ឆ្នាំថ្មីនេះ ជារឿយៗនាំយកមកនូវគោលដៅថ្មីលើទៅសុខភាព ហើយគោលដៅមួយដែលគ្រប់គ្នា គួរតែពិចារណាបន្ថែមនោះ គឺការកំណត់ពេលដើម្បីពិនិត្យរកជំងឺមហារីក។
លោកវេជ្ជបណ្ឌិត Robert Smith អនុប្រធានជាន់ខ្ពស់ផ្នែកពិនិត្យជំងឺមហារីកសម្រាប់សង្គមជំងឺមហារិកអាមេរិក បានបញ្ជាក់ប្រាប់ថា៖ «ការពិនិត្យរកជំងឺមហារីក គឺជាវិធីដ៏ល្អបំផុត ប្រសិនបើការពិនិត្យត្រូវបានធ្វើជាទៀងទាត់ ស្របទៅតាមគោលការណ៍ណែនាំ»។
វេជ្ជបណ្ឌិតរូបនេះបានបន្ថែមទៀតថា ការពិនិត្យរកជំងឺមហារីក គឺជាផ្នែកមួយនៃផែនការការពារសុខភាពរបស់លោកអ្នក ដែលមានន័យថា អ្នកគួរតែពិនិត្យរកជំងឺមហារីកឲ្យបានទៀងទាត់ ផ្អែកទៅតាមភេទ និងអាយុរបស់អ្នក។
[embed-health-tool-due-date]
ជំងឺមហារីកទាំង៥ប្រភេទដែលគួរតែពិនិត្យក្នុងឆ្នាំ២០២៤
១. ជំងឺមហារីកសុដន់
ការពិនិត្យជំងឺមហារីកសុដន់ដោយម៉ាមម៉ូហ្គ្រាម គឺជាការថតសុដន់ដោយកាំរស្មី X ដើម្បីអាចឲ្យវេជ្ជបណ្ឌិតធ្វើការវិភាគរកសញ្ញានានាក្នុងដំណាក់កាលដំបូងនៃជំងឺមហារីកសុដន់។ ការពិនិត្យជាទៀងទាត់ គឺជាវិធីដ៏ល្អបំផុតក្នុងការអនុញ្ញាតឲ្យវេជ្ជបណ្ឌិតប្រៀបធៀបការផ្លាស់ប្តូររបស់សុដន់ និងអាចរកឃើញជំងឺមហារីកសុដន់ក្នុងដំណាក់កាលដំបូងបំផុត។
អាយុរបស់ស្ត្រីដែលគួរទទួលការពិនិត្យរកមហារីកសុដន់៖
- ស្ត្រីមានវ័យចាប់ពី៤០ ទៅ៤៤ឆ្នាំ អាចចាប់ផ្តើមពិនិត្យប្រចាំឆ្នាំ
- ស្ត្រីមានវ័យចាប់ពី៤៥ ដល់៥៤ឆ្នាំ គួរពិនិត្យជារៀងរាល់ឆ្នាំ
- ស្ត្រីមានវ័យ៥៥ឆ្នាំឡើងទៅ អាចចាប់ផ្តើមពិនិត្យម៉ាមម៉ូហ្គ្រាមជារៀងរាល់ឆ្នាំ ហើយការពិនិត្យគួរតែបន្តឲ្យបានយ៉ាងហោចណាស់១០ឆ្នាំ។
២. ការពិនិត្យជំងឺមហារីកមាត់ស្បូន
ការពិនិត្យទាំង២ប្រភេទខាងក្រោមនេះ អាចជួយរកជំងឺមហារីកមាត់ស្បូនទាន់ពេលវេលា ឬក៏អាចបង្ការជំងឺដ៏កាចសាហាវនេះបាន។
- ការធ្វើតេស្តរកវីរុស HPV គឺជាការពិនិត្យរកវីរុស HPV ដែលអាចធ្វើឲ្យមានការផ្លាស់ប្តូរកោសិកាក្នុងស្បូន។ ប្រសិនបើវីរុស HPV មិនអាចជម្រុះចេញទេនោះ វីរុសនេះ អាចបង្ករទៅជាដុំឫស្ស និងក្លាយជាដុំសាច់មហារីក។
- ការតេស្តកោសិកាមាត់ស្បូន (Pap smear) គឺវិធីរកមើលការផ្លាស់ប្តូរកោសិកាក្នុងមាត់ស្បូន ដែលអាចវិវឌ្ឍទៅជាជំងឺមហារីកមាត់ស្បូន ប្រសិនបើមិនមានការព្យាបាលទេនោះ។
ការពិនិត្យរកជំងឺមហារីកមាត់ស្បូន គួរតែត្រូវបានធ្វើឡើងទៅលើស្ត្រីដែលមានវ័យចាប់ពី១៨ឆ្នាំឡើងទៅ។
៣. ការពិនិត្យរកជំងឺមហារីកពោះវៀនធំ
មន្ទីរកិច្ចការសេវបង្ការសហរដ្ឋអាមេរិក ណែនាំថា ទាំងបុរស និងស្ត្រី ដែលមានវ័យចាប់ពី៤៥ ដល់៧៥ឆ្នាំ គួរតែធ្វើការពិនិត្យរកជំងឺមហារីកពោះវៀនធំ។ អ្នកដែលមានវ័យច្រើនជាង៧៥ឆ្នាំ និងអ្នកដែលមានហានិភ័យខ្ពស់ក្នុងការកើតជំងឺមហារីកពោះវៀនធំ គួរតែពិគ្រោះជាមួយនឹងវេជ្ជបណ្ឌិតអំពីការពិនិត្យ។
៤. ការពិនិត្យមហារីកក្រពេញប្រូស្តាត
ការធ្វើតេស្តឈាម អាចរកឃើញអង់ទីហ្សែនជាក់លាក់ក្រពេញប្រូស្តាត ដែលជាប្រូតេអ៊ីន ផលិតឡើងដោយកោសិកាក្នុងប្រពេញប្រូស្តាត (ទាំងកោសិកាធម្មតា និងកោសិកាមហារីក)។
បុរសដែលមានវ័យដូចខាងក្រោមនេះ គួរតែចាប់ផ្តើមពិនិត្យរកជំងឺមហារីកក្រពេញប្រូស្តាត
- បុរសវ័យ៥០ឆ្នាំ ស្ថិតក្នុងហានិភ័យជាធម្យមក្នុងការកើតជំងឺមហារីកក្រពេញប្រូស្តាត និងគួរតែពិនិត្យឲ្យបាន១០ឆ្នាំជាប់គ្ន
- បុរសវ័យ៤០ឆ្នាំ ដែលមានសាច់ញាតិកើតជំងឺមហារីកក្រពេញប្រូស្តាត។
៥. ពិនិត្យជំងឺមហារីកសួត
មន្ទីរកិច្ចការសេវបង្ការសហរដ្ឋអាមេរិក ណែនាំថា អ្នកដែលស្ថិតក្នុងជំពូកមនុស្សដូចខាងក្រោមនេះ គួរតែធ្វើការពិនិត្យរកជំងឺមហារីកសួត១ដងក្នុង១ឆ្នាំ។
- អ្នកដែលជក់បារី២០កញ្ចប់ក្នុង១ឆ្នាំ ឬមានប្រវត្តជក់ច្រើនជាងនេះ (ដូចជា១កញ្ចប់១ថ្ងៃ រយៈពេល២០ឆ្នាំ ឬ២កញ្ចប់ក្នុង១ថ្ងៃ រយៈពេល១០ឆ្នាំ។
- អ្នកដែលកំពុងតែជក់បារី ឬធ្លាប់ជក់ ប៉ុន្តែ ផ្តាច់បានរយៈពេល១៥ឆ្នាំ។
- អ្នកដែលមានវ័យចន្លោះពី៥០ ទៅ៨០ឆ្នាំ។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
- មហារីកសុដន់ដោយសារមិនបានបំបៅកូន វិវត្តមកពីបែប
ចំណុចសំខាន់
១. ជំងឺមហារីកសុដន់
២. ការពិនិត្យជំងឺមហារីកមាត់ស្បូន
៣. ការពិនិត្យរកជំងឺមហារីកពោះវៀនធំ
៤. ការពិនិត្យមហារីកក្រពេញប្រូស្តាត
៥. ពិនិត្យជំងឺមហារីកសួត
