺទឹកនោមផ្អែមដែរ និង​ជាប្រភពអាហារដែលសម្បូរប្រូតេអ៊ីន និងខ្លាញ់ល្អ អូមេហ្គា៣ ជាពិសេសេ គឺពពួកត្រី ដូចជា ត្រីសាម៉ុន និង ត្រីល្អិតជាដើម។ ដូច្នេះអ្នកជំងឺអាចញ៉ាំបាន។

ការថែរក្សាសុខភាពសម្រាប់អ្នកជំងឺទឹកនោមផ្អែម សំខាន់បំផុតគឺការគ្រប់គ្រងជាតិស្ករក្នុងឈាម ដូច្នេះអ្នកជំងឺត្រូវប្រុងប្រយ័ត្នបំផុតគឺការបរិភាគអាហារតែម្ដង ក្នុងករណីអាហារដែលមានសន្ទស្សន៍ជាតិស្ករលើសពី៦០ អ្នកជំងឺត្រូវប្រុងប្រយ័ត្ន ប៉ុន្ដែបើសន្ទស្សន៍ជាតិស្ករទាបជាង ៥៥ នោះអ្នកជំងឺអាចញ៉ាំបាន តួយ៉ាងដូចជាគ្រឿងសមុទ្រជា​ដើម មានសន្ទស្សន៍ជាតិស្ករមិនដល់៥០នោះទេ។

ត្រៀមកើតទឹកនោមផ្អែម

តើអ្វីទៅជាសន្ទស្សន៍ជាតិស្ករ ហើយអាចដឹងបានដោយរបៀបណា?

សន្ទស្សន៍ជាតិស្ករក្នុងអាហារ ជាតួលេខបញ្ជាក់ពី ល្បឿនបំប្លែងជាតិស្ករពីអាហារទៅជាស្ករក្នុង​ឈាម។ យើងអាចបែងចែកពពួកអាហារទាំងនោះ តាមរយៈតាមដានកំណើនអ័រម៉ូនអាំងស៊ុយលីន បង្ហាញកម្រិតជាតិស្ករបាន។ បើញ៉ាំអាហារមានជាតិស្ករខ្ពស់ ជាតិស្ករក្នុងឈាមនឹងកើនឡើងលឿនដូចគ្នា។ ដូច្នេះអ្នកជំងឺទឹក​នោម​ផ្អែម គួរជ្រើសយកអាហារដោយប្រុងប្រយ័ត្ន និងពិនិត្យសន្ទស្សន៍ជាតិស្ករជាមុន ដើម្បីរក្សាជាតិស្ករក្នុងឈាមមានលំនឹង។

[embed-health-tool-bmi]

អត្ថទ​ពាក់ព័ន្ធ​៖

ខាងក្រោមនេះជាប្រភេទអាហារមានសន្ទស្សន៍ជាតិស្ករខុសៗគ្នា កំណត់ដោយស្តង់ដារជាក់លាក់៖

អាហារមានសន្ទស្សន៍ជាតិស្ករទាប (តិចជាង ៥៥)

  • ផាស្តា (Pasta)
  • អាហារសមុទ្រ
  • ម្សៅស្រូវសាឡី ឬនំប៉័ងពណ៌ត្នោត
  • ដំឡូងជ្វា ពោត សណ្តែកសៀង សណ្តែកបារាំង និងពួកគ្រាប់សណ្តែក
  • ផ្លែឈើមួយភាគធំ បន្លែគ្មានស្ករ និងការ៉ុត

អាហារមានសន្ទស្សន៍ជាតិស្ករមធ្យម (៥៦-៦៩)

  • ម្សៅស្រូវសាឡី នំបុ័ង
  • អង្ករសម្រូប

អាហារមានសន្ទស្សន៍ជាតិស្ករខ្ពស់ (លើស ៧០)

  • នំប៉័ងស
  • ល្ពៅ
  • នំអង្ករ នំស្រួយប្រៃៗ
  • ត្រសក់ផ្អែម និងម្នាស់
  • អង្ករខ្សាយ នំម៉ាការ៉ុង ឈីស ជា​ដើម​។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Diabetes diet: Create your healthy-eating plan https://www.mayoclinic.org/diseases-conditions/diabetes/in-depth/diabetes-diet/art-20044295

Dairy, Meat and Seafood https://defeatdiabetes.org/resources/healthful-eating/dairy-meat-seafood%E2%80%8B/ 

FOOD AND NUTRITION FOR TYPE 1 DIABETES https://www.diabetes.org.nz/type-1-diabetes-food-nutrition

THE LINK BETWEEN SEAFOOD AND DIABETES PREVENTION AND CARE  https://www.seafoodnutrition.org/seafood-101/healthy-living/understanding-the-link-between-seafood-and-diabetes-prevention-and-care/

កំណែ​ប្រែបច្ចុប្បន្ន

24/10/2023

អត្ថបទ​ដោយ អឿ អ៊ុយ

ត្រួតពិនិត្យដោយ វេជ្ជ. ចាន់ ស៊ីណេត

បច្ចុប្បន្នភាពដោយ៖ នូ សោភ័ណ្ឌ


អត្ថបទពាក់ព័ន្ធ

អនុវត្ដតាម៦ចំណុចនេះ អាចការពារជំងឺទឹកនោមផ្អែមប្រភេទ២

ស្រីៗមានគីសទឹកក្រពេញអូវែ មានហានិភ័យកើតជំងឺទឹកនោមផ្អែមប្រភេទ២?


ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ Oct 24, 2023

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម