ចម្ងល់ទាក់ទិននឹងការចាក់វ៉ាក់សាំងការពារមហារីកមាត់ស្បូន តែបែរជាចំថ្ងៃមករដូវ តើនៅអាចចាក់បានដដែល ឬក៏អត់ទេ? ឱសថការី គីម កាណែល បានឲ្យដឹងថា ចំពោះស្ត្រីដែលចង់ចាក់វ៉ាក់សាំង HPV គឺទាល់តែមានអាយុ ៩ ឆ្នាំឡើងទៅ ដែលមិនធ្លាប់ឆ្លងកាត់ការរួមភេទ។
ចំពោះវ៉ាក់សាំងការពារមហារីកមាត់ស្បូននេះអាចចាក់បានតាំងពីមិនទាន់មានរដូវម្ល៉េះ។ តែសម្រាប់អ្នកមករដូវចំថ្ងៃណាត់ជួបចាក់ម្ដងទៀត នៅតែអាចទៅចាក់វ៉ាក់សាំងនោះបានដដែល គ្មានផលប៉ះពាល់ ឬផលរំខានមកពីការមករដូវឡើយ។ តែចំពោះផលរំខាននៃវ៉ាក់សាំង គឺអាចមានធម្មតាដូចជាក្ដៅខ្លួន រមាស់ ឡើងស្នាមកន្ទួលមុខម្ជុលជាដើម ដូចនេះយើងមិនបាច់បារម្ភឡើយ។
សម្រាប់អ្នកមានផ្ទៃពោះវិញ ការចាក់វ៉ាក់សាំង HPV អំឡុងពេលនេះមិនគួរធ្វើនោះទេ ។ ឱសថការីរូបនោះបន្តថា បើសិនជាស្ត្រីបានចាក់វ៉ាក់សាំងលើកទី១ ស្រាប់តែខែបន្ទាប់ដឹងថា ខ្លួនមានផ្ទៃពោះនោះ គឺត្រូវបញ្ឈប់ការចាក់វ៉ាក់សាំងភ្លាម។
ការចាក់វ៉ាក់សាំងមហារីកមាត់ស្បូនគឺជាកាដូមួយដ៏ល្អសម្រាប់កូនស្រី ដែលចាប់ពីអាយុ ៩ ឆ្នាំឡើងទៅ ដើម្បីការពារអាយុជីវិតនាពេលអនាគតរបស់ពួកគាត់ កុំឲ្យកើតជំងឺមហារីកមាត់ស្បូន។
អត្ថបទពាក់ព័ន្ធ៖
- ចាក់វ៉ាក់សាំងមហារីកមាត់ស្បូនរួចហើយ ចាំបាច់ត្រូវតាមដានជាមួយពេទ្យជាប្រចាំ អត់?
- បន្ថែមពីលើការចាក់វ៉ាក់សាំង មានវិធីអីទៀតការពារជំងឺមហារីកមាត់ស្បូន?
- ស្វែងយល់ពីជម្រើសនៃការព្យាបាលជំងឺមហារីកមាត់ស្បូនដោយការវះកាត់
- ដឹងពីប្រភេទវ៉ាក់សាំងមហារីកមាត់ស្បូនសិន ចាំសម្រេចចិត្តចាក់មួយណា
- ប្រយ័ត្នស្រីៗ! មានសញ្ញាទាំងនេះ តិចកើតមហារីកមាត់ស្បូនមិនដឹងខ្លួន
- ខ្លាចមហារីកមាត់ស្បូនអត់? បើខ្លាចត្រូវស្វែងយល់អំពីវ៉ាក់សាំង HPV
- មហារីកមាត់ស្បូន បង្កការឈឺចាប់អីខ្លះ? ទប់ទល់របៀបណា?
- តេស្តរកមើលមហារីកមាត់ស្បូន ស្រីៗគួរស្វែងយល់
- ៣យ៉ាង ស្រីៗការពារខ្លួនពីជំងឺមហារីកមាត់ស្បូន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
